កោះសន្តិភាព

មហាសេដ្ឋី​ដែល​មានកូន​ច្រើន ពោល គឺ​ចាប់ពី​៩​នាក់​ឡើង ដែល​ទស្សនាវដ្ដី Forbes បាន​ចុះ និង​បង្កើត​បញ្ជី​ឈ្មោះ គឺ​មាន​ចម្រុះ​តាំងពី​កំពូល​មហាសេដ្ឋី​អា​មេ​រិ​ក គឺ​លោក Elon Musk ឡើង ។

ខាងក្រោម​នេះ ជា​បញ្ជី​ឈ្មោះ​មហាសេដ្ឋី​ដែល​មានកូន​ច្រើន​ជាងគេ ដែល​កម្មវិធី​លុយ​នៃ​សារព័ត៌មាន​កោះសន្តិភាព​បាន​ស្រាវជ្រាវ​ទុកជា​ការ​កម្សាន្ត ។

១.​លោក ស៊ូ​ហៃ បាស​វាន់ (Suhail Bahwan)

ជា​មហាសេដ្ឋី​ដែល​មានកូន​ច្រើន​ជាងគេ ដោយ​លោក​កូន​សរុប​រហូត​ដល់​១៥​នាក់ ។ លោក ស៊ូ​ហៃ បាស​វាន់ ដែល​មាន​ដើម​កំណើត​នៅ​ប្រទេស​អូ​ម៉​ង់ គឺជា​ស្ថាបនិក និង​ជា​ប្រធាន​ក្រុមហ៊ុន Suhail Bahwan Group ដែល​ជា​ក្រុមហ៊ុន​ធំ​ជាងគេ​មួយ នៅ​ក្នុង​ប្រទេស​អូ​ម៉​ង់ ។ លោក គឺជា​មហាសេដ្ឋី​ជី ដែល​រោងចក្រ​ជី​របស់​លោក អាច​មាន​សមត្ថភាព​ផលិត​ជី​បាន​១,៣​លាន​តោន​ក្នុង​មួយ​ឆ្នាំ ។ ក្រៅពី​នេះ​លោក​ក៏​ជា​ម្ចាស់​ក្រុមហ៊ុន​ចែកចាយ​រថយន្ត Nissan និង BWM នៅ​អូ​ម៉​ង់​ផង​ដែរ ។

២.​លោក ហ្វ្រេ​ង វា​ឌឺ​ស្លូត (Frank VanderSloot)

លោក ហ្វ្រេ​ង វា​ឌឺ​ស្លូត គឺជា​ស្ថាបនិក និង​ជានា​យក​ប្រតិបត្តិ​នៃ​ក្រុមហ៊ុន Melaleuca ដែល​ជា​ក្រុមហ៊ុន​ផលិត និង​អ្នក​លក់រាយ​តាម​អ៊ីនធឺណិត​នូវ​ផលិតផល​សុខភាព​ចំនួន​៤៥០​ប្រភេទ ។ សព្វ​ថ្ងៃនេះ​លោក​ត្រូវ​បាន​គេ​ដឹង​ថា ជា​ឪពុក​ដែល​មានកូន​សរុប​ដល់​ទៅ​ចំនួន​១៤​នាក់ ។

៣. លោក ហ្វា​រី វៀល​( Farris Wilks)

លោក ហ្វា​រី វៀល មានកូន​ចំនួន​១១​នាក់ ។ ជាមួយនឹង​ទ្រព្យសម្បត្តិ​សុទ្ធ​ដែល​មាន​តម្លៃ​សរុប​ចំនួន​១,៣ ពាន់​លាន​ដុល្លារ ឧស្សាហកម្ម​ប្រេង titan លោក គឺជា Petroleum Magnate និង​ជា​គ្រូ​គង្វាល​នៃ​ព្រះ​វិហារ​ផ្ទាល់ខ្លួន​របស់​លោក ដែល​មានឈ្មោះ​ថា Assembly of Yahweh Seventh Day ក្នុង​រដ្ឋ​តិច​សាស់​។ នៅ​ក្នុង​ពេល​សព្វ​ថ្ងៃនេះ លោក​ត្រូវ​សង្ស័យ​ថា ជា​អ្នក​ដែល​មាន​ភាព​ស្និទ្ធស្នាល​បំផុត​ជាមួយនឹង​លោក ដូ​ណា​ល់ ត្រាំ និង​ជា​អ្នក​ផ្តល់​ជំនួយ​យ៉ាង​សកម្ម​ដល់​គណបក្ស​សាធារណរដ្ឋ​មួយ​រូប ។

