ADផ្ទាំងផ្សព្វផ្សាយពាណិជ្ជកម្ម

Picture

ភ្ញាក់ផ្អើលខ្លាំង​! ស្វាមី​ម្ចាស់​ប្រ៊េ​ន Lakamo ទទួល​​​មរណភាព​ដោយសារ​ករណី​ចោរ​ប្ល.ន់

1 ខែ មុន
  • ភ្នំពេញ

​​មហាជន ជា​ពិសេស​ បណ្តា​អ្នកលេង​ហ្វេ​ស​ប៊ុ​ក បាន​សម្តែង​ការ​ភ្ញាក់ផ្អើល​យ៉ាង​ខ្លាំង បន្ទាប់​ពី​ឃើញ​មានការ​ផ្សព្វផ្សាយ​ពេញ​បណ្តាញ​សង្គម​ពី​ករណី​មរណភាព​របស់​ស្វាមី​ម្ចាស់​ប្រ៊េ​ន Lakamo កាលពី​យប់មិញ ដោយសារ​មាន​ករណី​ចោរប្លន់ ។ យ៉ាងណា…

​​មហាជន ជា​ពិសេស​ បណ្តា​អ្នកលេង​ហ្វេ​ស​ប៊ុ​ក បាន​សម្តែង​ការ​ភ្ញាក់ផ្អើល​យ៉ាង​ខ្លាំង បន្ទាប់​ពី​ឃើញ​មានការ​ផ្សព្វផ្សាយ​ពេញ​បណ្តាញ​សង្គម​ពី​ករណី​មរណភាព​របស់​ស្វាមី​ម្ចាស់​ប្រ៊េ​ន Lakamo កាលពី​យប់មិញ ដោយសារ​មាន​ករណី​ចោរប្លន់ ។

យ៉ាងណា ពាក់ព័ន្ធ​បញ្ហា​ខាងលើ​នេះ គេ​នៅ​មិន​ទាន់​ឃើញ​មាន​ប្រភព​ណាមួយ​ចេញ​មក​បញ្ជាក់​លម្អិត​ជុំវិញ​ហេតុការណ៍​ដែល​បាន​កើតឡើង​នេះ​ឡើយ ប៉ុន្តែ​នៅ​លើ​គណនេយ្យ​ហ្វេ​ស​ប៊ុ​ក​អ្នកស្រី មាស ច័ន្ទ​ដា​លី​ន ដែល​ជា​ភរិយា និង​ជា​ម្ចាស់​ប្រ៊េ​ន​ផលិតផល​ខាងលើ ក៏​បាន​ប្តូរ​ប្រូ​ហ្វា​ល់​ជា​ពាក្យ​កាន់​ទុក (RIP) ខ​ណៈ​ពេល​ដែល​មិត្តភក្តិ ជា​ពិសេស​ បណ្តា​អ្នក​សិ​ល្បៈជា​ច្រើន​ក៏​បាន​បង្ហោះ​សារ​សម្តែង​ការ​តក់ស្លុត​ចំពោះ​ដំណឹង​ខាងលើ​នេះ​ផង​ដែរ ។

ប្រធាន​សមាគម​សិ​ល្ប​ករ​ខ្មែរ ​អ្នក​នាង ច​ន ច័ន្ទ​ល​ក្ខិ​ណា បាន​បង្ហោះ​សារ​នៅ​លើ​បណ្តាញ​សង្គម​ថា ស្វាមី​ម្ចាស់​ផលិតផល Lakamo បាន​ទទួលមរណៈភាព​ហើយ ដោយ​មាន​ករណី​ចោរប្លន់ ស្លុតចិត្ត​ណាស់​លោក​អើយ បង​សូម​ចូលរួម​រំលែក​ទុក្ខ​ដ៏​សែន​ក្រៀមក្រំ​នេះ​។


ដោយឡែក ពាក់ព័ន្ធ​ករណី​ខាងលើ​នេះ ប្រភព​ពី​អ្នក​ជិត​ស្និទ្ធិ​ម្ចាស់​ប្រ៊េ​ន Lakamo មួយ​រូប​បាន​អះអាង​ប្រាប់​កោះសន្តិភាព​ដោយ​ខ្លី​ថា ស្វាមី​ម្ចាស់​ប្រ៊េ​ន​ខាងលើ​នេះ ​ពិតជា​ទទួលមរណភាព​ប្រាកដ​មែន ប៉ុន្តែ​ចំពោះ​រឿងហេតុ​យ៉ាងណា​នោះ​ លោក​ក៏​មិន​បានដឹង​ដែរ ។

យ៉ាងណា​ ផ្ទុយ​ពី​ការ​អះអាង​ពី​បណ្តា​អ្នក​សិ​ល្បៈថា ករណី​ស្លាប់​ស្វាមី​ម្ចាស់​ផលិតផល Lakamo បណ្តាល​មក​ពី​ករណី​ប្លន់​នោះ តារា​សម្តែង​លោក អ៊ឹម ជីវ៉ា បាន​បង្ហោះ​សារ​ជុំវិញ​រឿងរ៉ាវ​នេះ​ថា ករណី​ឃា​ដ​កម្ម​ដូច​មិន​សមនិង​អង្គហេតុ ! ចាំ​តាមដាន​បន្ត​រលើ​កា​កោសល្យវិច័យ​ដ៏​ជំនាញ​របស់​សមត្ថកិច្ច​បន្តរ និង​សូម​ចូលរួម​សោកស្តាយ​ចំពោះ​ក្រុម​គ្រួសារ​នៃ​សព ។

លោក​បញ្ជាក់​ថា នៅ​ក្នុងផ្ទះ​ជិត​20​នាក់ មាន​ក្រុម​ថត​រួម​ជាមួយ​តារា​តិច​តុ​ក​និង​តារា​Facebook រួម​ជាមួយ​អង្គរក្ស​និង​ម្ចាស់ផ្ទះ លឺ​ថា​ចោ​មាន​តែ​ម្នាក់ រឿង​កើតឡើង​តាំងពី​យប់ ចោរ​មក​ប្លន់ ហេតុ​អី​ចោរ​ត្រូវ​បាញ់​ខ្លួនឯង​ស្លាប់ ? វា​ជា​ករណី​អ្វី?

