នៅកម្ពុជាយើងស្រែកថា «ក្តៅខ្លាំងណាស់» នៅពេលសីតុណ្ហភាពឡើងរហូតដល់៣៨អង្សាសេ។ ប៉ុន្តែមានតំបន់មួយចំនួនក្តៅរហូតដល់ជាង៥០អង្សាសេ។
ថ្ងៃនេះ កម្មវិធីលុយនៃសារព័ត៌មានកោះសន្តិភាពបានស្រាវជ្រាវកន្លែងដែលក្តៅបំផុតនៅលើភពផែនដីទុកជាចំណេះដឹង ដែលកន្លែងទាំងនោះមានដូចតទៅ ៖
១- Death Valley រដ្ឋកាលីហ្វ័រញ៉ា សហរដ្ឋអាមេរិក
កន្លែងក្តៅបំផុតនៅលើផែនដីគឺ នៅចំណុច Furnace Creek នាតំបន់ជ្រលងមរណ: Death Valley រដ្ឋកាលីហ្វ័រញ៉ា សហរដ្ឋអាមេរិក ដែលសីតុណ្ហភាព ៥៦,៧ អង្សាសេ ត្រូវបានកត់ត្រានៅថ្ងៃទី ១០ ខែកក្កដា ឆ្នាំ ១៩១៣។ ក្នុងខែរដូវក្តៅ Death Valley មានសីតុណ្ហភាពប្រចាំថ្ងៃជាមធ្យម ៤៥ អង្សាសេ ។
ពាក្យជ្រលងមរណ៖ Death Valley ត្រូវបានដាក់ឈ្មោះដោយមនុស្សម្នាក់ដែលមាន សំណាងគ្រប់ គ្រាន់ក្នុងការរស់រានមានជីវិតដែលបានមកដល់ទីនោះក្នុងសតវត្សទី ១៩ ក្រោយពេលដែលវាបានឆក់ យកជីវិតមនុស្សជាច្រើនដោយសារតែជំងឺដាច់សរសៃឈាមខួរក្បាល និងការខ្សោះជាតិទឹក។
បាតនៃជ្រលងនៅទីនោះ គឺជាដីដ៏ក្តៅខ្លាំងបំផុត ក្នុងរដូវរងារកំពូលភ្នំខ្ពស់ៗត្រូវបានគ្របដណ្ដប់ដោយព្រិល ខណៈពេលដែលកំដៅរដូវក្តៅធ្វើឱ្យវាក្លាយជាកន្លែងក្តៅបំផុតនៅលើផែនដី។
២-ទីក្រុង Kebili ប្រទេសទុយនេស៊ី
ទីក្រុង Kebili គឺជាទីក្រុងមួយនៅភាគខាងត្បូងនៃប្រទេសទុយ នីស៊ី ហើយជាតំបន់ដែលចំណាស់ ជាងគេបំផុត មួយនៅអាហ្វ្រិកខាងជើង។ យោងតាមអង្គការឧតុនិយមពិភពលោក Kebili មានសីតុណ្ហភាពខ្ពស់បំផុតមិនធ្លាប់មានក្នុងទ្វីបអាហ្វ្រិក និងជាកន្លែងដែលក្តៅបំផុតទី២ក្នុងពិភពលោក។ ខណៈពេលដែល សីតុណ្ហភាពដែលបានកត់ត្រាគឺ ៥៥ អង្សាសេ ក្នុងឆ្នាំ ១៩៣១ ។
៣-ទីក្រុង Ahvaz ប្រទេសអ៊ីរ៉ង់
ទីក្រុងនេះមានសីតុណ្ហភាពខ្ពស់បំផុតដល់ ៥៤ អង្សាសេ នៅថ្ងៃទី ២៩ ខែមិថុនា ឆ្នាំ ២០១៧។ ទីក្រុងនេះមានភាពល្បីល្បាញដោយសារស្ពានចំនួនប្រាំបួន ជាពិសេសស្ពានខ្មៅ និងស្ពានស។
៤-ទីក្រុងTirat Tsvi ប្រទេសអ៊ីស្រាអែល
ជាទីកន្លែងដែលក្តៅបំផុតទី៤នៅលើពិភពលោកដោយបានកត់ត្រានៅថ្ងៃទី ២១ ខែមិថុនា ឆ្នាំ ១៩៤២។ Tirat Tsvi ក្នុងប្រទេសអ៊ីស្រាអែល បានវាស់សីតុណ្ហភាពខ្ពស់បំផុត ៥៤ អង្សាសេ។
អង្គការឧតុនិយមពិភពលោក (WMO) ចាត់ថ្នាក់អ៊ីស្រាអែលថាជាទ្វីបអឺរ៉ុប ដូច្នេះជាផ្លូវការវាមាន សីតុណ្ហភាពខ្ពស់បំផុតដែលត្រូវបានកត់ត្រានៅក្នុងទ្វីប។ ទីនោះមានទីតាំងនៅជិតព្រំដែនអ៊ីស្រាអែល-ហ្ស៊កដានី។ Tirat Tsvi ស្ថិតនៅភាគខាងលិចនៃទន្លេយ័រដាន់។ វាមានប្រជាជនត្រឹមតែ ៩៧២ នាក់គិតត្រឹមឆ្នាំ ២០២១ ។
៥- Mitribah ប្រទេសគុយវ៉ែត
កន្លែងដែលមានសីតុណ្ហភាពខ្ពស់បំផុតទីប្រាំដែលត្រូវបានកត់ត្រា និងផ្ទៀងផ្ទាត់ដោយ អង្គការឧតុនិយមពិភពលោក (WMO) ។ Mitribah ប្រទេសគុយវ៉ែត ធ្លាប់មានសីតុណ្ហភាព រហូតដល់ ៥៣,៩ អង្សាសេ។ កំដៅដ៏ក្តៅស្ទើរឆេះនេះត្រូវបានកត់ត្រានៅថ្ងៃទី ២១ ខែកក្កដាឆ្នាំ ២០១៦ ហើយតំណាង ឱ្យកំណត់ត្រា ដែលបានបញ្ជាក់ថាក្តៅបំផុតនៅអាស៊ី។ វាក៏ជាសីតុណ្ហភាពក្តៅបំផុតដែលត្រូវ បានទទួល ស្គាល់ជាផ្លូវការ នៅពេលនោះ សម្រាប់រយៈពេល ៧៦ ឆ្នាំ៕
ចែករំលែកព័តមាននេះ