អភិបាលខេត្តសៀមរាប នាំយកសារលិខិតរំលែកទុក្ខ និងថវិការបស់សម្ដេចធិបតី ហ៊ុន ម៉ាណែត ប្រគល់ជូនគ្រួសារលោកអនុសេនីយ៍ឯក យឹម វៃ
- សៀមរាប
ខេត្តសៀមរាប ៖ នាថ្ងៃទី៨ ខែមករា ឆ្នាំ ២០២៦ ឯកឧត្តម ប្រាក់ សោភ័ណ អភិបាល…
ខេត្តសៀមរាប ៖ នាថ្ងៃទី៨ ខែមករា ឆ្នាំ ២០២៦ ឯកឧត្តម ប្រាក់ សោភ័ណ អភិបាល នៃគណៈអភិបាលខេត្ត បានចូលរួមគោរពវិញ្ញាណក្ខន្ធ និងបាននាំយកសារលិខិតរំលែកមរណទុក្ខ ព្រមទាំងថវិកាចំនួន ៨០ លានរៀល ដែលជាអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ដេីម្បីប្រគល់ជូនដល់គ្រួសារ លោកអនុសេនីយ៍ឯក យឹម វៃ ជាយោធិន នៃកងពលធំអន្តរាគមន៍លេខ៣ យោធភូមិភាគទី៤ ដែលបានពលីលេីសមរភូមិក្នុងការការពារ និងវាយបកប្រឆាំងខ្មាំងសត្រូវឈ្លានពានទឹកដីរបស់កម្ពុជាយេីង នៅតំបន់បង្គោល៨ កាលពីថ្ងៃទី២៥ ខែធ្នូ ឆ្នាំ២០២៥ ក្នុងជន្មាយុ ៤១ឆ្នាំ។
ឯកឧត្តម អភិបាលខេត្តសូមគោរពថ្លែងអំណរគុណយ៉ាងជ្រាលជ្រៅបំផុតចំពោះ សម្តេចមហាបវរធិបតី នាយករដ្ឋមន្ត្រី និងលោកជំទាវបណ្ឌិត ដែលបានជួយគិតគូរ និងចូលរួមរំលែកទុក្ខដ៏សែនក្រៀមក្រំ និងសោកសង្រែកជាមួយនឹងក្រុមគ្រួសារ លោកអនុសេនីយ៍ឯក យឹម វៃ ។
ក្នុងវេលាប្រកបដោយសេចក្តីទុក្ខដ៏ក្រៀមក្រំនេះ យេីងខ្ញុំសូមចូលរួមរំលែកនូវមរណទុក្ខជាមួយក្រុមគ្រួសាររបស់វីរៈយុទ្ធជនដ៏អង់អាចក្លាហាន ដោយសេចក្តីសោកស្តាយ អាឡោះ អាល័យបំផុត និងសូមឧទ្ទិសបួងសួងដល់ដួងវិញ្ញាណក្ខន្ធរបស់ លោកអនុសេនីយ៍ឯក យឹម វៃ បានសោយសុខក្នុងសុគតិភព កុំបីឃ្លៀង ឃ្លាតឡើយ ៕
ចែករំលែកព័តមាននេះ