ADផ្ទាំងផ្សព្វផ្សាយពាណិជ្ជកម្ម

Picture

រដ្ឋមន្ដ្រី​ក្រសួងមហាផ្ទៃ អំពាវនាវ​ឱ្យ​បង្ការ​គ្រោះថ្នាក់​ចរាចរណ៍​ផ្លូវគោក នា​ឱកាស​បុណ្យចូលឆ្នាំ​ខ្មែរ

1 ខែ មុន

រាជធានី​ភ្នំពេញ ៖ ឯកឧត្តម ឧបនាយករដ្ឋមន្ដ្រី ស សុខា រដ្ឋមន្ដ្រី​ក្រសួងមហាផ្ទៃ និង​ជា​ប្រធាន​គណៈកម្មាធិការ​ជាតិ​សុវត្ថិភាព​ចរាចរណ៍​ផ្លូវគោក បាន​អំពាវនាវ​ដល់​សាធារណៈជន ត្រូវ​ចូលរួម​បង្ការ…

រាជធានី​ភ្នំពេញ ៖ ឯកឧត្តម ឧបនាយករដ្ឋមន្ដ្រី ស សុខា រដ្ឋមន្ដ្រី​ក្រសួងមហាផ្ទៃ និង​ជា​ប្រធាន​គណៈកម្មាធិការ​ជាតិ​សុវត្ថិភាព​ចរាចរណ៍​ផ្លូវគោក បាន​អំពាវនាវ​ដល់​សាធារណៈជន ត្រូវ​ចូលរួម​បង្ការ ទប់ស្កាត់​គ្រោះថ្នាក់​ចរាចរណ៍​ផ្លូវគោក ក្នុង​ឱកាស​ពិធី​បុណ្យចូលឆ្នាំ​ថ្មី ប្រពៃណី​ជាតិ ចាប់ពី​ថ្ងៃ​ទី​១៣ ដល់​ថ្ងៃ​ទី​១៦ ខែមេសា ឆ្នាំ​២០២៤ ខាង​មុខ​នេះ ។

តាម​រយៈ​សេចក្ដី​អំពាវនាវ​របស់​គណៈកម្មាធិការ​ជាតិ សុវត្ថិភាព​ចរាចរណ៍​ផ្លូវគោក នា​ថ្ងៃ​ទី​១០ ខែមេសា ឆ្នាំ​២០២៤​នេះ ឯកឧត្តម ឧបនាយករដ្ឋមន្ដ្រី ស សុខា បាន​ថ្លែង នូវ​ការ​កោតសរសើរ​ប្រកបដោយ​ក្តី​មោទនភាព​ជាទី​បំផុត ចំពោះ​អ្នក​ប្រើប្រាស់​ផ្លូវ​ដ៏​ច្រើន​លើសលប់ ដែល​មាន​ឆន្ទៈ​ក្នុង​ការ​ចូលរួម​គោរព និង​អនុវត្ត​ច្បាប់ ស្តី​ពី ចរាចរណ៍​ផ្លូវគោក​យ៉ាង​ផុសផុល រួមចំណែក​ក្នុង​ការ​កាត់​បន្ថយ​ការ​បាត់​បង់ជីវិត រង​របួស និង​ការ​ខូចខាត ទ្រព្យសម្បត្តិ ដោយ​គ្រោះថ្នាក់​ចរាចរណ៍​ផ្លូវគោក នា​ពេល​កន្លង​ទៅ ។

