ឆេះបង្គោលភ្លើងដាច់ធ្លាក់ខ្សែភ្លើងរាយប៉ាយ ផ្អើលផ្លូវចូលវត្តសំរោងអណ្ដែត
- ភ្នំពេញ
រាជធានីភ្នំពេញ ៖ បង្គោលភ្លើងមួយដើម បានឆ្លងចរន្តអគ្គិសនីទុស្សេខ្សែភ្លើងឆាបឆេះផ្សែងហុយ
រាជធានីភ្នំពេញ ៖ បង្គោលភ្លើងមួយដើម បានឆ្លងចរន្តអគ្គិសនីទុស្សេខ្សែភ្លើងឆាបឆេះផ្សែងហុយ
រាជធានីភ្នំពេញ ៖ បង្គោលភ្លើងមួយដើម បានឆ្លងចរន្តអគ្គិសនីទុស្សេខ្សែភ្លើងឆាបឆេះផ្សែងហុយទ្រលោម បង្កឱ្យមានការភ្ញាក់ផ្អើល ដល់ប្រជាពលរដ្ឋនាំគ្នាបាញ់ពន្លត់ និងហៅរថយន្តពន្លត់អគ្គីភ័យមួយគ្រឿងទៅអន្តរាគមន៍បាញ់ពន្លត់ ។
ហេតុការណ៍ខាងលើនេះ បង្កឱ្យមានការភ្ញាក់ផ្អើលកាលពីវេលាម៉ោងប្រមាណ៣និង៣០នាទីរសៀល ថ្ងៃទី០៣ ខែ មេសា ឆ្នាំ ២០២៤ នៅចំណុចបង្គោល ដែលមានប្រអប់ភ្លើង P១៩៧៧.២២០ ដែលស្ថិតនៅមុខសាលា ឃីដឃែរ (ផ្លូវចូលវត្តសំរោងអណ្ដែត) ក្នុងភូមិក្រុងខ្មែរ សង្កាត់គោក ឃ្លាង ខណ្ឌសែនសុខ រាជធានីភ្នំពេញ។
តាមសាក្សីបានឱ្យដឹងថា នៅមុនពេលកើតហេតុ គេឃើញទុស្សេឆាបឆេះខ្សែភ្លើង និងប្រអប់ភ្លើងផ្សែងហុយខ្មួលខ្មាញ់បង្កឱ្យមានការភ័យក្លាច ឆេះរាលដាល់ទៅលំនៅឋានក្បែរនោះ ។ ភ្លាមៗ ប្រជាពលរដ្ឋក្បែរខាងក៏បានយកបំពង់ពន្លត់អគ្គីភ័យបាញ់ពន្លត់អស់ជិត១០បំពង់ តែមិនអាចទប់ស្កាត់បាន ហើយនៅតែទុស្សេឆេះរាលដាល់ខ្សែភ្លើង ដាច់ធ្លាក់ពេញផ្លូវ ។
នៅក្នុងហេតុការណ៍ខាងលើនេះ នគរបាលការិយាល័យបង្ការពន្លត់អគ្គីភ័យនិងសង្គ្រោះនៃស្នងការនគរបាលរាជធានីភ្នំពេញក៏បានចេញរថយន្តពន្លត់អគ្គីភ័យ១គ្រឿងទៅអន្តរាគមន៍ និងទាក់ទងខាងអគ្គិសនី ដើម្បីផ្តាច់ចរន្តទើបភ្លើងបានរលត់ទៅវិញ។
តាមប្រភពពីនគរបាលឱ្យដឹងថា ខ្សែភ្លើង រួមទាំងប្រអប់កុងទ័រ ដែលបំពាក់នៅលើបង្គោលភ្លើង ត្រូវភ្លើងឆេះរងការខូចទាំងស្រុង ។ ទោះបីជាយ៉ាងភ្លើងពុំបានឆេះរាលដាល់ទៅលំនៅដ្ឋានប្រជាពលរដ្ឋនិងបង្កឱ្យមានមនុស្សរងគ្រោះថ្នាក់ឡើយ ៕
ចែករំលែកព័តមាននេះ