ADផ្ទាំងផ្សព្វផ្សាយពាណិជ្ជកម្ម

Picture

ជន​ដៃដល់​បា.ញ់​ស​ម្លា​.​ប់​ស្វាមី​ម្ចាស់​ប្រេ​ន Lakamo រួច​បា.ញ់​ខ្លួនឯង ក្រោយ​គំរាម​ទារប្រាក់​២០​ម៉ឺន​ដុល្លារ មិន​បាន​សម្រេច

1 ខែ មុន

រាជធានី​ភ្នំពេញ ៖ ស្វាមី​ម្ចាស់​ប្រេ​ន Lakamo ដែល​ល្បី​នៅ​ក្នុង​បណ្តាញ​សង្គម ត្រូវ​បាន​ជន​ដៃដល់​ម្នាក់ ផ្លោះ​របង​ចូល​ទៅ​ក្នុង​វីឡា ហើយ​បា​.​ញ់​ស​ម្លា​.​ប់ និង​បាន​ភ្ជង់​គំរាម​ប្រពន្ធ ទារ​យក​លុយ​ចំនួន…

រាជធានី​ភ្នំពេញ ៖ ស្វាមី​ម្ចាស់​ប្រេ​ន Lakamo ដែល​ល្បី​នៅ​ក្នុង​បណ្តាញ​សង្គម ត្រូវ​បាន​ជន​ដៃដល់​ម្នាក់ ផ្លោះ​របង​ចូល​ទៅ​ក្នុង​វីឡា ហើយ​បា​.​ញ់​ស​ម្លា​.​ប់ និង​បាន​ភ្ជង់​គំរាម​ប្រពន្ធ ទារ​យក​លុយ​ចំនួន ២០​ម៉ឺន​ដុល្លារ អស់​រយៈពេល​០៩​ម៉ោង មិន​បាន​សម្រេច ក៏​បាន​បង្ខំចិត្ត​បា​.​ញ់​ស​ម្លា​.​ប់​ខ្លួនឯង បន្ទាប់​ពី​កម្លាំង​កងរាជអាវុធហត្ថ ឡោម​ព័ទ្ធ​ជុំវិញ​វីឡា ។

នៅ​ក្នុង​ករណី​នេះ បណ្តាល​អោយ​បុគ្គលិក (BA) ម្នាក់​ឈ្មោះ សុខ លី​ន ភេទ​ស្រី បាន​របួស​នៅ​ត្រង់​ចង្ការ ដោយ​ការ​លោត​ចេញពី​វេរ៉ងដា បន្ទប់​ជាន់​ទី​១ ចុះ​មក​ក្រោម ប៉ះ​ត្រូវ​មែកឈើ ។

ហេតុការណ៍​នេះ​បាន​កើតឡើង​កាលពី​វេលា​ម៉ោង​១១​យប់​ថ្ងៃ​ទី​១០ ខែមេសា ឆ្នាំ​២០២៤ នៅ​ចំណុច​ផ្ទះ​វីឡា លេខ​១៦៥ ផ្លូវ PARKLAND 6A បុរី​មួយ​កន្លែង ក្នុងភូមិ​បាក់​ខែង សង្កាត់​ព្រែក​លៀប ខណ្ឌ​ជ្រោយចង្វារ រាជធានី​ភ្នំពេញ ។

ជន​រង​គ្រោះ ដែល​ត្រូវ​ឃាតករ​បា​.​ញ់​ស​ម្លា​.​ប់​ឈ្មោះ ឈួ​រ ឈុ​ន​ហួរ ភេទ​ប្រុស អាយុ​៤២​ឆ្នាំ ជា​អគ្គនាយករង ក្រុមហ៊ុន ព្រី​មៀ​រ៍ ផាក និង​ជា​ស្វាមី​របស់​លោកស្រី មាស ច័ន្ទ​ដា​លី​ន អាយុ​៤២​ឆ្នាំ ដែល​ជា​ម្វា​ស់​ប្រេ​ន​ផលិតផល Lakamo ។

