រឿងមិនគួរឱ្យជឿ! ក្រោយព្រះស.ពព្រះសង្ឃភូមាសុគតបាន៧ថ្ងៃ
ទោះសុគតអស់៧ថ្ងៃក្តី ព្រះសពរបស់មហាថេរដ៏ល្បីនៅមីយ៉ាន់ម៉ា មិនហើម មិនស្អុយ មិនប្រែពណ៌អ្វីទាំងអស់ ។ ព្រះមហាថេរ: ព្រះនាម Myaing Sayadaw…
ទោះសុគតអស់៧ថ្ងៃក្តី ព្រះសពរបស់មហាថេរដ៏ល្បីនៅមីយ៉ាន់ម៉ា មិនហើម មិនស្អុយ មិនប្រែពណ៌អ្វីទាំងអស់ ។ ព្រះមហាថេរ: ព្រះនាម Myaing Sayadaw…
ទោះសុគតអស់៧ថ្ងៃក្តី ព្រះសពរបស់មហាថេរដ៏ល្បីនៅមីយ៉ាន់ម៉ា មិនហើម មិនស្អុយ មិនប្រែពណ៌អ្វីទាំងអស់ ។
ព្រះមហាថេរ: ព្រះនាម Myaing Sayadaw (សាយ៉ាដាវ ) ដែលត្រូវបានគេចាត់ទុកជានិមិត្តរូបនៃក្តីសង្ឃឹមសម្រាប់ពុទ្ធសាសនិកមីយ៉ាន់ម៉ានោះបានសុគត កាលពីថ្ងៃទី៣០ ខែមេសា ឆ្នាំ២០២៤ ប៉ុន្តែក្រោយសុគតអស់រយៈពេល៧ថ្ងៃទៅហើយ ពោលគឹតត្រឹមថ្ងៃទី០៦ ខែឧសភា ឆ្នាំ២០២៤ ព្រះសពរបស់ព្រះអង្គហាក់នៅតែរក្សាបានសភាពដូចមនុស្សដែលមានជីវិតធម្មតា ដោយគ្មានការផ្លាស់ប្តូរពណ៌ស្បែក និងក្លិនអ្វីទាំងអស់ ខុសពីសាកសពមនុស្សសាមញ្ញទូទៅ ដែលជាធម្មតាក្នុងរយៈពេលតែ៣ថ្ងៃ នឹងហើមរលួយ ហៀរទឹករងៃ និងធុំក្លិនអសោច ជាក់ជាមិនខាន។
រឿងដ៏អស្ចារ្យនេះ ត្រូវមានមនុស្សដែលមានជំនឿចាត់ទុកថាជាអភិនីហា ដែលមិនអាចវាស់វែងបានដោយវិទ្យាសាស្ត្រ។ ព្រះមហាថេរ: សាយ៉ាដាវ បានសុគត់នៅវេលាម៉ោង១និង១០នាទីរសៀលថ្ងៃទី៣០ មេសា ឆ្នាំ២០២៤ នៅវត្ត Nayyadham ក្នុងទីរួមស្រុក Kanbalu ក្នុងរដ្ឋ Sagaing របស់មីយ៉ាន់ម៉ា ដោយសារតែជំងឺតម្រងនោម ក្នុងព្រះជន្ម៨៣ព្រះវស្សា និងបន្ទាប់ពីបួសជាសង្ឃអស់រយៈពេល ៤៥ព្រះវស្សា។
កាលពីថ្ងៃទី០៦ ខែឧសភា ព្រះភិក្ខុ សីលានន្ទ បានចែករំលែករឿងរ៉ាវដ៏អស្ចារ្យរបស់ព្រះមហាថេរ: សាយ៉ាដាវ នៅលើគណនីហ្វេសបុក ដោយមានសង្ឃដីការថា «ព្រះសង្ឃ ជាមហាថេរ ជនជាតិភូមា ក្រោយពីអនិច្ចធម្មកន្លងច្រើនថ្ងៃហើយ ព្រះសពមិនហើមប៉ោង មិនស្អុយរលួយ កំពុងល្បីខ្លាំង នៅប្រទេសភូមា ។