យ៉ាងណា ឆ្លើយ​តប​តាម​រយៈការ​ខមមិន​ពី​ការ​សាកសួរ​ពី​មហាជន​នៅ​ក្រោម​អ្វី​ដែល​លោក​បាន​បង្ហោះ​ខាងលើ​ន លោក អ៊ឹម ជីវ៉ា បាន​អះអាង​ថា មិន​ហ៊ាន​និយាយ​អី​លើស​ពី​នេះ ព្រោះ​ចោរ​មាន​តែ​ម្នាក់ឯង​នៅផ្ទះ​មាន​គ្នា​ជិត​២០​នាក់​ទាំង​ក្រុម​តារា​និង​អង្គរក្ស​ដែរ ណា​ហើយ​ទុក​អោយ​មន្ត្រី​ជំនាញ​គេ​ធ្វើការ​ចុះ​ប្អូន រឿង​អី​ដែល​មិនដឹង​កុំ​និយាយ ។

ដោយឡែក លោក​ឧត្តមសេនីយ៍ត្រី ម៉េ​ង វិមាន​តារា ស្នងការ​រង​នគរបាល​ខេត្តកណ្តាល បាន​បង្ហោះ​​សារ​នៅ​លើ​គណនេយ្យ​ហ្វេ​ស​ប៊ុ​ករប​ស់លោក​ជុំវិញ​ហេតុនេះ​ថា មាន​សេចក្តីរាយការណ៍​ថា មាន​ករណី​ចាប់ជំរិត​បាញ់​សម្លាប់​ជន​រង​គ្រោះ​ដែល​គេ​ដឹង​ថា ជា​ប្តី​របស់​ម្ចាស់​ក្រុមហ៊ុន Lakamo មានឈ្មោះ​ល្បី​តាម​បណ្តាញ​សង្គម នៅ​ក្នុង​បុរី​មួយ ក្នុង​ខណ្ឌ​ជ្រោយចង្វារ នា​ម៉ោងជាង​១០​យប់​ថ្ងៃ​ទី​១០ ខែមេសា ឆ្នាំ​២០២៤! នៅ​ពេល​នេះ​កម្លាំង​សមត្ថកិច្ច កំពុងធ្វើការ​ស្រាវជ្រាវ​យ៉ាង​យកចិត្តទុកដាក់​​។

ទាក់ទិនទៅនឹងករណីនេះ បើតាមការឱ្យ​ដឹង​ពីគណនីឈ្មោះស៊ន សុភ័ក្រ បានបញ្ជាក់ឱ្យ​ដឹងថា ករណីប្លន់នេះ​ កើតឡើង​កាលពីវេលាម៉ោងជាង១១យប់ថ្ងៃទី១០ ខែមេសា ឆ្នាំ២០២៤ មានករណីចោរម្នាក់បានចូលទៅផ្ទះម្ចាស់ប្រេន Lakamo នៅខណ្ឌជ្រោយចង្វារ រួចហើយបានភ្ជង់អ្នកបើក​ឡានឲ្យនាំចូលទៅក្នុងបន្ទប់របស់ជនរងគ្រោះ។

ពេលនោះ ដោយមានការប្រតាយប្រតប់គ្នា ជនល្មើសដែលមានម្នាក់ឯង ​បានបាញ់ជនរងគ្រោះជាប្តីចំក្បាលបណ្តាលឲ្យស្លាប់ភ្លាមៗតែម្តង ។ បន្ទាប់មក ខ្មាន់កាំភ្លើងបានគំរាមទារលុយចំនួន២០ម៉ឺនដុល្លារ ពីក្រុមគ្រួសារជនរងគ្រោះ ហើយបើមិនឲ្យទេ ជនរងគ្រោះប្រមាណ១២នាក់នៅក្នុងផ្ទះ នឹងត្រូវបាញ់សម្លាប់ទាំងអស់!។

ព័ត៌មាននេះត្រូវបានកម្លាំងអាវុធហត្ថដឹង ហើយក៏ចាប់ផ្តើមឡោមព័ទ្ធ ក៏ជនល្មើសបាញ់សម្លាប់ខ្លួនឯងតែម្តង។ ដោយឡែកកញ្ញា សុខ លីន តារា TikTok និងជា BA ឲ្យក្រុមហ៊ុននេះ ភ័យពេក ក៏លោតពីលើផ្ទះបណ្តាលឲ្យជង់ចំក រងរបួសធ្ងន់ យកទៅសង្គ្រោះនៅមន្ទីពេទ្យ! នៅពេលនេះកម្លាំងអាវុធហត្ថកំពុងបន្តនីតិវិធីយ៉ាងយកចិត្តទុកដាក់! ។


អត្ថបទសរសេរ ដោយ