ឡានដឹកទឹកកកពន្លះបង្គោលភ្លើង រួចក្រឡា.ប់ធ្លា.ក់ចូលប្រឡាយ
- សៀមរាប
ខេត្តសៀមរាប ៖ បុរសម្នាក់សង្ស័យស្រវឹងស្រាបើករថយន្តកូរ៉េដឹកទឹកកក បុកបង្គោលភ្លើង២ដើម
ខេត្តសៀមរាប ៖ បុរសម្នាក់សង្ស័យស្រវឹងស្រាបើករថយន្តកូរ៉េដឹកទឹកកក បុកបង្គោលភ្លើង២ដើម ប៉ុន្តែបាក់មួយដើមរាបដល់ដី រួចក្រឡាប់ធ្លាក់ចូលប្រឡាយ បាស់ជើងឡើងលើធ្លាយទឹកកក ចូលទឹកអស់ តែមិនបណ្តាលឱ្យរងគ្រោះថ្នាក់ដល់អាយុជីវិតមនុស្សណាម្នាក់នោះទេ ។
ហេតុការណ៍គ្រោះថ្នាក់បង្កឡើងដោយខ្លួនឯងនេះបានកើតឡើងកាលពីយប់ថ្ងៃទី៨ ខែមេសា ឆ្នាំ ២០២៤ ស្ថិតនៅត្រង់ចំណុចខាងជើងផ្លូវបំបែកជាបួនតាឆេង ផុន ចម្ងាយ៨០ម៉ែត្រ ស្ថិតក្នុងភូមិថ្មី សង្កាត់ស្វាយដង្គំ ក្រុងសៀមរាប ខេត្តសៀមរាប ។
តាមប្រភពពីអ្នកនាំពាក្យនៃស្នងការដ្ឋាននគរបាលខេត្ត សៀមរាប បានប្រាប់ឱ្យដឹងតាមប្រព័ន្ធតេ លេក្រាម កាលពីរសៀលថ្ងៃទី៩ ខែមីនាឆ្នាំ២០២៤ នេះថា រថយន្តមួយគ្រឿងខាងលើម៉ាក Hyundai ពណ៌ ខៀវ ពាក់ផ្លាកលេខ ភ្នំពេញ 3C-6272 អ្នកបើកបរឈ្មោះ ណា គីម ភេទប្រុស អាយុ ២៣ឆ្នាំ នៅភូមិ ខ្នារ សង្កាត់ជ្រាវ ក្រុងសៀមរាប ខេត្តសៀមរាប ។
តាមប្រភពដដែលបានបន្តថា ករណីគ្រោះថ្នាក់ចរាចរណ៍ រថយន្តកូរ៉េដឹកទឹកកកមួយក្រឿងខាងលើបើកបរក្នុងល្បឿនលឿនក្នុងទិសដៅពីជើងទៅត្បូង លុះមកដល់ត្រង់ចំណុចកើតហេតុ ក៏បុកបង្គោលភ្លើង២ដើម តែបាក់១ដើម រាបដល់ដី រួចរថយន្តបង្កក្រឡាប់ធ្លាក់ចូលប្រឡាយ បះជើងឡើងលើ ធ្លាយទឹកកក ចូលទឹកអស់ តែមិនបណ្តាលឱ្យរងគ្រោះថ្នាក់ដល់អាយុជីវិតមនុស្សណាម្នាក់នោះទេ តែបណ្ដាលឱ្យរថយន្តរងការខូចខាតមធ្យម និងបាក់បង្គោលភ្លើងអស់១ដើម។
តាមប្រភពដដែលបានបញ្ជាក់ថា ក្រោយពេលកើតហេតុ កម្លាំងនគរបាលជំនាញបានចុះវាស់វែង រួចយកវត្ថុតាងទៅស្នាក់ការទី២ នៃកម្លាំងនគរបាលការិយាល័យចរាចរណ៍ផ្លូវគោកខាងលិចមាត់ស្ទឹងសៀមរាប ។ បច្ចុប្បន្ន អ្នកបើកបររថយន្តដឹកទឹកកក បានព្រមព្រៀងសុខចិត្តទទួលខុសត្រូវ សងសំណង ចំពោះបង្គោលភ្លើងដែលបុកបាក់របស់រដ្ឋ រួចរាល់អស់ហើយ ៕
ចែករំលែកព័តមាននេះ