ស្លា.ប់៥នាក់ របួសធ្ងន់ស្រាល១១នាក់ ក្នុងគ្រោះអកុសលជិះគោយន្តត្រឡប់មកពីទិញអីវ៉ាន់សម្រាប់ចូលឆ្នាំ
- ឧត្តរមានជ័យ
ខេត្តឧត្តរមានជ័យ ៖ គោយន្តកន្ត្រៃមួយគ្រឿងបើកបរចុះពីលើភ្នំជប់គរគី រ៉េចង្កូតធ្លាក់ចេញពីផ្លូវក្រ
ខេត្តឧត្តរមានជ័យ ៖ គោយន្តកន្ត្រៃមួយគ្រឿងបើកបរចុះពីលើភ្នំជប់គរគី រ៉េចង្កូតធ្លាក់ចេញពីផ្លូវក្រ
ខេត្តឧត្តរមានជ័យ ៖ គោយន្តកន្ត្រៃមួយគ្រឿងបើកបរចុះពីលើភ្នំជប់គរគី រ៉េចង្កូតធ្លាក់ចេញពីផ្លូវក្រឡាប់ជាច្រើនត្រឡប់ បណ្ដាលឱ្យមនុស្ស៥នាក់បានស្លា.ប់បាត់បង់ជីវិត និងរបួសធ្ងន់៥នាក់ ស្រាល៦នាក់ ។
ហេតុការណ៍ខាងលើនេះបានកើតឡើងកាលពីវេលាម៉ោង១១ព្រឹកថ្ងៃទី១២ ខែមេសា ឆ្នាំ២០២៤ ស្ថិតនៅច្រកជប់គរគី ក្នុងភូមិជប់គរគីខាងកើត ឃុំបេង ស្រុកបន្ទាយអម្ពឹល ខេត្តឧត្តរមានជ័យ
។
ជនរងគ្រោះដែលស្លាប់បាត់បង់ជីវិតទាំង៥នាក់ខាងលើរួមមាន ១-ឈ្មោះរ៉ុន សល់ ភេទស្រី អាយុ៦០ឆ្នាំ ២-ឈ្មោះសាឡាត់ គឺមលី ភេទស្រី អាយុ៣២ឆ្នាំ ៣-ឈ្មោះឡាវ ណូ ភេទស្រី អាយុ៤៨ឆ្នាំ ៤-ឈ្មោះភួន គង់ ភេទស្រី អាយុ៤៤ឆ្នាំ និង៥-ឈ្មោះវវណ្ណៈ ពិសី ភេទស្រី អាយុ១២ឆ្នាំ ។ ជនរងគ្រោះទាំង៥នាក់បានស្លាប់បាត់បង់ជីវិតនៅនិងកន្លៃងកើតហេតុភ្លាមៗ ។ ដោយឡែកអ្នករបួសធ្ងន់និងស្រាល១១នាក់ផ្សេងទៀត មិនស្កាល់ឈ្មោះនោះទេ ។ ជនរងគ្រោះទាំង១៦នាក់រស់នៅភូមិខ្ទុម សង្កាត់កូនគ្រៀល ក្រុងសំរោង ខេត្តឧត្តរមានជ័យ។
ទាក់ទិនហេតុការណ៍គ្រោះថ្នាក់ចរាចរណ៍ខាងលើនេះ លោកអធិការស្រុកបន្ទាយអម្ពិលបានឱ្យដឹងថា មុនពេលកើតហេតុ ជនរងគ្រោះបានធ្វើដំណើរមកពីភូមិខ្ទុម សង្កាត់កូនគ្រៀល ដោយធ្វើដំ
ណើតាមគោយន្តកន្ត្រៃមួយគ្រឿងមានមនុស្សប្រុសស្រីជិះចំនួន១៦នាក់ ក្នុងគោលបំណងមកច្រកជប់គរគី ចូលទៅផ្សារថៃទិញសម្ភារៈប្រើប្រាស់និងទំនិញផ្សេងៗសម្រាប់រៀបចំពិធីបុណ្យចូល
ឆ្នាំថ្មីប្រពៃណីជាតិផងដែរ ។
តាមប្រភពដដែលបានបន្តថា ខណៈពួកគាត់បានធ្វើដំណើរត្រឡប់មកវិញ បើកបរគោយន្តកន្ត្រៃចេញពីច្រកជប់គរគីចុះពីលើភ្នំបានរ៉េចង្កូតធ្លាក់ចេញពីផ្លូវក្រឡាប់ជាច្រើនត្រឡប់ បណ្ដាលឱ្យមនុស្សចំនួន៥នាក់ស្លាប់បាត់បង់ជីវិតភ្លាមៗនៅនឹងកន្លែងកើតហេតុ ។ ចំណែករងរបួស១១នាក់ផ្សេងទៀតបានរងរបួសធ្ងន់និងស្រាល ត្រូវបានបញ្ជូនទៅសង្គ្រោះនៅមន្ទីរពេទ្យខេត្តបូរីរាំ ប្រទេសថៃ។
គួរម្លឹកថា ករណីគ្រោះថ្នាក់ចរាចរណ៍នៅចំណុចនេះមិនមែនជាលើកទីមួយទេ កន្លងមកតែងតែកើតមានជាញឹកញាប់ផងដែរ ដែលកើតមានសម្រាប់តែគោយន្តកន្ត្រៃ ។ គេអាចសនិដ្ឋាន
បានថាវាអាចកើតមានជើងកបនៅទីនោះ ព្រោះមានមនុស្សជាច្រើនបានស្លាប់បាត់បង់ជីវិត ខណៈនេះប្រជាពលរដ្ឋក៍សុំអំពាវនាវដល់ក្រុមអាជ្ញាធរនិងសមត្ថកិច្ចមេត្តាមានវិធានការជួយទប់ស្កាត់គោយន្តកន្ត្រៃមិនឱ្យបើកបរឡើងភ្នំឆ្ពោះទៅកាន់មាត់ច្រកទ្វារព្រំដែនជជប់គរគីបន្តទៀតផង៕
ចែករំលែកព័តមាននេះ