រាជធានីភ្នំពេញ ៖ អគ្គិភ័យឆាបឆេះសម្ភារៈ នៅក្នុងអគារខុនដូកំពុងសាងសង់មួយកន្លែង បង្កភ្ញាក់ផ្អើលអស់កម្មករ និងសមត្ថកិច្ច នាវេលាម៉ោង០៥និង៤៥នាទីល្ងាចថ្ងៃទី០៤ ខែមេសា ឆ្នាំ២០២៤ នៅត្រង់ចំណុចអគារកំពុងសាងសង់មួយកន្លែង…
រាជធានីភ្នំពេញ ៖ អគ្គិភ័យឆាបឆេះសម្ភារៈ នៅក្នុងអគារខុនដូកំពុងសាងសង់មួយកន្លែង បង្កភ្ញាក់ផ្អើលអស់កម្មករ និងសមត្ថកិច្ច នាវេលាម៉ោង០៥និង៤៥នាទីល្ងាចថ្ងៃទី០៤ ខែមេសា ឆ្នាំ២០២៤ នៅត្រង់ចំណុចអគារកំពុងសាងសង់មួយកន្លែង ក្បែរនិងស្ពានអាកាស មរតកតេជោ តាមបណ្តោយផ្លូវ៦០ម៉ែត្រ ស្ថិតក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
បើតាមប្រភពព័ត៏មានពីសមត្ថកិច្ច បានអោយដឹងថា មានប្រជាពលរដ្ឋរាយការណ៏ថា ឃើញមានកម្មកររត់ជាច្រើនផ្អើលរត់ពីចេញពី ចំណុចអគារខុនដូមួយកន្លែង ដែលកំពុងសាងសង់ និងបានឮសំឡេងផ្ទុះ រួចក៏មានផ្សែងហ៊ុយឃ្មួលឃ្មាញ់ខ្លាំងតែម្តង។ ភ្លាមៗ សមត្ថកិច្ចបានចេញរថយន្ត មកជួយអន្តរាគមន៏បាញ់ពន្លត់ ។
ប្រភពពីកម្មករបានអោយដឹងថា មុនកើតហេតុ ក្រុមកម្មករទាំងអស់កំពុងសាងសង់ តាមជំនាញរៀងខ្លួន និងចំណែកមួយផ្នែកទៀត កំពុងផ្សារដែក លុះមួយសន្ទុះក្រោយមក កើតមានអណ្តាតភ្លើងឆាបឆេះតែម្តង ។
ក្នុងនោះដែរ កម្មករដែលបានឃើញហេតុការណ៏ ក៏បានសន្និដ្ឋានថា អាចបណ្តាលមកពីផ្សារដែករួចធ្លាក់កម្ទេចដែក លើក្រណាត់ និងក្បែរនោះមានសាំងក្រអូប ទើបបង្កជាអគ្គិភ័យបែបនេះតែម្តង ។
អគ្គិភ័យខាងលើនេះដែរ បានប្រើប្រាស់រថយន្តពន្លត់ជាង១០គ្រឿង បាញ់ពន្លត់រលត់ជាស្ថាពរ។ ចំពោះមូលហេតុ សមត្ថកិច្ចកំពុងស្រាវជ្រាវ ៕ ដោយ ៖ រដ្ឋា
ចែករំលែកព័តមាននេះ