ខេត្ត​បន្ទាយមានជ័យ ៖ រយៈពេល៧ថ្ងៃ ភាគីថៃចាប់បញ្ជូនពលករខ្មែរធ្វើការខុសច្បាប់នៅប្រទេសថៃមានចំនួន២៤៣នាក់ រហូតដល់ថ្ងៃទី២៦ ខែមីនា ឆ្នាំ២០២៤ នៅច្រកទ្វារអន្តរជាតិប៉ោយប៉ែតខេត្តបន្ទាយមានជ័យ ។

លោក វ៉ាន់ ដារ៉ាន់ ប្រធានស្នាក់ការត្រួតពិនិត្យច្រកទ្វារអន្តរជាតិប៉ោយប៉ែតបានឱ្យ​ដឹង​ថា នៅអំឡុងរយៈពេល៧ថ្ងៃ ភាគីថៃបានចាប់បញ្ជូនពលករខ្មែរដែលធ្វើការងារខុសច្បាប់នៅប្រទេសថៃមានចំនួន២៤៣នាក់ (ស្រី៥០នាក់) និងក្មេងចំនួន៨នាក់ដែលអាជ្ញាធរកម្ពុជាទទួលនៅច្រកទ្វារអន្តរជាតិប៉ោយប៉ែត ក្នុងឱកាសមុនបុណ្យចូលឆ្នាំថ្មីប្រពៃណីខ្មែរខាងមុខ ។

លោកបានបញ្ជាក់ថា ក្រោយពេលអាជ្ញាធរកម្ពុជាទទួលពលករខ្មែរដែលភាគីថៃចាប់បញ្ជូនតាមច្រកទ្វារអន្តរជាតិប៉ោយប៉ែតចំនួន២៤៣នាក់ ​​។

ថ្ងៃទី២០ ខែមីនា ឆ្នាំ២០២៤ ​ទទួលចំនួន៥នាក់ ស្រី២នាក់

ថ្ងៃទី២១ ខែមីនា ឆ្នាំ២០២៤ ទទួលចំនួន៣២នាក់ ស្រី១៧នាក់ ក្មេង១​នាក់

ថ្ងៃទី២២ ខែមីនា ឆ្នាំ២០២៤ ទទួលបានចំនួន៧៥នាក់ ស្រី២៦នាក់ ក្មេង២នាក់

ថ្ងៃទី២៣ ខែមីនា ឆ្នាំ២០២៤ ទទួលបានចំនួន២៥នាក់ ស្រី៧នាក់ ក្មេង២នាក់

ថ្ងៃទី២៤ ខែមីនា ឆ្នាំ២០២៤ ទទួលបានចំនួន៤២នាក់ ស្រី១១នាក់ ក្មេង១នាក់

ថ្ងៃទី២៥ ខែមីនា ឆ្នាំ២០២៤ ទទួលបានចំនួន៣៩នាក់

ថ្ងៃទី២៦ ខែមីនា ឆ្នាំ២០២៤ ទទួលបានចំនួន២៥នាក់ ស្រី៧នាក់ ក្មេង២នាក់ ។

លោក វ៉ាន់ ដារ៉ាន់ បានបញ្ជាក់ថា ក្រោយទទួលពលករខ្មែរដែលភាគីថៃចាប់បញ្ជូនបានប្រាប់ថាពួកគាត់ទៅធ្វើការងារដោយខុសច្បាប់នៅប្រទេសថៃទៅតាមរយៈមេខ្យល់ខ្មែរជូនដល់ព្រំដែនហើយមេខ្យល់ថៃបញ្ជូនបន្តទៅរកការងារធ្វើក្នុងម្នាក់ត្រូវមេខ្យល់យកតម្លៃ៦,០០០បាតភាគច្រើនទៅធ្វើការ​ងារសំណង់ប្រទេសថៃហើយត្រូវបានអាជ្ញាធរមានសមត្ថកិច្ចថៃចាប់បញ្ជូនតាមច្រកទ្វារអន្តរជាតិប៉ោយប៉ែត ៕