ចំណែកឯ​ជនសង្ស័យ​ជា​ឃាតករ ដែល​បាញ់​ស​ម្លា​.​ប់​ខ្លួនឯង ឈ្មោះ នី រតនា ភេទ​ប្រុស អាយុ​៣៨​ឆ្នាំ ទីលំនៅ​ភូមិ​ទួល​អង្គប់ ឃុំ​សំបូរ ស្រុក​ស្វាយ​ទៀប ខេត្តស្វាយរៀង ។

តាម​ប្រភព​ពី​សមត្ថកិច្ច អោយ​ដឹង​ថា ឃាតករ​ប្រដាប់​ដោយ​កាំភ្លើងខ្លី ១​ដើម ម៉ាក LOCK លេខ BYHK340 បាន​ផ្លោះ​របង​វីឡា​របស់​ជន​រង​គ្រោះ ចូល​ទៅ​ខាងក្នុង រួច​ភ្ជង់​បុគ្គលិក និង​អ្នកបម្រើ និង​បាញ់​ស​ម្លា​.​ប់​បុរស​ជា​ស្វាមី ម្ចាស់​ផលិតផល និង​បាន​គំរាម​ស្ត្រី​ជា​ម្ចាស់​ប្រេ​ឡា​កា​ម៉ូ ទាមទារ​ប្រាក់​ចំនួន ២០​ម៉ឺន​ដុល្លារ តែ​មិន​បាន​សម្រេច ហើយ​ត្រូវ​កម្លាំង​កងរាជអាវុធហត្ថ ធ្វើការ​ឡោម​ព័ទ្ធ​ទើប​ឃាតករ​បាញ់​ស​ម្លា​.​ប់​ខ្លួនឯង តែ​ម្តង ។

តាម​ស្ត្រី​ជា​អ្នក​អនាម័យ បាន​បំភ្លឺ​ប្រាប់​សមត្ថកិច្ច អោយ​ដឹង​ថា នៅ​វេលា​ម៉ោង​១១​យប់​ថ្ងៃ​កើតហេតុ នៅ​ពេល​ដែល​គាត់​កំពុង​លាងចាន ស្រាប់តែ​មាន​ជនសង្ស័យ​ម្នាក់ បាន​កាន់​កាំភ្លើង​ភ្ជង់​អ្នក​បើករថយន្ត ចូល​មក​ក្នុងផ្ទះ ហើយ​បាន​គំរាម​ឲ្យ​ពួក​គាត់​នាំ​ឡើង​ទៅ​បន្ទប់​ម្ចាស់ផ្ទះ​។ ពេល​កំពុង​ឡើង​តាម​ជណ្ដើរ ស្រាប់តែ​ប្រទះ​ជាមួយ​បុគ្គលិក ២​នាក់​ទៀត ជនសង្ស័យ​ក៍បាន​ភ្ជង់​ឲ្យ​ឡើង​ទៅ​បន្ទប់​ម្ចាស់ផ្ទះ ជាមួយ​គ្នា​ទៀត​។ ពេល​ដល់​បន្ទប់​ម្ចាស់ផ្ទះ បាន​គោះ​ទ្វារ តែ​ទ្វារ​មិន​ដាក់​គន្លឹះ ទើប​ជនសង្ស័យ បាន​បើកទ្វារ​បន្ទប់​ចូល​ទៅ​ក្នុង ហើយ​អោយ ក្រាប​នៅ​លើ​ឥដ្ឋ ទាំងអស់​គ្នា ។

