ខេត្តក្រចេះ ៖ រថយន្តយីឌុបមួយគ្រឿងដែលតែងតែដឹកជញ្ជូនធ្យូងពេញប្រៀបតែម្តងចេញពីតំបន់ទឹកដីឃុំស្វាយជ្រះ បំណងឆ្ពោះទៅប្រទេសវៀតណាម តាមច្រករបៀងជ័យឃ្លាំង ស្ថិតក្នុងឃុំគ្រញូងសែនជ័យស្រុកស្នួល ខេត្តក្រចេះ តែទៅមុខលែងរួចដោយសារតែរថយន្តនោះឡោកម៉ាស៊ីន។ រថយន្តដឹកធ្យូងហើយឡោកម៉ាស៊ីនទៅមុខលែងរួចនេះ គឺត្រូវបានក្រុមអ្នកកាសែតប្រទះឃើញកាលពីវេលាម៉ោង៨ព្រឹកថ្ងៃទី២៨…
ខេត្តក្រចេះ ៖ រថយន្តយីឌុបមួយគ្រឿងដែលតែងតែដឹកជញ្ជូនធ្យូងពេញប្រៀបតែម្តងចេញពីតំបន់ទឹកដីឃុំស្វាយជ្រះ បំណងឆ្ពោះទៅប្រទេសវៀតណាម តាមច្រករបៀងជ័យឃ្លាំង ស្ថិតក្នុងឃុំគ្រញូងសែនជ័យស្រុកស្នួល ខេត្តក្រចេះ តែទៅមុខលែងរួចដោយសារតែរថយន្តនោះឡោកម៉ាស៊ីន។
រថយន្តដឹកធ្យូងហើយឡោកម៉ាស៊ីនទៅមុខលែងរួចនេះ គឺត្រូវបានក្រុមអ្នកកាសែតប្រទះឃើញកាលពីវេលាម៉ោង៨ព្រឹកថ្ងៃទី២៨ មីនា ឆ្នាំ២០២៤ ស្ថិតត្រង់ចំណុចក្បែររោងជាងជួសជុលរថយន្ត ក្នុងផ្សារកាបីឃុំគ្រញូងសែនជ័យ ស្រុកស្នួល ខេត្តក្រចេះ ។
តាមប្រភពបានបង្ហើបថា រថយន្តយីឌុបនោះតែងដឹកជញ្ជូនធ្យូងញឹកញាប់ ដែលតែងប្រមូលទិញពីតំបន់ឡដុតធ្យូងនៅក្នងទឹកដីឃុំស្វាយជ្រះ ស្រុកស្នួល ខេត្តក្រចេះ ទៅលក់នៅប្រទេសវៀតណាម ហើយមានម្ចាស់ជាប្រពន្ធលោកនាង ចំរើន នាយទាហានប្រចាំច្រករបៀងអូរលាវ(D1) ស្ថិតក្នុងឃុំស្រែចារ ស្រុកស្នួល ខេត្តក្រចេះ ។ ប៉ុន្តជួបសំណាងអាក្រក់ក៏ឡោកម៉ាស៊ីនទៅហើយ ពេលនេះកំពុងតែឲ្យជាងធ្វើកាជួសជុល ឯធ្យូងមានរាប់សិបតោនផ្ទុកនៅលើរថយន្តនោះនៅឡើយ ។
ក្នុងហេតុការណ៍រថយន្តឡោកម៉ាស៊ីនដែលមានផ្ទុកធ្យូងរាប់សឹបតោន ក៏មានអ្នកបានរាយការណ៍ដល់សមត្ថកិច្ចជំនាញឲ្យចុះទៅពិនិត្យដែរ តែគេឆ្លើយថា ទីតាំងនៅក្នុងផ្ទះរបស់គេ គឺពិបាកធ្វើការណាស់ ។ រីឯលោកចំរើនបានប្រាប់ក្រុមអ្នកកាសែតតាមទូរស័ព្ទថា រថយន្តនោះជារបស់ប្រពន្ធ គាត់ជាអ្នករកស៊ីមិនពាក់ព័ន្ធជាមួយគាត់ទេ ហើយប្រពន្ធគាត់កំពុងដោះស្រាយហើយ ។
រហូតមកដល់បច្ចុប្បន្ន រថយន្តនោះកំពុងស្ថិតក្នុងការជួសជុលនៅឡើយ ដោយមិនឃើញមានសមត្ថកិច្ចណាហ៊ានមកក្បែរ ដើម្បីត្រួតពិនិត្យនោះទេ ។
មានព័ត៌មានបន្ថែម កោះសន្តិភាពផ្សាយជូនបន្ត ។
ចែករំលែកព័តមាននេះ