សមាជិកព្រឹទ្ធសភាចំនួន៦២ រូបបានបោះឆ្នោតគាំទ្រអោយសម្តេចតេជោ ហ៊ុនសែន ក្លាយ ជាប្រធានព្រឹទ្ធសភាអាណត្តិទី៥ ។ ព្រះមហាក្សត្រសម្តេចព្រះបរមនាថ នរោត្តម សីហមុនី នឹងយាងមកចូលជាព្រះរាជធិបតីភាពនៃ…
សមាជិកព្រឹទ្ធសភាចំនួន៦២ រូបបានបោះឆ្នោតគាំទ្រអោយសម្តេចតេជោ ហ៊ុនសែន ក្លាយ ជាប្រធានព្រឹទ្ធសភាអាណត្តិទី៥ ។ ព្រះមហាក្សត្រសម្តេចព្រះបរមនាថ នរោត្តម សីហមុនី នឹងយាងមកចូលជាព្រះរាជធិបតីភាពនៃ ការបើកកិច្ចប្រជុំលើកដំបូងនៃព្រឹទ្ធសភា អាណត្តិទី៥ នាព្រឹកថ្ងៃទី៣ ខែមេសានេះ ។
សម័យប្រជុំលើកដំបូងនៃព្រឹទ្ធសភាអាណត្តិទី៥ ទាក់ទាញការចាប់អារម្មណ៍ទាំងថ្នាក់ជាតិ និងអន្តរជាតិ ដោយសារសម្តេច តេជោ ហ៊ុន សែន ត្រូវគេរំពឹងថា ព្រឹទ្ធសភាដែលមានសមាជិកចំនួន៦២នាក់នឹងបោះឆ្នោតគាំទ្រសម្តេចអោយធ្វើជាប្រធានព្រឹទ្ធសភា ហើយលោក ប្រាក់ សុខុននឹងធ្វើជាអនុប្រធានទីមួយ ហើយលោក អ៊ុច បូររិទ្ធនឹងក្លាយជាអនុប្រធានទីពីរ ។
គួរបញ្ជាក់ផងដែរថា កម្ពុជាបានបោះឆ្នោតជ្រើសរើសសមាជិកព្រឹទ្ធសភាចំនួន៥៨នាក់ កាលពីថ្ងៃទី២៥ ខែកុម្ភៈ ដោយក្នុងនោះគណបក្សប្រជាជនកម្ពុជាបានទទួល៥៥អាសនៈ ហើយគណបក្សឆន្ទៈខ្មែរបានទទួល៣អាសនៈ ។ ចំណែកសមាជិកព្រឹទ្ធសភា២រូបទៀតបានត្រូវតែងតាំងដោយព្រះមហាក្សត្រ និង២រូបទៀតបានត្រូវបោះឆ្នោតជ្រើសរើសដោយរដ្ឋសភា ។
នៅពេលរសៀល សមាជិកព្រឹទ្ធសភាទាំងអស់នឹងធ្វើដំណើរទៅកាន់ព្រះបរមរាជវាំង ដើម្បីធ្វើ សច្ចាប្រណិធានក្រោមព្រះរាជធិបតីភាពរបស់ព្រះមហាក្សត្រសម្តេចព្រះបរមនាថ នរោត្តម សីហមុនី៕
ចែករំលែកព័តមាននេះ