តាម​ព័ត៌មាន​ដដែល​អោយ​ដឹង​ទៀត​ថា ខណៈនោះ​ជន​រង​គ្រោះ ដែល​ជា​ស្វាមី បាន​នៅ​ក្នុង​បន្ទប់ទឹក ហើយ​ត្រូវ​ជនសង្ស័យ ធាក់​ទ្វារ​បន្ទប់ទឹក តែ​ជន​រង​គ្រោះ មិន​បាន​បើកទ្វារ​ទេ ជនសង្ស័យ​ក៏​បាន​បាញ់​ទ្វារ​បន្ទប់ទឹក​១​គ្រាប់ ក៏​បើកទ្វារ ឃើញ​ជន​រង​គ្រោះ​ស្លា​.​ប់​នៅ​ក្នុង​បន្ទប់ទឹក​បាត់​ទៅ​ហើយ​។ លុះ​ក្រោយមក ស្រាប់តែ ប្រពន្ធ​ជន​រង​គ្រោះ និង​កូន​ៗ ព្រមទាំង​បុគ្គលិក​ផ្សេង​ទៀត​ឡើង​មក​បន្ទប់​ម្ដងម្នាក់ ហើយ​ត្រូវ​ឃាតករ ស្រែក​គំរាម​ឲ្យ​ក្រាប​នៅ​លើ​ឥដ្ឋ​ទាំងអស់​គ្នា និង​បាន​គំរាម​យក​លុយ ២០​ម៉ឺន​ដុល្លារ តែ​ប្រពន្ធ​ជន​រង​គ្រោះ គ្មាន​លុយ​សុទ្ធ​ទេ មាន​តែ​គ្រឿងអលង្ការ​ជំនួស តែ​ជនសង្ស័យ​មិន​ព្រម ។

តាម​ព័ត៌មាន​អោយ​ដឹង​ទៀត​ថា ការ​ភ្ជង់​គំរាម ទារប្រាក់​ពី​ជន​រង​គ្រោះ បាន​ពន្យា​ពេល​ដល់​ម៉ោង​០២​ទៀប​ភ្លឺ និង​បាន​ប្រើប្រាស់​ទូរ​សព្ទ​ទៅ​ខ្ចី​លុយ​គេ នៅ​តែ​មិន​មាន​លុយ រហូត​ដល់​ម៉ោង​០៨​ព្រឹក​ថ្ងៃ​ទី​១១ មេ​សា ស្រាប់តែ​ឮ​សំឡេង​ផ្ទុះអាវុធ ១​គ្រាប់​ទៀត ក៍​នាំ​គ្នា​លោត​ចេញ​តាម​វេរ៉ងដា ទៅ​ក្រោម និង​ឃើញ​មាន​សមត្ថកិច្ច​នៅ​ខាង​មុខ​ផ្ទះ ហើយ​ទំលាយ​ទ្វារ​ចូល ទៅ​ក្នុងផ្ទះ តែ​ម្តង ។

តាម​លោកស្រី មាស ច័ន្ទ​ដា​លី​ន ម្ចាស់​ផលិតផល ឡា​កា​ម៉ូ ជា​ប្រពន្ធ​របស់​ជន​រង​គ្រោះ បាន​ប្រាប់​ឲ្យ​ដឹង​ថា នៅ​វេលា​ម៉ោង​ប្រមាណ​៤​រសៀល​ថ្ងៃ​ទី​១០ ខែមេសា ឆ្នាំ​២០២៤ គាត់​បាន​ថត​ផ្សាយពាណិជ្ជកម្ម នៅ​ក្នុងផ្ទះ រហូត​ដល់​ម៉ោង​ប្រហែល​១០​យប់ ថ្ងៃ​ដដែល ទើប​ថត​ចប់ ហើយក៍​ចេញ​មក​អង្គុយ​នៅ​ខាង​មុខ​ផ្ទះ ញ៉ាំ​អី​ជជែក​គ្នា​លេង ដោយ​ប្ដី និង​កូន​បាន​នៅ​ក្នុង​បន្ទប់ដេក​រៀងខ្លួន​។ លុះដល់​វេលា​ម៉ោង​ប្រ​ហែ​០១​រំលង​អា​ធ្រា​ត្រ ចូល​ថ្ងៃ​ទី​១១ ខែមេសា ឆ្នាំ​២០២៤ គាត់​នឹង​កូនចៅ បាន​ដើរ​ចូល​ទៅ​ក្នុងផ្ទះ ស្រាប់តែ​មាន​សភាព​ស្ងាត់ ទើប​នាំ​គ្នា​ឡើង​ទៅ​បន្ទប់​ប្ដី គោះ​ទ្វារ តែ​ជាប់​សោរ​ពី​ក្នុង ពេល​នោះ ស្រាប់តែ​ជនសង្ស័យ​បើកទ្វារ ហើយ​បាន​យក​កាំភ្លើង​ភ្ជង់​ឲ្យ​ចូល​ទៅ​ក្នុង​ជាមួយ​អ្នក​ផ្សេង​ទៀត ដែល​ត្រូវ​បាន​ចាប់ខ្លួន មក​ដាក់​ក្នុង​បន្ទប់ ។

