ADផ្ទាំងផ្សព្វផ្សាយពាណិជ្ជកម្ម

Picture

ពិភពលោក​ដ៏​គ្រោះថ្នាក់ ​៖ បុរស​ខ្លាំង​នឹង​ជំរុញ​ការទូត​សភា​សម្រាប់​កម្ពុជា

1 អាទិត្យ មុន
  • ភ្នំពេញ

សម្តេច​តេ​ជោ ហ៊ុន សែន ប្រធាន​ព្រឹទ្ធសភា​ថ្មី​បាន​ប្តេជ្ញា​នឹង​ពង្រឹង​ទំនាក់ទំនង​របស់ កម្ពុជា ជាមួយ​ពិភពលោក​តាម​រយៈ​អ្វី​ដែល​ហៅ​ថា​«​ការទូត​សភា​» ។ សម្តេច ហ៊ុន សែន…

សម្តេច​តេ​ជោ ហ៊ុន សែន ប្រធាន​ព្រឹទ្ធសភា​ថ្មី​បាន​ប្តេជ្ញា​នឹង​ពង្រឹង​ទំនាក់ទំនង​របស់ កម្ពុជា ជាមួយ​ពិភពលោក​តាម​រយៈ​អ្វី​ដែល​ហៅ​ថា​«​ការទូត​សភា​» ។ សម្តេច ហ៊ុន សែន មាន​ប្រសាសន៍​បែប​នេះ នៅ​ក្នុង​សុន្ទរកថា​ដំបូង​របស់​សម្តេច​ក្នុង​នាម​ជា​ប្រធាន​ព្រឹទ្ធសភា​អាណត្តិ​ទី​ប្រាំ ។

សម្តេច​តេ​ជោ លោក ប្រាក់ សុ​ខន និង​លោក អ៊ុ​ច បូរ​រិ​ទ្ធ ត្រូវ​បាន​ព្រឹទ្ធសភា​បោះ​ឆ្នោត​គាំទ្រ​៦២​សំឡេង​លើ​៦២​សំឡេង ដើម្បី​អោយ​ក្លាយជា​ប្រធាន អនុប្រធាន​ទី​មួយ និង​អនុប្រធាន​ទី​ពីរ​នៃ​ព្រឹទ្ធសភា ។ មេដឹកនាំ​ព្រឹទ្ធសភា​ទាំង​បី​រូប សុទ្ធតែ​ជើង​ខ្លាំង​ផ្នែក​ការទូត ។

ក្នុង​សុន្ទរកថា ដំបូង​ក្នុង​នាម​ជា​ប្រធាន​ព្រឹទ្ធសភា សម្តេច​តេ​ជោ ហ៊ុន សែន បាន​មាន​ប្រសាសន៍​ថា ព្រឹទ្ធសភា​មាន​តួនាទី​យ៉ាង​សំខាន់​នៅ​ក្នុង​ការ​បង្កើត​ទំនាក់ទំនង​អន្តរជាតិ ។ ក្នុង​ហេតុផល​នេះ​សម្តេច​នឹង​ជំរុញ​ការទូត​សភា​អោយ​ក្លាយជា​អាទិភាព​មួយ​របស់​ព្រឹទ្ធសភា ។

សម្តេច​មាន​ប្រសាសន៍​បន្ត​ទៀត​ថា ពិភពលោក​នៅ​ពេល​បច្ចុប្បន្ន​នេះ គឺ​មាន​លក្ខណៈ​ប្រទាក់ក្រឡា​គ្នា​បែក​ជា​ប៉ូ​ល ស្មុគស្មាញ និង​វឹកវរ​ដោយសារ​តែ​ការ​កើនឡើង​នៃ​ការ​ប្រកួតប្រជែង​យុទ្ធសាស្ត្រ​នៃ​មហាអំណាច​សង្គ្រាម និង​វិបត្តិ​នយោបាយ ព្រមទាំង​ការ​គំរាមកំហែង​សន្តិសុខ​មិនមែន​ប្រពៃណី ដែល​មិន​ធ្លាប់​មាន​ពី​មុន​មក ។

សម្តេច​មាន​ប្រសាសន៍​ថា «​ក្នុង​បរិបទ​លំបាក និង​គ្រោះថ្នាក់​នេះ​វា​មាន​សារសំខាន់​ដែល​ពង្រឹង​ទំនាក់​របស់​យើង​ជាមួយ​ដៃគូរ​អន្តរជាតិ ហើយ​ចូលរួម​កាន់តែ​សកម្ម​នៅ​ក្នុង​ការ​ជួបជុំ​អន្តរជាតិ ហើយ​ធ្វើការ​រួម​គ្នា​ដោះស្រាយ​បញ្ហា​ប្រឈម​របស់​ពិភពលោក​»​។