៤. លោក ដេ​វី​ដ ឌូ​ហ្វៀ​ល (David Duffield)

លោក ដេ​វី​ដ ឌូ​ហ្វៀ​ល មានកូន​១០​នាក់ ជា​ស្ថាបនិក​ក្រុមហ៊ុន​កម្មវិធី Workday និង PeopleSoft ។ លោក ដេ​វី​ដ ឌូ​ហ្វៀ​ល និង​ភរិយា​របស់​គាត់​បាន​បង្កើត​មូលនិធិ Maddie’s រក​ប្រាក់​ចំណេញ​មួយ ហើយ​លោក​តែងតែបាន​បរិច្ចាគ​ប្រាក់​ចំនួន​២៥៥ លាន​ដុល្លារ​ជា​ជំនួយ​ដល់​ក្រុម ដែល​ផ្តោត​លើ​សុខុមាលភាព​សត្វ និង​ការ​លុប​បំបាត់​ជម្រក​សម្លាប់សត្វ​ពាសពេញ​សហរដ្ឋអាមេរិក ។

៥.​លោក អេ​ឡ​ន ម៉ាស ( Elon Musk)

លោក អេ​ឡ​ន ម៉ាស ជា​កំពូល​មហាសេដ្ឋី​លំដាប់​កំពូល​នៅ​លើ​ពិភពលោក ហើយ​លោក​ក៏​ជា​កំពូល​សេដ្ឋី​ដែល​មានកូន​ច្រើន​ផង​ដែរ ។ មក​ដល់​ពេល​នេះ លោក អេ​ឡ​ន ម៉ាស ត្រូវ​បាន​គេ​ដឹង​ថា មានកូន​៩ នាក់​។ លោក​មានកូន​៦​នាក់ ជាមួយ​អ្នកនិពន្ធ​ជនជាតិ​កា​ណា​ដា គឺ​លោក ស្រី ចា​ស្ទី​ន វិល​សុ​ន ( Justine Wilson) ដែល​គាត់​បាន​រៀប​ការ ពី​ឆ្នាំ​២០០០ ដល់​ឆ្នាំ​២០០៨ ។ កូន​ដំបូង​របស់​ពួក​គេ​បាន​ស្លា​.​ប់​នៅ​អាយុ​១០​ស​ប្តា​ហ៍ ។ បន្ទាប់​មក​ប្តី​ប្រពន្ធ​មួយគូ​នេះ មានកូន​ភ្លោះ បន្ទាប់​មក​កូនភ្លោះ​បី ។ លោក អេ​ឡ​ន ម៉ាស ក៏​មានកូន​ពីរ​នាក់​ជាមួយ​តន្ត្រីករ Grimes ។ កូន​ទី​មួយ កើត​នៅ​ខែមីនា ឆ្នាំ​២០២០ និង​លើក​ទី​ពីរ​នៅ​ខែធ្នូ ឆ្នាំ ២០២១ ។ គាត់​ក៏​មានកូន​ភ្លោះ​នៅ​ខែវិច្ឆិកា ឆ្នាំ​២០២១ ជាមួយ​សហសេវិក តេ​ស្លា​ស ស៊ី​វុន ហ្សី​លី​ស ( Tesla Shivon) Zilis ដែល​ធ្លាប់​ធ្វើការ​នៅ Neuralink ៕