តាម​ស្ត្រី​ជា​ម្ចាស់​ប្រេ​ន បានអោយ​ដឹង​បន្ត​ថា ខណៈនោះ ឃើញ​ប្ដី​ស្លា​.​ប់​នៅ​ក្នុង​បន្ទប់ទឹក ពេល​នោះ​ជនសង្ស័យ បាន​គំរាម​រក​លុយ​២០​ម៉ឺន​ដុល្លារ តែ​គាត់​បាន​សុំ​ពន្យា​ពេល​ដល់​ម៉ោង​២​យប់​រំលង​អា​ធ្រា​ត្រ នៅ​តែ​រក​ប្រាក់​មិន​បាន និង​សុំ​ពន្យា​ពេល​ដល់​ម៉ោង​៨​ព្រឹក​ក៍បាន​ទំនាក់ទំនង​ទៅ​ឈ្មោះ Love Riya ហើយ​ប្រាប់​រឿងហេតុ​នេះ ឲ្យ​ជួយ​រក​លុយ និង​កុំ​ប្រាប់​អ្នក​ណា​ឲ្យ​សោះ​។ លុះ​ក្រោយមក​ជនសង្ស័យ​បាន​ដើរទៅ​បើក​បង្អួច រួច​និយាយ​ថា ចប់​ហើយ​! ប៉េ​អឹ​ម​មក​ដល់​ហើយ​! ស្រាប់តែ​ឮ​សំឡេង​ផ្ទុះអាវុធ ១​គ្រាប់ ក៍​ភ័យ​ពេក​នាំ​គ្នា​លោត​ចេញ តាម​វេរ៉ងដា ទៅ​ក្រោម ដើម្បី​គេចខ្លួន ហើយ​សមត្ថកិច្ច បាន​ចូល​ទៅ​ក្នុងផ្ទះ ក្រោយមក​ទើប​ដឹង​ថា ជនសង្ស័យ​បាន​បាញ់​ស​ម្លា​.​ប់​ខ្លួន ។

តាម​ការ​ត្រួតពិនិត្យ ស​.​ព​ជន​រង​គ្រោះ ត្រូវ​បាន​ឃាតករ​បាញ់ ត្រូវ​១​គ្រាប់ ចំ​ក្បាល​ចំហៀង​ខាងស្តាំ ធ្លាយ​ទៅ​ខាងក្រោយ ចំហៀង​ខាងឆ្វេង​។ ចំណែក​ឃាតករ បាញ់​ចំ​ក្បាល​ចំហៀង​ខាងស្តាំ ធ្លាយ​ទៅ​ខាងឆ្វេង​។ បន្ទាប់​ពី​ធ្វើការ​ត្រួតពិនិត្យ​គ្រូពេទ្យ​កោសល្យវិច័យ​អម​សាលាដំបូង​រាជធានី​ភ្នំពេញ បាន​សន្និដ្ឋាន​ថា ជន​រង​គ្រោះ​បាន​ស្លា​.​ប់​ដោយ​គ្រាប់កាំភ្លើង (​ឃា​.​ត​កម្ម​បាញ់​ស​ម្លា​.​ប់​)​។ ចំណែក​ជនសង្ស័យ​ស្លា​.​ប់​ដោយសារ​តែ​អត្ត​ឃា​.​ត​(​បាញ់​សម្លាប់​ខ្លួនឯង​) ៕

ភ្ញាក់ផ្អើលខ្លាំង​! ស្វាមី​ម្ចាស់​ប្រ៊េ​ន Lakamo ទទួល​​​មរណភាព​ដោយសារ​ករណី​ចោរ​ប្ល.ន់

អត្ថបទសរសេរ ដោយ