យ៉ាងណាក៏ដោយ ពាក់ពន្ធ៍នឹងរឿងរ៉ាវដែលកំពុងល្បីនេះ ត្រូវបានព្រះភិក្ខុ សីលានន្ទ មានសង្ឃដីការពន្យល់ថា កុំទាន់អាលវិនច្ឆ័យច្បាស់ពេក គ្រាន់តែព្រះសព ក្រោយអនិច្ចធម្មទៅហើយ មិនហើមប៉ោង មិនស្អុយរលួយថា ជាអរិយបុគ្គលថ្នាក់នេះ ថ្នាក់នោះ យើងមិនទាន់មានបញ្ញាញាណក្នុងការព្យាករទេ យើងមិនអាចដឹងថា លោកជាព្រះអរិយបុគ្គលឬយ៉ាងណានោះទេ តែព្រះគុណម្ចាស់ ពិតជាព្រះមហាថេរ មានគុណធម៌ពិតៗ មិនមែនក្លែងធ្វើ លោកបានសមាទានធុតង្គតាំងពីក្មេងរហូតដល់ថ្ងៃសុគត ក្រោយពីលោករៀនធម៌និងវិន័យបានចប់ល្មមសមគួរ អាចបដិបត្តតាមធម៌និងវិន័យបាន លោកនៅតែព្រៃតែមួយអង្គឯង ជាអ្នកប្រាថ្នាតិច ជាអ្នកសន្តោស ជាធម្មវនវាសីនៅព្រៃដោយមិនប្រាថ្នាលាភ នៅព្រៃដោយអធ្យាស្រ័យផ្ទាល់ខ្លួន និងបដិបត្តិធម៌តម្រង់ទិសដៅរួចផុតចាកទុក្ខ ។
ព្រះភិក្ខុ សីលានន្ទ មានថេរដីការបន្តថា ចំពោះរឿងសពរលួយនិងមិនរលួយ មិនមែនដោយសារជាព្រះអរិយបុគ្គល ឬ ព្រះអរហន្តនោះទេ ព្រោះថា សូម្បីព្រះអរហន្តបដិសម្ភិទា ៤ ក្រោយបរិនិព្វាន ក៏សាកសពស្អុយរលួយប៉ោងហើមដូចមនុស្សសាមញ្ញដែរ។ ប៉ុន្តែតែអ្នកបានសម្រេចអភិញ្ញាហើយ អាចអធិដ្ឋានមិនឲ្យសពស្អុយរលួយជាដើមបាន សូម្បីតែបុថុជ្ជនជា អ្នកបានឈានហើយ អាចសម្រេចបានដល់ថ្នាក់អភិញ្ញាលោកិយៈត្រឹមថ្នាក់អភិញ្ញា៥ ក៏អាចអធិដ្ឋានមិនឲ្យសពស្អុយរលួយហើមប៉ោងបានដូចគ្នា គឺអ្នកបានអភិញ្ញាអាចធ្វើបាន។ សូម្បីសរីរ:របស់បុគ្គលអ្នកប្រាសចាកកិលេស ដែលស្លាប់ទៅហើយ ក៏មិនមានក្លិនស្អុយដែរ។
ចំពោះមហាថេរ សាយ៉ាដាវ កាលលោកនៅមានព្រះជន្ម លោកធ្លាប់បានបដិសេធខ្លួនលោកថា មិនមែនព្រះអរហន្តទេ។ ដូច្នោះ ទ្រង់អាចជា អរិយបុគ្គលថ្នាក់៣បន្ទាប់ណាមួយក៏យើងមិនដឹង ឬ ជាបុថុជ្ជនអ្នកអភិញ្ញា៥ ក៏ថាបាន។ ដូច្នេះ យើងមិនអាចវិនិច្ឆ័យបានឡើយ គ្រាន់តែថា គុណធម៌របស់លោកពិតជាមានមែន យើងគោរពបូជាចំពោះលោក លើកសរសើរគុណរបស់លោកចុះ ។ ខ្ញុំសូមនមស្ការលោកអ្នកបដិបត្តិពិត ខ្ញុំសូមនមស្ការលោកអ្នកមានគុណធម៌ពិត។ជាបើយោងតាមសង្ឃដីការរបស់ព្រះភិក្ខុ សីលានន្ទ៕
ចែករំលែកព័តមាននេះ