លោកដូណាល់ ត្រាំ បង្ហាញបំណងចង់ជួបលោក គីម ជុងអ៊ុន ជាថ្មីនៅចុងខែមីនានេះ
កូរ៉េខាងជើង-អាមេរិក ៖ តាមទីភ្នាក់ងារព័ត៌មានកូរ៉េខាងត្បូង YONHAP ថា រដ្ឋមន្ត្រីបង្រួបបង្រួមកូរ៉េខាងត្បូង លោកCHUNG DONG YOUNG អំពាវនាវ…
កូរ៉េខាងជើង-អាមេរិក ៖ តាមទីភ្នាក់ងារព័ត៌មានកូរ៉េខាងត្បូង YONHAP ថា រដ្ឋមន្ត្រីបង្រួបបង្រួមកូរ៉េខាងត្បូង លោកCHUNG DONG YOUNG អំពាវនាវ កាលពីថ្ងៃទី១៦ មីនាថា កូរ៉េខាងជើងមិនគួរឲ្យបាត់បង់ឱកាសភ្ជាប់ការចរចាឡើងវិញ ជាមួយសហរដ្ឋអាមេរិកឡើយ បន្ទាប់ពីប្រធានាធិបតីអាមេរិកលោកដូណាល់ត្រាំអះអាងពីបំណងលោកចង់ជួបជាមួយលោកគីម ជុងអ៊ុន ជាថ្មី។
រដ្ឋមន្ត្រីរូបនោះថ្លែងទៅកាន់បណ្ដាអ្នកកាសែតថា ជំហររបស់រដ្ឋាភិបាលកូរ៉េខាងត្បូងលើការជួបគ្នាកំពូលកូរ៉េខាងជើង-អាមេរិក មិនផ្អែកលើលទ្ធភាពឡើយ តែខ្ញុំគិតថា ការជួបគ្នានោះត្រូវតែមាន ។ ខ្ញុំយល់ទៀតថា កូរ៉េខាងជើងនឹងមិនបោះបង់ឱកាស សម្រាប់ការចរចាជាមួយលោកត្រាំឡើយ។
ការលើកឡើងបែបនេះ របស់រដ្ឋមន្ត្រីបង្រួបបង្រួមកូរ៉េខាងត្បូងកើតមានក្រោយ ពីលោកដូណាល់ត្រាំលើកជាថ្មី ពីអត្ថប្រយោជន៍នៃការជួបគ្នា ជាមួយមេដឹកនាំកូរ៉េខាងជើង ពេលមានការជួបគ្នារបស់លោកជាមួយនាយករដ្ឋមន្ត្រីកូរ៉េខាងត្បូង លោកគីម មីនស៊ុក នៅក្រុងវ៉ាស៊ីនតោន កាលពីថ្ធៃទី១៣ មីនា កន្លងទៅ ។ ពេលនោះ លោកត្រាំលើកឡើងថា ការជួបគ្នាជាមួយលោកគីម ជុងអ៊ុនពិតជារឿងដ៏ល្អមួយ ។
លោកត្រាំមានគម្រោងទៅកាន់ប្រទេសចិននាចុងខែមីនានេះ ដល់ដើមខែមេសា សម្រាប់ការជួបគ្នាកំពូលមួយជាមួយមេដឹកនាំចិនលោកស៊ីជីនពីង ។ មានពាក្យចចាមអារ៉ាមនានាពីលទ្ធភាពដែលលោកត្រាំស្វែងរកឲ្យមានការជួបគ្នាកំពូលមួយជាមួយលោកគីមជុងអ៊ុននាឱកាសទស្សនកិច្ចផ្លូវការនោះ ៕
ចែករំលែកព័តមាននេះ