រាជធានីភ្នំពេញ ៖ កម្លាំងប៉ុស្តិ៍នគរបាលរដ្ឋបាលគោកឃ្លាង នៃអធិការដ្ឋាននគរបាលខណ្ឌសែនសុខ បានឃាត់ខ្លួនជនសង្ស័យ០២នាក់ បន្ទាប់ពីធ្វើសកម្មភាពឆក់ទូរសព្ទដៃជនរងគ្រោះ ១គ្រឿងម៉ាក iPhone12promax ។ យោងតាមរបាយការណ៍…
រាជធានីភ្នំពេញ ៖ កម្លាំងប៉ុស្តិ៍នគរបាលរដ្ឋបាលគោកឃ្លាង នៃអធិការដ្ឋាននគរបាលខណ្ឌសែនសុខ បានឃាត់ខ្លួនជនសង្ស័យ០២នាក់ បន្ទាប់ពីធ្វើសកម្មភាពឆក់ទូរសព្ទដៃជនរងគ្រោះ ១គ្រឿងម៉ាក iPhone12promax ។
យោងតាមរបាយការណ៍ បានឱ្យដឹងថា សមត្ថកិច្ចជំនាញ នៃអធិការដ្ឋាននគរបាលខណ្ឌសែនសុខ និងប៉ុស្តិ៍នគរបាលរដ្ឋបាលគោកឃ្លាង បានធ្វើការបង្ក្រាបជាក់ស្តែង ពាក់ព័ន្ធនឹងករណីលួចមានស្ថានទម្ងន់ទោស (ឆក់ទូរសព្ទដៃ០១គ្រឿង) នៅចំណុចផ្លូវបេតុង ភូមិដីថ្មី សង្កាត់គោកឃ្លាង ខណ្ឌសែនសុខ រាជធានីភ្នំពេញ កាលពីវេលាម៉ោងប្រហែល១៧និង០០នាទីថ្ងៃទី២០ ខែមីនា ឆ្នាំ២០២៤ ។
ជនសង្ស័យទាំង២នាក់ រួមមាន ៖
១-ឈ្មោះ អុប សុផាណេត ហៅណេត ភេទប្រុស អាយុ១៨ឆ្នាំ ជនជាតិខ្មែរ មុខរបរ នៅផ្ទះ ស្នាក់នៅផ្ទះគ្មានលេខ ផ្លូវបេតុង ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ (គ្មានសារធាតុញៀន) ។
២-ឈ្មោះ ថាវ៉ារិន សារ៉ាយុទ្ធ ហៅយុទ្ធ ភេទប្រុស អាយុ១៨ឆ្នាំ ជនជាតិខ្មែរ មុខរបរសិស្ស ស្នាក់នៅផ្ទះគ្មានលេខ ផ្លូវបេតុង ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ (គ្មានសារធាតុញៀន) ។
សម្ភារៈ ដែលដកហូតបាន រួមមាន ៖
១-ម៉ូតូម៉ាកសេ១២៥ ពណ៌ខ្មៅ សេរី២០២៣ ពាក់ស្លាកលេខ ភ្នំពេញ 1KB-2474 (មធ្យោបាយរបស់ជនសង្ស័យ)
២-ទូរសព្ទដៃម៉ាក អាយហ្វ៊ូន ១២ប្រូមេក ពណ៌ប្រផេះ (របស់ជនរងគ្រោះ) ។
បច្ចុប្បន្ន ជនសង្ស័យខាងលើ កំពុងឃាត់ខ្លួនជាបណ្ដោះអាសន្ន ដើម្បីសមត្ថកិច្ចកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី ៕
ចែករំលែកព័តមាននេះ