ADផ្ទាំងផ្សព្វផ្សាយពាណិជ្ជកម្ម

Picture

អ្នក​ទោស​ហែក​គុក​​នៅ​ប្រទេស​នី​ហ្សេ​រីយ៉ា​ក្រោយ​ភ្លៀង​ធ្លាក់​ខ្លាំង​១​មេ​ធំ

2 ខែ មុន

ទី​ក្រុង​អាប៊ូចា៖ ​មាន​ករណី​អ្នក​ទោស​ហែក​គុក​នៅ​ប្រទេស​នីហ្សេរីយ៉ា​​ស្ថិត​នៅ​ទ្វីប​អាហ្វ្រិក​កាល​ពី​ពេល​ថ្មី​ៗ​នេះ​បណ្ដាល​ឱ្យ​អ្នក​ជាប់​ឃុំ​យ៉ាង​តិច​១១៨​នាក់​​រត់​គេច​ខ្លួន​ទៅ​ទី​កន្លែង​ណា​មិន​ពិត​ប្រាកដ​។ សមត្ថ​​កិច្ច​កំពុង​តែ​តាម​ប្រមាញ់​ពួកគេ​ត្រឡប់​មក​ជាប់​គុក​វិញ​យ៉ាង​វក់​វីរ​ជា​ទី​បំផុត​។ សាក្សី​និយាយ​ថា​មុន​ពេល​កើត​ហេតុ​មាន​ភ្លៀង​ធ្លាក់​ខ្លាំង​មួយ​ប្រាវ​ ហើយ​ធ្វើ​​ឱ្យ​ទី​តាំង​គុក​នេះ​រង​ការ​ខូច​ខាត​។ ពន្ធ​នា​គារ​មួយ​កន្លែង​នេះ​ស្ថិត​នៅ​មិន​ឆ្ងាយ​ប៉ុន្មាន​ពី​រដ្ឋ​ធានី​អាប៊ូចា​នៃ​ប្រទេស​នីហ្សេរីយ៉ា​នោះ​ទេ​។​ ភ្លៀង​ធ្លាក់​ខ្លាំង​​ជា​​ច្រើន​ម៉ោង​​​ធ្វើ​​ឱ្យ​ពន្ធ​នាគារ​ដ៏​ទ្រុឌទ្រោម​ដែល​មាន​​ប្រព័ន្ធ​ការ​ពារ​សន្តិ​សុខ​កម្រិត​មធ្យម​​១​កន្លែង​នេះ​ចាប់​ផ្ដើម​លិច​លង់​​បរិវេណ​ពន្ធ​នា​គារ​ និង​បន្ទប់​ឃុំ​ឃាំង​។ នេះ​បើ​យោ​ងតាម​អ្នក​​នាំ​ពាក្យ​អគ្គ​នាយក​ដ្ឋាន​ពន្ធ​នា​គារ​។ ក្រោយ​ហេតុ​ការណ៍​អ្នក​ទោស​ហែក​គុក​នេះ…

ទី​ក្រុង​អាប៊ូចា៖ ​មាន​ករណី​អ្នក​ទោស​ហែក​គុក​នៅ​ប្រទេស​នីហ្សេរីយ៉ា​​ស្ថិត​នៅ​ទ្វីប​អាហ្វ្រិក​កាល​ពី​ពេល​ថ្មី​ៗ​នេះ​បណ្ដាល​ឱ្យ​អ្នក​ជាប់​ឃុំ​យ៉ាង​តិច​១១៨​នាក់​​រត់​គេច​ខ្លួន​ទៅ​ទី​កន្លែង​ណា​មិន​ពិត​ប្រាកដ​។ សមត្ថ​​កិច្ច​កំពុង​តែ​តាម​ប្រមាញ់​ពួកគេ​ត្រឡប់​មក​ជាប់​គុក​វិញ​យ៉ាង​វក់​វីរ​ជា​ទី​បំផុត​។ សាក្សី​និយាយ​ថា​មុន​ពេល​កើត​ហេតុ​មាន​ភ្លៀង​ធ្លាក់​ខ្លាំង​មួយ​ប្រាវ​ ហើយ​ធ្វើ​​ឱ្យ​ទី​តាំង​គុក​នេះ​រង​ការ​ខូច​ខាត​។ ពន្ធ​នា​គារ​មួយ​កន្លែង​នេះ​ស្ថិត​នៅ​មិន​ឆ្ងាយ​ប៉ុន្មាន​ពី​រដ្ឋ​ធានី​អាប៊ូចា​នៃ​ប្រទេស​នីហ្សេរីយ៉ា​នោះ​ទេ​។​