ឯកឧត្តម ឧបនាយករដ្ឋមន្ដ្រី បន្ដ​ថា ប៉ុន្តែ​តាម​ការ​កត់សម្គាល់​ឃើញ​ថា​គ្រោះថ្នាក់​ចរាចរណ៍​ផ្លូវគោក តែង​មាន​កំណើន​ខ្ពស់ នៅ​រាល់​ឱកាស​ពិធីបុណ្យ​ផ្សេង​ៗ ដែល​បាន​បណ្តាល​ឱ្យ​មាន កំណើន​ជន​រង​គ្រោះជា​អតិបរមា និង​មានការ​ខូចខាត​ទ្រព្យសម្បត្តិ​ជា​ច្រើន​។ ភាគច្រើន នៃ​គ្រោះថ្នាក់​ចរាចរណ៍​នេះ បណ្តាល​មក​ពី​ការ​បើកបរ​យានយន្ត​មិន​គោរព​ច្បាប់ ឬ​ធ្វេសប្រហែស​ដូច​ជា បើកបរ​លើស​ល្បឿន​កំណត់ ជែង​ក្នុង​ស្ថានភាព​គ្រោះថ្នាក់ បើកបរ​ក្នុង​ស្ថានភាព​ស្រវឹង និង​មិន​គោរព​សិទ្ធិ​អាទិភាព​ជាដើម ។

ឯកឧត្តម បាន​គូស​ញ្ជា​ក់ថា​៖ «​ក្នុង​ឱកាស​ពិធី​បុណ្យចូលឆ្នាំ​ថ្មី ប្រពៃណី​ជាតិ ឆ្នាំរោង ឆស័ក ព​.​ស​.២៥៦៧ ដែល​នឹង​ប្រព្រឹត្ត​ទៅ​ពី​ថ្ងៃ​ទី​១៣ ដល់​ថ្ងៃ​ទី​១៦ ខែមេសា ឆ្នាំ​២០២៤ ខាង​មុខ​នេះ គណៈកម្មាធិការ​ជាតិ​សុវត្ថិភាព​ចរាចរណ៍​ផ្លូវគោក សូម​អំពាវនាវ​ដល់​សាធារណជន​ជា​អ្នក​ប្រើប្រាស់​ផ្លូវ​ទាំងអស់ សូម​មេត្តា​ខិតខំ​យកចិត្តទុកដាក់ ដើម្បី​បង្ការ និង​ទប់ស្កាត់​គ្រោះថ្នាក់​ចរាចរណ៍​ផ្លូវគោក​តាម​វិធានការ​នានា​» ។

គណៈកម្មាធិការ​ជាតិ​សុវត្ថិភាព​ចរាចរណ៍​ផ្លូវគោក សូម​ថ្លែង​នូវ​ការ​កោតសរសើរ​ប្រកបដោយ​ក្តី​មោទនភាព ជាទី​បំផុត ចំពោះ​អ្នក​ប្រើប្រាស់​ផ្លូវ​ដ៏​ច្រើន​លើសលប់​ដែល​មាន​ឆន្ទៈ​ក្នុង​ការ​ចូលរួម​គោរព និង​អនុវត្ត​ច្បាប់​ស្តី​ពី ចរាចរណ៍​ផ្លូវគោក​យ៉ាង​ផុសផុល រួមចំណែក​ក្នុង​ការ​កាត់​បន្ថយ​ការ​បាត់​បង់ជីវិត រង​របួស និង​ការ​ខូចខាត ទ្រព្យសម្បត្តិ​ដោយ​គ្រោះថ្នាក់​ចរាចរណ៍​ផ្លូវគោក នា​ពេល​កន្លង​ទៅ​។ ប៉ុន្តែ​តាម​ការ​កត់សម្គាល់​ឃើញ​ថា​គ្រោះ ថ្នាក់​ចរាចរណ៍​ផ្លូវគោក តែង​មាន​កំណើន​ខ្ពស់ នៅ​រាល់​ឱកាស​ពិធីបុណ្យ​ផ្សេង​ៗ ដែល​បាន​បណ្តាល​ឱ្យ​មាន កំណើន​ជន​រង​គ្រោះជា​អតិបរមា និង​មានការ​ខូចខាត​ទ្រព្យសម្បត្តិ​ជា​ច្រើន​។
ភាគច្រើន នៃ​គ្រោះថ្នាក់​ចរាចរណ៍ នេះ បណ្តាល​មក​ពី​ការ​បើកបរ​យានយន្ត​មិន​គោរព​ច្បាប់ ឬ​ធ្វេសប្រហែស​ដូច​ជា បើកបរ​លើស​ល្បឿន​កំណត់ ជែង​ក្នុង​ស្ថានភាព​គ្រោះថ្នាក់ បើកបរ​ក្នុង​ស្ថានភាព​ស្រវឹង និង​មិន​គោរព​សិទ្ធិ​អាទិភាព​ជាដើម​។

