រាជធានីភ្នំពេញ ៖ សម្តេចធិបតីហ៊ុន ម៉ាណែត នាយករដ្ឋមន្ត្រីកម្ពុជា បានគូសបញ្ជាក់ថា ទោះបីជាមិនអាចជិះម៉ូតូមែនទែនកម្សាន្តទៀត ក៏អាចបន្ធូរអារម្មណ៍បានតាមការមើលរូបថតចាស់ៗ និងម៉ូតូជ័រ២គ្រឿងនៅលើតុ។ យោងតាមបណ្តាញសង្គ…
រាជធានីភ្នំពេញ ៖ សម្តេចធិបតីហ៊ុន ម៉ាណែត នាយករដ្ឋមន្ត្រីកម្ពុជា បានគូសបញ្ជាក់ថា ទោះបីជាមិនអាចជិះម៉ូតូមែនទែនកម្សាន្តទៀត ក៏អាចបន្ធូរអារម្មណ៍បានតាមការមើលរូបថតចាស់ៗ និងម៉ូតូជ័រ២គ្រឿងនៅលើតុ។
យោងតាមបណ្តាញសង្គ នៅថ្ងៃទី៩ ខែឧសភា ឆ្នាំ ២០២៤ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានបង្ហាញអារម្មណ៍របស់សម្តេច ជុំវិញការនឹករលឹកអំពីការកម្សាន្តដោយម៉ូតូ ខណៈក្នុងនាមជានាយរកដ្ឋមន្ត្រី សម្តេចមិនអាចប្រើប្រាស់ម៉ូតូបាន ដូចកាលពីមុនទៀតនោះ បានធ្វើឱ្យសម្តេចនិយាយថា ឥឡូវទោះបីជាមិនអាចជិះម៉ូតូមែនទែនកំសាន្តទៀត ក៏ខ្ញុំអាចបន្ធូរអារម្មណ៍បាន តាមការមើលរូបថតចាស់ៗ និងម៉ូតូជ័រពីរគ្រឿងនៅលើតុ ។
សម្តេចធិបតីបានលើកឡើងថា ៖ សូមនិយាយលេងបន្តិចដើម្បីបានកំសាន្តនិងបន្ធូរអារម្មណ៍! ម្សិលមិញ ពេលខ្ញុំកំពុងតែពិនិត្យឯកសារ ស្រាប់តែក្រុមជំនួយការ យកម៉ូតូជ័រពីរគ្រឿង (BMW R1250 GSA និង Kawasaki Ninja H2R) មកឱ្យ ។ ប្រហែលពួកគេដឹងថា ខ្ញុំអស់ឱកាសប្រើរបស់ពិតហើយ បានជាខំទិញកូនម៉ូតូជ័រ ២គ្រឿងនេះមកឱ្យខ្ញុំ ទុកគ្រាន់មើលកំសាន្តអារម្មណ៏ពេលអផ្សុក។
សម្តេចធិបតី បានគូសបញ្ជាក់ថា «សូមអរគុណក្រុមជំនួយការ ដែលយល់ចិត្ត។ ឥឡូវ ទោះបីជាមិនអាចជិះម៉ូតូមែនទែនកំសាន្តទៀត ក៏ខ្ញុំអាចបន្ធូរអារម្មណ៍បាន តាមការមើលរូបថតចាស់ៗ និងម៉ូតូជ័រពីរគ្រឿងនៅលើតុ»៕
ចែករំលែកព័តមាននេះ