ខេត្តបន្ទាយមានជ័យ ៖ អគ្គិភ័យបានឆាបឆេះព្រៃចម្ការស្វាយក្បែរផ្ទះប្រជាពលរដ្ឋ នាំគ្នាភ័យកាច់មេឃឈើមកពន្លត់ជិត១ម៉ោងទើបរលត់វិញ ដែលហេតុការណ៍កើតឡើងកាលពីថ្ងៃទី២៨ ខែមីនា ឆ្នាំ២០២៤ស្ថិតភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ។…
ខេត្តបន្ទាយមានជ័យ ៖ អគ្គិភ័យបានឆាបឆេះព្រៃចម្ការស្វាយក្បែរផ្ទះប្រជាពលរដ្ឋ នាំគ្នាភ័យកាច់មេឃឈើមកពន្លត់ជិត១ម៉ោងទើបរលត់វិញ ដែលហេតុការណ៍កើតឡើងកាលពីថ្ងៃទី២៨ ខែមីនា ឆ្នាំ២០២៤ស្ថិតភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ។
បើតាមប្រជាពលរដ្ឋបានប្រាប់ថា នៅពេលអគ្គិភ័យឆាបឆេះព្រៃចម្ការស្វាយបែបនេះ ប្រជាពលរដ្ឋដែលមានផ្ទះនៅក្បែរនាំគ្នាភ័យស្លន់ស្លរទើបនាំគ្នាកាច់មេឃឈើ និងយកបាវច្រលក់ទឹកវ៉ៃ និងខ្លះទៀតយកធុងដងទឹកជះរយៈពេលជិត១ម៉ោងទើបរលត់ ។
ប្រជាពលរដ្ឋបានបញ្ជាក់ថា ដំបូងអគ្គិភ័យឆាបឆេះព្រៃចម្កាស្វាយនេះនៅឆ្ងាយ លុះក្រោយមក ស្រាប់តែរាលដាលឆាបឆេះកាន់ជិតដល់ផ្ទះពលរដ្ឋ ទើបនាំគ្នាចាស់ក្មេងបានជួយគ្នាពន្លត់ដែលឆេះព្រៃចម្ការស្វាយអស់ប្រមាណជាង១ហិកតា ដែលជាប់របងផ្ទៈប្រជាពលរដ្ឋជាច្រើនខ្នងផ្ទះ និងច្រើនគ្រួសារដែរ ។
ប្រជាពលរដ្ឋបញ្ជាក់ថា អគ្គិភ័យឆាបឆេះព្រៃចម្ការស្វាយនេះ មិនទាន់បានដឹងពីមូលហេតុនៅឡើយទេ អាចបណ្តាលមកពីអ្នកយកឃ្មុំ ឬដុតសំរាម ទើបបណ្តាលរាលដាលឆាបឆេះព្រៃចម្ការស្វាយរាលដាលឆេះក្បែរផ្ទះប្រជាពលរដ្ឋបែបនេះ ។
ចែករំលែកព័តមាននេះ