ឪពុកម្ដាយចុះរាវលៀសភ្លេចខ្លួនមួយភ្លែត ស្រាប់តែបា.ត់កូន ស្រែកផ្អើលអ្នកភូមិឱ្យជួយរក
- ភ្នំពេញ
រាជធានីភ្នំពេញ ៖ ឪពុកម្ដាយទំនេរពីការងារបណ្ដើរគ្នាទៅចុះរាវលៀសភ្លេចខ្លួន ស្រាប់តែកូនលង់ទឹក
រាជធានីភ្នំពេញ ៖ ឪពុកម្ដាយទំនេរពីការងារបណ្ដើរគ្នាទៅចុះរាវលៀសភ្លេចខ្លួន ស្រាប់តែកូនលង់ទឹក
រាជធានីភ្នំពេញ ៖ ឪពុកម្ដាយទំនេរពីការងារបណ្ដើរគ្នាទៅចុះរាវលៀសភ្លេចខ្លួន ស្រាប់តែកូនលង់ទឹករណ្ដៅស្រះបាត់រកមិនឃើញបង្កឱ្យមានការភ្ញាក់ផ្អើលកាលពីវេលាម៉ោង៤និង៤៥នាទីរសៀកថ្ងៃទី៧ ខែមេសា ឆ្នាំ២០២៤ នៅចំណុចទឹកស្រះមួយកន្លែង ក្នុងភូមិព្រៃសំរោង សង្កាត់កំបូល ខណ្ឌកំបូល រាជធានីភ្នំពេញ។
ក្មេងរងគ្រោះឈ្មោះ ង៉ាន់ សុខម៉េងលាង ហៅក្រៅង៉ោល ភេទប្រុស អាយុ៥ឆ្នាំ មានម្ដាយឈ្មោះ ខ្លឹង វណ្ណា អាយុ៤០ឆ្នាំ មុខរបរធ្វើការរោងចក្រ និងឪពុកឈ្មោះវ៉ាន់ ច័ន្ទពេជ្រ អាយុ៣២ឆ្នាំ មុខរបរកម្មកររោងចក្រចក្រ ។ បច្ចុប្បន្នគ្រួសារនេះរស់នៅក្នុងភូមិត្រពាំងទ្រា ឃុំបែកចាន ស្រុកអង្គស្នួល ខេត្តកណ្ដាល ។
តាមប្រភពព័ត៌មានពីឪពុកម្ដាយក្មេងរងគ្រោះបានឱ្យដឹងថា នៅមុនពេលកើតហេតុ ពួកគាត់ទំនេរពីការងាររោងចក្រ ឆ្លៀតពេលនាំគ្នាមករាវលៀសយកមកធ្វើម្ហូប ខណៈកំពុងតែចុះរាវក្នុងទឹករណ្ដៅស្រះខាងលើ ដោយឱ្យកូននៅខាងលើគោក ស្រាប់តែភ្លេចខ្លួនមួយភ្លែត កូនបានចុះលេងទឹកស្រះ បណ្ដាលឱ្យលង់លិចបាត់ស្រមោល ។
តាមប្រភពដដែលបានបន្តថា ទោះបីខំប្រឹងមុជរាវរកកូនយ៉ាងណាក៏មិនឃើញ និងស្រែកប្រាប់ឱ្យគេឯងជួយ បង្កការភ្ញាក់ផ្អើលដល់អ្នកភូមិពីរមួយទៅមួយនាំគ្នាមកចុះរុករកអស់ជាច្រើនម៉ោងនៅតែរកមិនឃើញ ទើបទាក់ទងប្ដឹងទៅអាជ្ញាធរសមត្ថកិច្ចមូលដ្ឋានទាក់ទងបន្តទៅផ្នែកជំនាញ៩១១ ដើម្បីឱ្យមកជួយអន្តរាគមន៍បន្ត ចំណែកឪពុកម្ដាយយំសោកស្រែកហៅកូនឱ្យត្រឡប់មកវិញស្ទើរតែសន្លប់ម្ដងៗទៅហើយ ។
ក្រោយពេលកើតហេតុ បន្ទាប់ពីខាងផ្នែកជំនាញ៩១១ចុះធ្វើការស្រាវជ្រាវមុជរុករកអស់ជាច្រើនម៉ោង នៅតែរកសពក្មេងរងគ្រោះមិនឃើញដដែល ណាមួយទឹករណ្ដៅខាងលើជ្រៅផង ពិបាកក្នុងការរក ដោយសារទីតាំងងងឹតក៏ដកកម្លាំងត្រឡប់ទៅគោលដៅវិញ រង់ចាំព្រឹកថ្ងៃទី៨ មេសា នឹងធ្វើការមុជរាវរកបន្តទៀត ៕
ចែករំលែកព័តមាននេះ