រាជធានីភ្នំពេញ ៖ ជនសង្ស័យម្នាក់ ទើបនឹងចេញពីពន្ធនាគារ ដោយសារឆក់កាបូប បានធ្វើសកម្មភាពឆក់ទូរសព្ទនារីម្នាក់បានសម្រេច តែរត់មិនរួច ត្រូវសមត្ថកិច្ចបង្ក្រាបបាននាំយកទៅចាត់ការតាមច្បាប់ ។ ដោយអនុវត្តតាមបទបញ្ជារបស់លោកឧត្តមសេនីយ៍ឯក…
រាជធានីភ្នំពេញ ៖ ជនសង្ស័យម្នាក់ ទើបនឹងចេញពីពន្ធនាគារ ដោយសារឆក់កាបូប បានធ្វើសកម្មភាពឆក់ទូរសព្ទនារីម្នាក់បានសម្រេច តែរត់មិនរួច ត្រូវសមត្ថកិច្ចបង្ក្រាបបាននាំយកទៅចាត់ការតាមច្បាប់ ។
ដោយអនុវត្តតាមបទបញ្ជារបស់លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងលោកឧត្តមសេនីយ៍ត្រី ប៊ុន សត្យា ស្នងការរងទទួលផែនការងារព្រហ្មទណ្ឌ កម្លាំងជំនាញអធិការដ្ឋាននគរបាលខណ្ឌបឹងកេងកង អធិការដ្ឋាននគរបាលខណ្ឌឬស្សីកែវ ប៉ុស្តិ៍នគរបាលរដ្ឋបាលសង្កាត់ទួលសង្កែ២ បានសហការជាមួយជនរងគ្រោះ បានធ្វើការបង្ក្រាបជាក់ស្តែង ពាក់ព័ន្ធនឹងករណីអំពើលួចមានស្ថានទម្ងន់ទោស(ឆក់ទូរសព្ទដៃ) កាលពីថ្ងៃទី២៣ ខែមេសា ឆ្នាំ២០២៤ វេលាម៉ោង១១និង០០នាទី នៅចំណុចបណ្ដោយផ្លូវ៤០២ កែងផ្លូវ១៩៣ ភូមិ៣ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ ។
ជនសង្ស័យមានឈ្មោះ រស់ ហ្សូនី ភេទប្រុស អាយុ៣២ឆ្នាំ ជនជាតិខ្មែរ ទីលំនៅបច្ចុប្បន្នផ្ទះគ្មានលេខ ផ្លូវលេខ៥ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ (មុខសញ្ញាចាស់ ទើបចេញពីពន្ធនាគារ) ។
វត្ថុតាងចាប់យក ៖
១-ម៉ូតូ០១គ្រឿង ម៉ាកហុងដា សេ១២៥ សេរីឆ្នាំ២០២៤ ពណ៌ខ្មៅ ពាក់ផ្លាកលេខភ្នំពេញ 1KP-7505 (ជារបស់ជនសង្ស័យជិះធ្វើសកម្មភាព) ។
២-ទូរសព្ទដៃ ០១គ្រឿង ម៉ាក IPHONE 13 PRO MAX ពណ៌ទឹកសមុទ្រ (ជារបស់ជនរងគ្រោះ ប្រគល់ជូនជនរងគ្រោះវិញតាមការស្នើសុំ) ។
បច្ចុប្បន្ន ជនសង្ស័យខាងលើ កំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌបឹងកេងកងដើម្បីធ្វើការសាកសួរនិងចាត់ការបន្តតាមនីតិវិធី ៕
ចែករំលែកព័តមាននេះ