ដើរហាត់ប្រាណហត់ពេក ទៅរកទិញទឹកផឹក រអិ.លជើងដួ.លបោ.កក្បា.លមុខផ្ទះយ៉ាងរន្ធ.ត់
- ភ្នំពេញ
រាជធានីភ្នំពេញ ៖ បុរសម្នាក់មានជំងឺប្រចាំកាយធ្វើការមិនកើតខំប្រឹងដើរហាត់ប្រាណ ស្រាប់តែរអិល
រាជធានីភ្នំពេញ ៖ បុរសម្នាក់មានជំងឺប្រចាំកាយធ្វើការមិនកើតខំប្រឹងដើរហាត់ប្រាណ ស្រាប់តែរអិល
រាជធានីភ្នំពេញ ៖ បុរសម្នាក់មានជំងឺប្រចាំកាយធ្វើការមិនកើតខំប្រឹងដើរហាត់ប្រាណ ហត់ពេកក៏ទៅរកទិញទឹកផឹក ស្រាប់តែរអិលជើងដួលបោកក្បាលនឹងខឿនមុខផ្ទះប្រជាពលរដ្ឋ បណ្ដាលឱ្យស្លាប់ភ្លាមៗនៅនឹងកន្លែងកើតហេតុ ។
ហេតុការណ៍ខាងលើនេះបង្កឱ្យមានការភ្ញាក់ផ្អើលកើតឡើងកាលពីវេលាម៉ោង៥និង២០ល្ងាច ថ្ងៃទី១៨ ខែ មីនា ឆ្នាំ២០២៤ ស្ថិតនៅតាមបណ្ដោយផ្លូវ២០១១ ទល់មុខនិងការ៉ាសាំងភីធីធី ភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។
រងគ្រោះឈ្មោះ សេង យ៉ានី ភេទប្រុស អាយុ៥៥ឆ្នាំ មុខរបរនៅផ្ទះ មានជំងឺប្រចាំកាយ គឺជំងឺលើសឈាម ស្នាក់នៅភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ មានប្រពន្ធឈ្មោះ តៅ ស៊ីថា អាយុ៤៥ឆ្នាំ មុខរបរបោកអ៊ុត មានស្រុកក្នុងភូមិលេខ២ ឃុំត្រោយស្លា ស្រុកស្អាង ខេត្តកណ្ដាល ។
តាមប្រភពពីប្រពន្ធរបស់ជនរងគ្រោះបានឱ្យដឹងថា ប្ដីរបស់គាត់មានជំងឺប្រចាំកាយ គឺជំងឺលើសឈាម តែងតែលេបថ្នាំជាប្រចាំថ្ងៃ ធ្វើការងារអ្វីក៏មិនកើតដែរ លុះនៅវេលាម៉ោងកើតខាងលើ ជនរងគ្រោះបានចេញដើរហាត់ប្រាណ ដោយហត់ពេកក៏ទៅរកទិញទឹកហូប ស្រាប់តែពេលនោះបានរអិលជើងដួល បណ្ដាលឱ្យបោកក្បាលនិងខឿនមុខផ្ទះប្រជាពលរដ្ឋនៅជិតផ្ទះជួល បង្កការភ្ញាក់ផ្អើលដល់ជិតខាងឃើញស្ទុះស្ទាស្រែកផ្អើលដល់សាច់ញាតិរត់មកព្រោងព្រាត និងទាក់ទងហៅរថយន្តសង្គ្រោះបន្ទាន់មកដល់ធ្ វើការពិនិត្យទៅលើជនរងគ្រោះ រួចខាងគ្រូពេទ្យបានប្រាប់ថា ជនរងគ្រោះបានស្លា.ប់បាត់ទៅហើយ ។ បន្ទាប់មកខាងរថយន្តសង្គ្រោះក៏ត្រឡប់ទៅគោលដៅវិញ លុះក្រោយមកទើបសាច់ញាតិរបស់ជនរងគ្រោះបានរាយការណ៍ទាក់ទងទៅសមត្ថកិច្ចមូលដ្ឋានចុះមកធ្វើកំណត់ហេតុនឹងរាយការណ៍ទៅផ្នែកជំនាញចក្ខុបន្តភ្លាមៗផងដែរ ។
បច្ចុប្បន្ន សពជនរងគ្រោះ បន្ទាប់ពីសមត្ថកិច្ចផ្នែកជំនាញចក្ខុធ្វើកោសល្យវិច័យរួចរាល់ បានបញ្ជាក់ថា ជនរងគ្រោះស្លាប់ដោយសារដាច់សរសៃឈាម និងគាំងបេះដូង រួចធ្វើលិខិតប្រគល់ស.ពឱ្យសាច់ញាតិក្រុមគ្រួសារដឹកយកទៅធ្វើបុណ្យតាមប្រពៃណីនៅឯស្រុកកំណើត ៕
ចែករំលែកព័តមាននេះ