ក្នុង​ឱកាស​ពិធី​បុណ្យចូលឆ្នាំ​ថ្មី​ប្រពៃណី​ជាតិ​ឆ្នាំរោង ដែល​នឹង​ប្រព្រឹត្ត​ទៅ​ពី​ថ្ងៃ ទី​១៣ ដល់​ថ្ងៃ​ទី​១៦ ខែមេសា ឆ្នាំ​២០២៤ ខាង​មុខ​នេះ គណៈកម្មាធិការ​ជាតិ​សុវត្ថិភាព​ចរាចរណ៍​ផ្លូវគោក សូម អំពាវនាវ​ដល់​សាធារណជន​ជា​អ្នក​ប្រើប្រាស់​ផ្លូវ​ទាំងអស់ សូម​មេត្តា​ខិតខំ​យកចិត្តទុកដាក់ ដើម្បី​បង្ការ និង ទប់ស្កាត់​គ្រោះថ្នាក់​ចរាចរណ៍​ផ្លូវគោក​តាម​វិធានការ​ដូច​ខាងក្រោម​៖
១-​ត្រូវ​ពាក់មួក​សុវត្ថិភាព​ជា​និច្ច ក្នុង​ពេល​ធ្វើ​ដំណើរ​តាម​ទោចក្រយានយន្ត​ទោះ​ជិត ឬ​ឆ្ងាយ គ្រប់ពេលវេលា​។
២-​មិន​ត្រូវ​បើកបរ​លើស​ល្បឿន​កំណត់​ជា​ដាច់ខាត និង​បន្ថយល្បឿន ឬ​ឈប់​នៅ​ផ្លូវ​ប្រសព្វ​។
៣-​មិន​ត្រូវ​បើកបរ​ក្រោយ​ពេល​ពិសារ​គ្រឿង​ស្រវឹង និង​ជា​ដាច់ខាត​មិន​ប្រើប្រាស​គ្រឿងញៀន ។
៤-​ត្រូវ​គោរព​សិទ្ធិ​អាទិភាព គោរព​សញ្ញា​ចរាចរណ៍ និង​ប្រកាន់​ស្តាំ​ជា​និច្ច​។
៥-​ត្រូវ​ពាក់​ខ្សែក្រវាត់​សុវត្ថិភាព​ជា​និច្ច ក្នុង​ពេល​ធ្វើ​ដំណើរ​តាម​រថយន្ត​។
៦-​មិន​ត្រូវ​បត់ ឬ​វ៉ា​ជែង​ក្នុង​ភាព​ប្រថុយប្រថាន ឬ​ប្រើ​ទូរស័ព្ទ​ដោយ​គ្មាន​ឧបករណ៍​សំឡេង​ភ្ជាប់
ទំនាក់ទំនង​។
៧-​ត្រូវ​ត្រួតពិនិត្យ​លក្ខណ​បច្ចេកទេស​យានយន្ត​ជា​ប្រចាំ ពិសេស​ត្រួតពិនិត្យ​កង់ ចង្កូត ហ្វាំ​ង​ភ្លើង​បំភ្លឺ​។​ល​។
៨-​សូមកុំ​ផ្ទុក​អ្នកដំណើរ ឬ​ទំនិញ​លើស​ច្បាប់​កំណត់​។ ចំពោះ​រថយន្ត​ដឹក​អ្នកដំណើរ ឬ​ដឹក​កម្មករ មិន​ត្រូវ ផ្ទុក​អ្នកដំណើរ ឬ​កម្មករ​លើដំបូល និង​ដាក់​ឥ​វ៉ា​ន់​សំពីងសំពោង និង​សូម​មេត្តា​កុំ​ដំឡើង​ថ្លៃ​ធ្វើ​ដំណើរ​ក្នុង​ឱកាស​នេះ​។
៩-​មិន​ត្រូវ​បើកបរ​ក្នុង​ស្ថានភាព​ងងុយដេក​ជា​ដាច់ខាត​។
១០-​ត្រូវ​បើកបរ​ក្នុង​ស្មារតី​ប្រុង​ប្រយ័ត្ន​ជា​និច្ច ប្រកបដោយ​សីលធម៌​យោគយល់​អធ្យាស្រ័យ​។
១១-​មិន​ត្រូវ​លេង​គប់​ទឹក ឬ​ប៉ាត​ម្សៅ​ដល់​អ្នក​ប្រើប្រាស់​ផ្លូវ​។