ភ្លៀង​ធ្លាក់​ខ្លាំង​​ជា​​ច្រើន​ម៉ោង​​​ធ្វើ​​ឱ្យ​ពន្ធ​នាគារ​ដ៏​ទ្រុឌទ្រោម​ដែល​មាន​​ប្រព័ន្ធ​ការ​ពារ​សន្តិ​សុខ​កម្រិត​មធ្យម​​១​កន្លែង​នេះ​ចាប់​ផ្ដើម​លិច​លង់​​បរិវេណ​ពន្ធ​នា​គារ​ និង​បន្ទប់​ឃុំ​ឃាំង​។ នេះ​បើ​យោ​ងតាម​អ្នក​​នាំ​ពាក្យ​អគ្គ​នាយក​ដ្ឋាន​ពន្ធ​នា​គារ​។ ក្រោយ​ហេតុ​ការណ៍​អ្នក​ទោស​ហែក​គុក​នេះ កង​សន្តិសុខ​ជាតិ​បន្ត​តាម​រក​ពួក​គេ​យ៉ាង​ដុត​ដៃ​ដុត​ជើង​។ រហូត​មក​ដល់​ពេល​នេះ គេ​ចាប់​បាន​អ្នក​ទោស​ដប់​នាក់​ត្រឡប់​មក​​វិញ​។ សមត្ថ​កិច្ច​កំពុង​ធ្វើ​ការ​យ៉ាង​ក្ដៅ​គគុក​ដើម្បី​តាម​ចាប់​អ្នក​ទោស​ហែក​គុក​ដទៃ​ទៀត​​​។

អ្នក​នាំ​ពាក្យ​នីហ្សេរីយ៉ា​ថ្លែង​ថា​​សាធារណ​ជន​អាច​ចូល​រួម​ចំណែក​តាម​ចាប់​អ្នក​ទោស​ទាំង​នោះ​ប្រគល់​ទៅ​ឱ្យ​សមត្ថ​​កិច្ច។ បើ​រក​ឃើញ​ករណី​គួរ​ឱ្យ​សង្ស័យ​ក៏​អាច​​​​រាយ​ការណ៍​ទៅ​សមត្ថ​កិច្ច​ករណី​ផង​ដែរ​​។ អ្នក​នាំ​ពាក្យ​រូប​នេះ​មិន​បាន​បក​ស្រាយ​លម្អិត​ថា​ក្រុម​ណា​ដែល​ចូល​ដៃ ឬ​ជួយ​សម្រួល​ការ​ហែក​គុក​លើក​នេះ​​ទេ​។ ប៉ុន្តែ​គេ​ដឹង​ថា​កាល​ពី​ពេល​កន្លង​មក​ក្រុម​ឧទ្ទាម​ជ្រុល​និយម​ឈ្មោះ​បូកូហារ៉ាម (Boko Haram) ធ្លាប់​ត្រូវ​សមត្ថ​កិច្ច​យក​ទៅ​ដាក់​ឃុំ​នៅ​ក្នុង​ពន្ធ​នា​គារ​​​នេះ​។​ ​​មាន​ន័យ​ថា​អាច​ជា​ក្រុម​នេះ​ហើយ​ដែល​ចូល​ទៅ​រំដោះ​គ្នា​របស់​ពួក​គេ​។

