រាជធានីភ្នំពេញ ៖ ដើម្បីទប់ស្កាត់កង្វះកម្លាំងពលកម្មមនុស្សពេញវ័យ នាយករដ្ឋមន្ត្រីបានលើកទឹកចិត្តដល់គ្រួសារណាដែលមានលទ្ធភាពគួរយកកូនបន្ថែមទៀត ។ ថ្លែងក្នុងពិធីបិទសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅអនុវត្តការងារឆ្នាំ២០២៤ របស់ក្រសួងផែនការ នាថ្ងៃទី៩ ខែមេសា…
រាជធានីភ្នំពេញ ៖ ដើម្បីទប់ស្កាត់កង្វះកម្លាំងពលកម្មមនុស្សពេញវ័យ នាយករដ្ឋមន្ត្រីបានលើកទឹកចិត្តដល់គ្រួសារណាដែលមានលទ្ធភាពគួរយកកូនបន្ថែមទៀត ។
ថ្លែងក្នុងពិធីបិទសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅអនុវត្តការងារ
ឆ្នាំ២០២៤ របស់ក្រសួងផែនការ នាថ្ងៃទី៩ ខែមេសា ឆ្នាំ២០២៤សម្តេចធិបតី ហ៊ុន ម៉ាណែតនាយករដ្ឋមន្ត្រីបានលើកឡើងថា យោងតាមរបាយការណ៍ និងការព្យាករណ៍តាមរយៈក្រសួងផែនការ សម្តេចធិបតីថា ទៅថ្ងៃខាងមុខ អាត្រាប្រជាជនវ័យជំទង់ ទាបជាងវ័យជរា ឬមនុស្សចាស់ ដែលកត្តានេះអាចនឹងធ្វើឲ្យកម្ពុជា ជួបផលប៉ះពាល់ដល់អាត្រាកង្វះខាត ធនធានកម្លាំងពលកម្ម មនុស្សពេញវ័យ ដែលនេះបានជាសម្តេចនាយករដ្ឋមន្ត្រី បន្តលើកទឹកចិត្តដល់ប្រជាពលរដ្ឋ ដែលមានធនធានគ្រប់គ្រាន់ គួរបន្តយកកូនបន្ថែម ។
សម្តេចធិបតី ហ៊ុន ម៉ាណែត មានប្រសាសន៍ថា «ខ្ញុំក៏សូមលើកទឹកចិត្តដល់គូស្វាមីភរិយា ដែលមានលទ្ធភាពសេដ្ឋកិច្ច គួរមានកូនច្រើន ដើម្បីចៀសវាងបញ្ហាកង្វះពលកម្ម» ។ ជាមួយគ្នានេះ សម្តេចបានគូសបញ្ជាក់ថា «នៅក្នុងឆ្នាំ២០៥០ ហើយចាប់ផ្តើមជាបណ្តើរៗយើងឃើញថា មាន
ការថយចុះ ចឹងជាថ្មីម្តងទៀត ទោះបីជាការព្យាករណ៍ ផ្អែកទៅលើទិន្ន័យនៃការជំរឿននេះ គិតថា យើងមិនទាន់មានជាបញ្ហាចោទ នៅឆ្នាំ២០៥០ ប៉ុន្តែយើងឃើញសញ្ញានៃការថយចុះ គម្លាតរវាង អ្នកដែលមានអាយុចាស់ លើសកម្លាំងកណ្តាលនៃអ្នកដែលពេញកម្លាំងនេះ គឺចាប់ផ្តើមកើន ហើយប្រសិនបើអាត្រានៃកំណើតកាន់តែថយទៀត យើងអាចមានបញ្ហាប្រឈម»។
យ៉ាងណាមិញ នៅក្នុងសុន្ទរកថារបស់សម្តេចនាឱកាសនេះ សម្តេចក៏បានរំលឹកឲ្យពលរដ្ឋ គួរយកកូនបន្ថែមនាអំឡុងពេលនេះ រហូតមុនឆ្នាំ២០៥០ ខណៈនៅឆ្នាំ២០៥០ អាចជាឆ្នាំដែលមានការចំណាយខ្ពស់ ពិបាកក្នុងការផ្គត់ផ្គង់ ឬយកកូនច្រើន ។ សម្តេចនាយករដ្ឋមន្ត្រីមានប្រសាសន៍ថា
«មានកូនឥឡូវស្រួលជាងមានកូននៅឆ្នាំ២០៥០ ។ ២០៥០ ការចិញ្ចឹមកូន តម្លៃនៃការចិញ្ចឹមកូន និងការធានាចិញ្ចឹមកូន គឺខុសពីឥឡូវ ទាំងផ្នត់គំនិតរបស់ប្រជាជនផង»។
ចែករំលែកព័តមាននេះ