ក្នុង​សេចក្តី​នោះ​ដែរ រដ្ឋមន្ត្រី​ក្រសួងមហាផ្ទៃ ប្រធាន​គណៈកម្មាធិការ​ជាតិ​សុវត្ថិភាព​ចរាចរណ៍​ផ្លូវគោក បាន ស្នើ​សុំ​សូម​បងប្អូន​ប្រជាពលរដ្ឋ​អ្នក​ប្រើប្រាស់​ផ្លូវ​ទាំងអស់ គោរព​អនុវត្ត​ច្បាប់​ស្តី​ពី​ចរាចរណ៍​ផ្លូវគោក​ឱ្យ​បាន ខ្ជាប់ខ្ជួន ដើម្បី​ថែរក្សា​ការពារ​អាយុជីវិត​ខ្លួនឯង​ផ្ទាល់ ដើម្បី​ភាព​សុខដុមរមនា​ក្នុង​ក្រុម​គ្រួសារ ការពារ​ទ្រព្យ សម្បត្តិ​ឯកជន និង​របស់​រដ្ឋ និង​ដើម្បី​រួម​គ្នា​លើកកម្ពស់​កិត្តិយស សេចក្តី​ថ្លៃថ្នូរ​របស់​ប្រទេស​ជាតិ​យើង ដែល កំពុង​តែ​មាន​សុខ​សន្តិភាព​ពេញលេញ និង​ការ​អភិវឌ្ឍ​លើ​គ្រប់​វិស័យ ។

គណៈកម្មាធិការ​ជាតិ​សុវត្ថិភាព​ចរាចរណ៍​ផ្លូវគោក មាន​សេចក្តី​សង្ឃឹម​ជឿជាក់​លើ​អ្នក​ប្រើប្រាស់​ផ្លូវ គ្រប់​រូប​ក្នុង​ការ​ចូលរួម​គោរព​អនុវត្ត​ច្បាប់​ស្តី​ពី​ចរាចរណ៍​ផ្លូវគោក ដោយ​អនុវត្ត​តាម​សេចក្តី​អំពាវនាវ​នេះ​ប្រកប ដោយ​ស្មារតី​យកចិត្តទុកដាក់​ទទួលខុសត្រូវ​ខ្ពស់ សំដៅ​នាំ​មក​នូវ​សុវត្ថិភាព សណ្តាប់ធ្នាប់ និង​សេចក្តីសុខ សប្បាយ​រីករាយ ក្នុង​ឱកាស​ពិធី​បុណ្យចូលឆ្នាំ​ថ្មី ប្រពៃណី​ជាតិ​ខាង​មុខ​នេះ និង​បន្ត​ជា​រៀង​រហូត​ទៅ ៕

អត្ថបទសរសេរ ដោយ