សព្វ​ថ្ងៃ​នេះ​នៅ​ប្រទេស​នីហ្សេរីយ៉ា​ បញ្ហា​អ្នក​ទោស​ហែក​គុក​បាន​ក្លាយ​ជា​កង្វល់​ដ៏​ធំ​មួយ​​​នៅ​ពេល​​​​ដែល​បន្ទប់​ឃុំ​ឃាំង​មាន​ទំហំ​តូច​ចង្អៀត​ខ្លាំង​​ ខណៈ​​អ្នក​ជាប់​ឃុំ​​មានចំនួន​កាន់​តែ​ច្រើន​​​ហួស​កំណត់​ គួប​ផ្សំ​នឹង​ការ​ទទួល​បាន​ថវិកា​​ខ្សត់​ខ្សោយ​ខ្លាំង​សម្រាប់​ប្រើ​ប្រាស់​ពង្រឹង​សន្តិ​សុខ​ និង​គុណ​ភាព​​សេវា​នៅ​ក្នុង​​​ពន្ធ​នា​គារ​។ ម៉្យាង​ទៀត​ ប្រព័ន្ធ​សន្តិ​សុខ​ការ​ពារ​អ្នក​ជាប់​ឃុំ​ក៏​មិន​សូវ​រឹង​មាំ​ប៉ុន្មាន​ដែរ​។ បញ្ហា​​នេះ​ងាយ​ស្រួល​ធ្វើ​ឱ្យ​​ពួក​អ្នក​ទោស​​​​មាន​ឱកាស​ល្អ​​ដើម្បី​ហែក​គុករត់​គេច​ខ្លួន​​បាន​សម្រេច​។​

រយៈ​ពេល​ប៉ុន្មាន​ឆ្នាំ​ចុង​ក្រោយ​នេះ​​មាន​ករណី​អ្នក​ទោស​​​ហែក​គុក​រត់​គេច​ខ្លួន​រាប់​ពាន់​នាក់​ដោយ​សារ​តែ​អគារ​ឃុំ​ឃាំង​អ្នក​ទោស​សាង​សង់​មិន​សូវ​រឹង​មាំ​ គួប​ផ្សំ​នឹង​ការ​វាយ​ប្រហារ​ពី​ពួក​​កង​កម្លាំង​ប្រដាប់​អាវុធ​ដែល​ប្រឆាំង​នឹង​រដ្ឋាភិបាល​។ ​ចំណុច​ដែល​គួរ​កត់​សម្គាល់​គឺ​ករណី​ហែក​គុក​រំដោះ​អ្នក​ទោស​កាល​ពី​ខែ​កក្កដា ឆ្នាំ​២០២២​ពី​សំណាក់​ក្រុម​ឥស្លាម​ជ្រុល​និយម​នៅ​ពន្ធ​នាគារ​ដែល​មាន​ប្រព័ន្ធ​ការ​ពារ​រឹង​មាំ​កណ្ដាល​រដ្ឋ​ធានី​អាប៊ូចា​។ កាល​នោះ អ្នក​ទោស​៤៤០​នាក់​​រត់​គេច​ចេញ​ពី​មន្ទីរ​ឃុំ​ឃាំង​។​

នៅ​ត្រង់​ចំណុច​នេះ​អ្នក​នាំ​ពាក្យ​នីហ្សេរីយ៉ា​បញ្ជាក់​ថា​កង​សន្តិសុខ​ជាតិ​មិន​មែន​ព្រងើយ​កន្តើយ​ ឬ​មិន​​ដឹង​អំពី​សភាព​ចាស់​ទ្រុឌ​ទ្រោម​នៃ​ពន្ធ​នា​គារ​មួយ​​កន្លែង​នេះ​ដែល​សាង​សង់​តាំង​ពី​សម័យ​អាណា​និគម​អង់គ្លេស​។ ដូច្នេះ វា​​ត្រូវ​តែ​ចាស់​ និង​ទ្រុឌ​ទ្រោម​ទៅ​តាម​អាយុ​កាល​របស់​វា​។ ឥឡូវ​នេះ​នីហ្សេរីយ៉ា​​​កំពុង​ខិត​ខំ​ធ្វើ​ទំនើប​កម្ម​ប្រព័ន្ធ​ពន្ធ​នា​គារ​របស់​ខ្លួន​​។ ក្នុង​នោះ​មាន​ការ​សង​សង់​ពន្ធ​នា​គារ​​៦​​កន្លែងថ្មី​ទៀត​។ ​មួយ​​កន្លែង​ៗ​អាច​ដាក់​អ្នក​ទោស​បាន​បី​ពាន់​នាក់​។ ​ចំណែក​ពន្ធ​នា​គារ​ដែល​ចាស់​ទ្រុឌ​ទ្រោម​ក៏​កំពុង​ជួស​ជុល​កែ​លម្អ​ផង​ដែរ​៕​

អត្ថបទសរសេរ ដោយ

កែសម្រួលដោយ