ឆាបឆេះធុងផ្ទុកហ្គាស នៅកំពង់ផែមួយក្នុងប្រទេសថៃ បណ្តាលឱ្យមានអ្នកស្លា.ប់ និងរបួស
(ថៃ)៖ យោងតាមការចុះផ្សាយរបស់សារព័ត៌មានក្នុងស្រុក បានឱ្យដឹងថា នៅថ្ងៃទី០៩ ខែឧសភា ឆ្នាំ២០២៤នេះមានករណីឆាបឆេះធុងផ្ទុកហ្គាស នៅកំពង់ផែឧស្សាហកម្ម Map Ta Phut…
(ថៃ)៖ យោងតាមការចុះផ្សាយរបស់សារព័ត៌មានក្នុងស្រុក បានឱ្យដឹងថា នៅថ្ងៃទី០៩ ខែឧសភា ឆ្នាំ២០២៤នេះមានករណីឆាបឆេះធុងផ្ទុកហ្គាស នៅកំពង់ផែឧស្សាហកម្ម Map Ta Phut…
(ថៃ)៖ យោងតាមការចុះផ្សាយរបស់សារព័ត៌មានក្នុងស្រុក បានឱ្យដឹងថា នៅថ្ងៃទី០៩ ខែឧសភា ឆ្នាំ២០២៤នេះមានករណីឆាបឆេះធុងផ្ទុកហ្គាស នៅកំពង់ផែឧស្សាហកម្ម Map Ta Phut ក្នុងខេត្តរ៉ាក់យ៉ង (Rayong) ប្រទេសថៃ។
អគ្គីភ័យនេះបានចាប់ផ្តើមនៅម៉ោងប្រហែល ១០.៣០ នាទីព្រឹក ដោយនៅកន្លែងកើតហេតុភ្លើងឆេះដោយបញ្ចេញផ្សែងខ្មៅយ៉ាងសន្ធោសន្ធៅឡើងលើមេឃ ដែលអាចមើលឃើញពីចម្ងាយ។
ក្រុមហ៊ុន Map Ta Phut Tank Terminal Co Ltd ស្ថិតនៅកំពង់ផែ Map Ta Phut ជាកំពង់ផែពាណិជ្ជកម្ម និងស្ថានីយស្តុកទុកសារធាតុរាវ និងឧស្ម័ន រួមទាំងផលិតផលប្រេង។ ហើយបើគិតត្រឹមម៉ោង២រសៀល សេចក្តីប្រកាសព័ត៌មានទី ២ របស់ក្រុមហ៊ុនបានបញ្ជាក់ថា បុគ្គលិក៤នាក់បានរងរបួស និងម្នាក់បានស្លាប់។ បុគ្គលិកផ្សេងទៀតត្រូវបានជម្លៀសចេញពីតំបន់នោះ។
ប្រភពបានបន្តថាក្រុមអ្នកជួយសង្គ្រោះ និងក្រុមអ្នកពន្លត់អគ្គិភ័យបានបាញ់ពន្លត់ភ្លើងដែលក្នុងពេលនោះមានឮសំឡេងផ្ទុះផងដែរ។ ក្នុងការឆ្លើយតបសមត្ថកិច្ចបានបិទផ្លូវ ដើម្បីសម្រួលដល់ការឆ្លើយតបពេលមានអាសន្ន និងធានាសុវត្ថិភាពសាធារណៈ។ អគ្គិភ័យនេះត្រូវបានគេជឿថាបានធ្វើឱ្យគុណភាពខ្យល់នៅតំបន់ជុំវិញកាន់តែអាក្រក់ទៅៗ។
យ៉ាងណាក៏ដោយ នាយកអាជ្ញាធរឧស្សាហកម្មនៃប្រទេសថៃ លោក Veeris Ammarapala បាននិយាយថា ភាគល្អិត និងផ្សែងដែលចេញពីភ្លើងមិនទាន់មានផលប៉ះពាល់ដល់សហគមន៍ ឬបរិស្ថាននៅឡើយទេ៕ ប្រភព៖ The Nation Thailand/ Thai PBS
ចែករំលែកព័តមាននេះ