សម្តេច​មាន​ប្រសាសន៍​បន្ថែម​ទៀត​ថា តាម​រយៈ​ការ​ជំរុញ​ការ​សន្ទនា​ក្នុង​ចំណោម​សភា ក្នុង​តំបន់ និង​ពិភពលោក ហើយ​បំពេញបន្ថែម​សកម្មភាព​របស់​រដ្ឋាភិបាល និង​រដ្ឋសភា យើង​អាច​ចូលរួម​ចំណែក​យ៉ាង​សកម្ម​ដល់​ការ​ជំរុញ​សន្តិភាព សន្តិសុខ ស្ថិរភាព និង​ភាព​រុ​រឿង​ពិភពលោក ។

សម្តេច​ត​ជោ ហ៊ុន សែន ទំនងជា​បាន​ត្រៀម​រៀបចំ​យ៉ាង​ហ្មត់ចត់​ដល់​ការ​ធ្វើ​នយោបាយ​ការទូត​សភា​នេះ​ដោយសារ​តែ​សម្តេច​ផ្ទាល់ លោក ប្រាក់ សុ​ខុន អនុប្រធាន​ទី​មួយ និង​លោក អ៊ុ​ច បូរ​រិ​ទ្ធ អនុប្រធាន​ទី​ពីរ​នៃ​ព្រឹទ្ធសភា​សុទ្ធតែ​ជា​អ្ន​ការទូត​ជើង​ចាស់ ។

ព្រឹទ្ធសភា​អាណត្តិ​ទី​ប្រាំ​បាន​បើក​សម័យប្រជុំ​លើក​ដំបូង​របស់​ខ្លួន​ក្រោម​អធិបតីភាព​របស់​ព្រះមហាក្សត្រ សម្តេចព្រះ​បរមនាថ នរោត្តម សីហ​មុនី ។

ក្នុង​ព្រះរាជ​សារ​របស់​ព្រះ​អង្គ ព្រះមហាក្សត្រ​បាន​អំពាវនាវ​អោយ​ព្រឹទ្ធសភា​បំពេញការងារ​ប្រកប ដោយ​ទទួលខុសត្រូវ ដើម្បី​ជំរុញ​លទ្ធិប្រជាធិបតេយ្យ យុទ្ធ​ធម៌​សង្គម និង លើកកម្ពស់​គុណភាព​ជីវិត​របស់​ប្រជាជន​កម្ពុជា​គ្រប់​រូប ។

គួរ​បញ្ជាក់​ថា បន្ទាប់​ព្រះមហាក្សត្រ​បាន​បើក​សម័យប្រជុំ​ដំបូង​របស់​ព្រឹទ្ធសភា​អាណត្តិ​ទី​ប្រាំ សមាជិក​ព្រឹទ្ធសភា​ទាំង​៦២​រូប បាន​ដំណើរការ​បោះ​ឆ្នោត​ជ្រើសរើស សម្តេច​តេ​ជោ ជា​ប្រធាន​លោក ប្រាក់ សុ​ខុន ជា​អនុប្រធាន​ទី​មួយ និង​លោក អ៊ុ​ច បូ​រិ​ទ្ធ​ជា អនុប្រធាន​ទី​ពីរ​នៃ​ព្រឹទ្ធសភា​ដោយ​សំឡេង​៦២​សំឡេង​លើ​៦២​សំឡេង ។

ក្នុង​ចំណោម​សមាជិក​ព្រឹទ្ធ​ទាំង​៦២​រូប គឺ​មាន​៥៨​រូប បាន​មក​ពី​ការ​បោះ​ឆ្នោត អ​សាកល​ជ្រើស​សមាជិក​ព្រឹទ្ធសភា កាលពី​ថ្ងៃ​ទី​២៥ ខែកុម្ភៈ ចំណែក​ពីរ​រូប​ត្រូវ​បាន​ជ្រើសតាំង​ដោយ​រដ្ឋសភា និង​ពីរ​រូប​ទៀត​ត្រូវ​បាន​តែងតាំង​ដោយ​ព្រះមហាក្សត្រ ៕

អត្ថបទសរសេរ ដោយ

កែសម្រួលដោយ