ខេត្តបន្ទាយមានជ័យ ៖ នៅថ្ងៃទី២៩ មីនា ២០២៤ ចន្លោះម៉ោង២០-២១ មានករណីប្រើប្រាស់អាវុធកែច្នៃបាញ់សម្លាប់ជនរងគ្រោះយកប្រាក់ ស្ថិតនៅចំណុចភូមិទួលប្រាសាទ ឃុំទួលពង្រ ស្រុកម៉ាឡៃ…
ខេត្តបន្ទាយមានជ័យ ៖ នៅថ្ងៃទី២៩ មីនា ២០២៤ ចន្លោះម៉ោង២០-២១ មានករណីប្រើប្រាស់អាវុធ
កែច្នៃបាញ់សម្លាប់ជនរងគ្រោះយកប្រាក់ ស្ថិតនៅចំណុចភូមិទួលប្រាសាទ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ។
ក្រោយពីទទួលបានព័ត៌មាន កម្លាំងជំនាញបានទៅដល់កន្លែងកើតហេតុធ្វើការពិនិត្យស្រាវជ្រាវ និងបានបំភ្លឺពីឈ្មោះរុន ចាន់ធីម ភេទស្រី អាយុ៤៤ឆ្នាំ រស់នៅភូមិ-ឃុំកើតហេតុខាងលើ ត្រូវជាប្រពន្ធជនរងគ្រោះថាមានជនសង្ស័យម្នាក់មិនស្គាល់ឈ្មោះបានដើរលបមកសំងំចាំមុខទ្វារផ្ទះ (ទ្វារក្រោយ) ហើយបាញ់សម្លាប់ប្ដីរបស់ខ្លួនឈ្មោះឌី សៀងហៃ អាយុ៣៨ឆ្នាំ ខណៈប្ដីរបស់ខ្លួនបានទៅអើតមើលទ្វារក្រោយ ។
បន្ទាប់មក ជននោះក៏បានស្ទុះឡើងមកក្នុងផ្ទះតាមទ្វារក្រោយដដែល ដោយកាន់ជាប់ដៃមកនូវអាវុធកែច្នៃដងឈើដោយមានស្ពាយសម្ភារជាប់ខ្លួនរយីងរយោងដូចជាពិលកែវឆ្លុះ នឹងប៊ីដុងទឹកជាដើម ។ ដោយខ្លួនចាំច្បាស់ថា ជននោះបានពាក់ទ្រនាប់ជើងប៉ាត់តាចងខ្សែពណ៌កាហ្វេ ហើយបានសម្លុតខ្លួនយកកាបូបប្រាក់ ដោយក្នុងកាបូបនោះមានប្រាក់ខ្មែរចំនួន៣០ម៉ឺនរៀលគត់ ។ ហើយជននោះបានលោតចេញតាមទ្វារក្រោយគេចខ្លួនបាត់ទៅ។
បន្ទាប់ពីបានបំភ្លឺប្រពន្ធជនរងគ្រោះចប់ យើងបានបន្តធ្វើការស្រាវជ្រាវរហូតដល់ថ្ងៃទី៣១ មីនា ២០២៤ ដោយមានការចង្អុលបង្ហាញពីឈ្មោះរុន ចាន់ធីម ភេទស្រី អាយុ៤៤ឆ្នាំ ត្រូវជាប្រពន្ធជនរងគ្រោះ នឹងមានការចង្អុលបង្ហាញពីសាក្សីប្រជាពលរដ្ឋ, ប្រជាការពារ និងលោកមេភូមិ និងមានរបាយការណ៍របស់លោកមេភូមិភ្ជាប់មកជាមួយស្រាប់ យើងបាននាំខ្លួនឈ្មោះខន មិត្ត ភេទប្រុស អាយុ៤១ឆ្នាំ មកធ្វើការសាកសួរនិងបន្តស្រាវជ្រាវឆែកឆេររកឃើញបំណែកអាវុធកែច្នៃមាន (កាណុងដែកនិងបំណែកដងឈើនៃអាវុធកែច្នៃ) និងរកឃើញទ្រនាប់ជើងដែលមានភិនភាគតាមការបំភ្លឺរបស់ប្រពន្ធជនរងគ្រោះដែលឈ្មោះខន មិត្ត កំពុងពាក់ជាប់នៅជើង ។
បន្ទាប់មក យើងបានធ្វើការឃាត់ខ្លួនឈ្មោះខន.មិត្ត ភេទប្រុស អាយុ៤១ឆ្នាំ រស់នៅភូមិម៉ក់ហឺន ឃុំទួលពង្រ ស្រុកម៉ាឡៃ ខេត្តបន្ទាយមានជ័យ កាលពីវេលាម៉ោង១០ និង៤៣នាទីនាថ្ងៃទី០១ មេសា ២០២៤តាមបញ្ជារបស់លោកកើត វណ្ណារ៉េត ព្រះរាជអាជ្ញាអមសាលាដំបូងខេត្តបន្ទាយមានជ័យ ។ បច្ចុប្បន្ន ជនសង្ស័យខាងលើជំនាញយើងកំពុងកសាងនិតិវិធីបញ្ជូនទៅអយ្យការបន្ត។
ចែករំលែកព័តមាននេះ