ADផ្ទាំងផ្សព្វផ្សាយពាណិជ្ជកម្ម

Picture

ជិះម៉ូតូ​​Zoomer​បង្ហូរ​សាំង​ដុត​ចោល​រួច​​គេច​មុខ​បាត់ ផ្អើល​កណ្តាលក្រុងបាត់ដំបង​

2 អាទិត្យ មុន
  • បាត់ដំបង

ខេត្តបាត់ដំបង ៖ សមត្ថកិច្ច​កំពុង​ទំនាក់ទំនង​គ្រប់​ទីកន្លែង ដើម្បី​ស្វែង​រកមុខ​ម្ចាស់​ម៉ូតូ​ដែល​ជិះ​មក​ឈប់​ក្បែរ​វិមាន​ឯករាជ្យ​រួច​បង្ហូរ​សាំង​ដុត​ចោល ហើយ​ដើរ​ធ្វើ​ព្រងើយ​គេចខ្លួន​បាត់ ទុក​ឱ្យ​មន្ត្រី​ចរាចរណ៍​នាំ​គ្នា​បាញ់​ពន្លត់ កាលពី​វេលា​ម៉ោង​១០​និង​៣០​នាទី​ព្រឹក​ថ្ងៃ​ទី​០២ មេ​សា នៅ​ចំ​កណ្ដាល​បេះដូង​ក្រុង​បាត់ដំបង ដោយ​ពុំ​មាន​នរណា​ម្នាក់​ដឹង​ពី​មូលហេតុ…

ខេត្តបាត់ដំបង ៖ សមត្ថកិច្ច​កំពុង​ទំនាក់ទំនង​គ្រប់​ទីកន្លែង ដើម្បី​ស្វែង​រកមុខ​ម្ចាស់​ម៉ូតូ​ដែល​ជិះ​មក​ឈប់​ក្បែរ​វិមាន​ឯករាជ្យ​រួច​បង្ហូរ​សាំង​ដុត​ចោល ហើយ​ដើរ​ធ្វើ​ព្រងើយ​គេចខ្លួន​បាត់ ទុក​ឱ្យ​មន្ត្រី​ចរាចរណ៍​នាំ​គ្នា​បាញ់​ពន្លត់ កាលពី​វេលា​ម៉ោង​១០​និង​៣០​នាទី​ព្រឹក​ថ្ងៃ​ទី​០២ មេ​សា នៅ​ចំ​កណ្ដាល​បេះដូង​ក្រុង​បាត់ដំបង ដោយ​ពុំ​មាន​នរណា​ម្នាក់​ដឹង​ពី​មូលហេតុ ។

អ្នក​ឃើញ​ហេតុការណ៍​បានឱ្យ​ដឹង​ថា ដំបូង​គេ​ឃើញ​បុរស​ម្នាក់​បាន​ជិះ​ម៉ូតូ​ម៉ាក​Zoomer ពណ៌​. ស មក​ពី​ខាងជើង​តាម​ផ្លូវ​លេខ​១ ។ ពេល​មក​ជិះ​មក​ដល់​ក្បែរ​វិមាន​ឯករាជ្យ​ក៏​ឈប់​ចម្ងាយ​ប្រហែល​៣០​ម៉ែត្រ ហើយ​បុរស​ក៏​ចុះ​ពីលើ​ម៉ូតូ រួច​បង្ហូរ​សាំង​ទាញ​ដែកកេះ​ដុត​ហុយ​ទ្រលោម​ភ្លាម​រំពេច បង្ក​ឱ្យ​មានការ​ភ្ញាក់ផ្អើល​យ៉ាង​ខ្លាំង ។

ប្រភព​ដដែល​បាន​និយាយ​ថា ក្រោយ​ដុត​ឆេះ​បុរស​ម្នាក់​ដូច​មាន​សតិ​មិន​ប្រក្រតី​នោះ​បាន​ដើរ​ចេញ​ទៅ​បាត់ តែ​គេ​មិន​បាន​ចាប់អារម្មណ៍​ទៅ​លើ​បុរស​មិន​ប្រក្រតី​នោះ​ទេ ព្រោះ​គេ​សម្លឹង និង​ព្រួយបារម្ភ​ពី​អគ្គិភ័យ​ដែល​កំពុង​លេប​ត្របាក់​ម៉ូតូ​ច្រើន​ជាង ហើយ​ជន​នោះ​ក៏​បាន​គេចខ្លួន​បាត់​ទៅ ។

ជុំវិញ​ករណី​ជន​ម្នាក់​ដុត​ម៉ូតូ​ចោល​ក្បែរ​វិមាន​ឯករាជ្យ​ចំ​កណ្ដាល​ក្រុង​បាត់ដំបង​នេះ មានការ​លើក​ឡើង​ផ្សេង​ៗ​គ្នា ។ សាក្សី​ដែល​បានឃើញ​ហេតុការណ៍​នេះ​បាន​និយាយ​ថា បើ​តាម​ពិនិត្យ​លើ​ចរិត​អ្នក​ដុត​ម៉ូតូ​ខាងលើ​នេះ អាច​ជា​មនុស្ស​មាន​សតិ​មិន​ប្រក្រតី​លួច​ជិះ​ម៉ូតូ​គេ ឬ​លួច​យក​ម៉ូតូ​បងប្អូន​ជិះ​យក​មក​ដុត​ចោល ។ ប៉ុន្តែ​ប្រភព​ខ្លះ​បាន​សន្និដ្ឋាន​ផ្ទុយ​ពី​នេះ​ថា ជន​នោះ​ទំនង​មាន​ជម្លោះ ឬ​មានរឿង​អ្វីមួយ ទើប​ខឹង​ក៏​ជិះ​ម៉ូតូ​យក​មក​ដុត​ចោល ដើម្បី​ឱ្យ​គេឯង​បានឃើញ ។

យ៉ាងណា នេះ​គ្រាន់តែ​ជា​ការ​សន្និដ្ឋាន​តាម​ការ​យល់​ឃើញ​ពី​មហាជន​តែ​ប៉ុណ្ណោះ​។ ពេល​នេះ​សមត្ថកិច្ច​កំពុង​តាម​រកមុខ​បុរស​ម្នាក់​នោះ​ហើយ ។ ហើយ​លុះត្រាតែ​សមត្ថកិច្ច​តាម​រក​ឃើញ​អ្នក​ដុត​ម៉ូតូ​នោះ​ឱ្យ​ឃើញ ទើប​ដឹង​ថា ជន​នោះ​ឆ្កួត​ឬ​ជា លួច​ម៉ូតូ​គេ​យក​មក​ដុត​ចោល ឬ ដុត​ម៉ូតូ​ខ្លួនឯង និង ដឹង​ពី​មូលហេតុ ជន​នេះ​ដុត​ម៉ូតូ​ចោល ៕

អត្ថបទសរសេរ ដោយ