មេតុងទីនហាយសូលក់ផលិតផលតាមអនឡាញម្នាក់ ពាក់ព័ន្ធករណីឆបោ.កប្រាក់ ត្រូវតុលាការសម្រេចហើយ
- ភ្នំពេញ
រាជធានីភ្នំពេញ ៖ កាលពីព្រឹកថ្ងៃទី២៩ ខែមេសា ឆ្នាំ២០២៤ សាលាដំបូងរាជធានីភ្នំពេញ បានប្រកាស
រាជធានីភ្នំពេញ ៖ កាលពីព្រឹកថ្ងៃទី២៩ ខែមេសា ឆ្នាំ២០២៤ សាលាដំបូងរាជធានីភ្នំពេញ បានប្រកាស
រាជធានីភ្នំពេញ ៖ កាលពីព្រឹកថ្ងៃទី២៩ ខែមេសា ឆ្នាំ២០២៤ សាលាដំបូងរាជធានីភ្នំពេញ បានប្រកាសសាលក្រមផ្តន្ទាទោស ស្ត្រីអ្នកជំនួញហាយសូ លក់ផលិតផលតាមអនឡាញម្នាក់ ដាក់ពន្ធនាគារកំណត់១ឆ្នាំ៦ខែ នឹងតម្រូវឱ្យសងប្រាក់ទៅដើមបណ្តឹងរដ្ឋប្បវេណី តាមសំណុំរឿងនិមួយៗ ដែលជនជាប់ចោទបានប្រព្រឹត្តកន្លងមក ។
សាលក្រមប្រកាសជាសាធារណៈ ដោយលោក គី ម៉ានេរ៉ា អនុប្រធានសាលាដំបូងរាជធានីភ្នំពេញ ជាចៅក្រជំនុំជម្រះ និងចំពោះមុខជនជាប់ចោទ និងមេធាវីការពារសិទ្ធិឱ្យចុងចម្លើយ និងមេធាវីការពារក្តីឱ្យដើមបណ្តឹងរដ្ឋប្បវេណី ។ សាលក្រមបានទុកសិទ្ធិប្តឹងឧទ្ធរណ៍តាមកំណត់ច្បាប់ បើសិនភាគីណាមួយមិនសុខចិត្តចំពោះការកាត់ក្តីនេះ ។
ជនជាប់ចោទឈ្មោះ ឡុ ង រ៉ានី ភេទស្រី អាយុ៣៦ឆ្នាំ មានមុខរបរមុនចាប់ខ្លួន ជាមេតុងទីនហាយសូ និងលក់ផលិតផលតាមអនឡាញ ស្នាក់នៅផ្ទះលេខ៤០ ស ផ្លូវលេខ៣៥០ សង្កាត់បឹងកេងកង៣ ខណ្ឌបឹងកេងកង រាជធានីភ្នំពេញ ។ កន្លងជនជាប់ ចោទបានរងនូវបណ្តឹងជាច្រើនករណីពាក់ព័ន្ធសំណុំរឿងឆបោក និងមិនបំពេញកាតព្វកិច្ច ចំពោះឧបករណ៍អាចជួញដូរបាន ពោលគឺប្រើប្រាស់មូលប្បទានប័ត្រ គ្មានសាច់ប្រាក់ (សែកស្អុយ) ។
ពាក់ព័ន្ធបទល្មើសតាមការចោទប្រកាន់នោះ លោក កី ម៉ានេរ៉ា ចៅក្រមស៊ើបសួរ សាលាដំបូងរាជធានីភ្នំពេញ កាលពីរសៀលថ្ងៃទី២២ ខែមករា ឆ្នាំ២០២៣ បានសម្រេចចេញដីកាឃុំខ្លួន មេតុងទីនហាយសូម្នាក់នេះ ដាក់ពន្ធនាគារព្រៃស ជាបណ្តោះអាសន្ន បន្ទាប់ពីលោកសឿ ឡង ឌី ព្រះរាជអាជ្ញារង តំណាងអយ្យការ អមសាលាដំបូងរាជធានីភ្នំពេញ បានធ្វើការចោទប្រកាន់ជនសង្ស័យជាផ្លូវការពីបទឆបោក និងមិនបំពេញកាតព្វកិច្ច ចំពោះឧបករណ៍អាចជួញដូរ បានចេញមូលប្បទានប័ត្រសែកស្អុយ ដែលមានទំហំទឹកប្រាក់ប្រមាណរាប់សិបម៉ឺនដុល្លារអាមេរិកឯណោះ ។ ជនសង្ស័យត្រូវបានកម្លាំងសមត្ថកិច្ចនគរបាល នាយកដ្ឋានព្រហ្មទណ្ឌក្រសួងមហាផ្ទៃ ធ្វើការឃាត់ខ្លួនកាលពីថ្ងៃទី២១ ខែមករា ឆ្នាំ២០២៣ និងបញ្ជូនទៅសាលាដំបូងរាជធានីភ្នំពេញ ដោយចៅក្រមស៊ើបសួរសម្រេចឃុំខ្លួនក្នុងពន្ធនាគារចាប់ពីពេលនោះរហូតមក ។
តាមពាក្យបណ្តឹងរបស់ជនរងគ្រោះបានបញ្ជាក់ថា សុំប្តឹងឈ្មោះ ឡុ ង រ៉ានី និងប្ដី ជាមេតុងទីនបានលេងជាមួយគ្នាមានក្បាលតុងទីន ផ្តាច់ខ្សែ១០០ (៧)៦០០ (៦)៥០០ (៦) (ដូចមាន ក្នុងឧបសម្ព័ន្ធ ភ្ជាប់) ហើយដើមបណ្តឹងជាកូនតុងទីន បានបង់ប្រាក់គ្រប់ចំនួនសរុប៣២៧.១៦០ដុល្លារអាមេរិកដល់ពេលត្រូវដេញតុងទីនកើបយកប្រាក់នោះមកវិញ ស្រាប់តែមេតុងទីនឈ្មោះ ឡុ ង រ៉ានី និងប្ដីបានចេញមូលប្បទានប័ត្រមួយសន្លឹក ចុះថ្ងៃទី២ ខែមករា ឆ្នាំ២០២៣ របស់ធនាគារវឌ្ឍនៈអាស៊ី ចំកាត់ ដែលមានទឹកប្រាក់ចំនួន២២៩.៦៦០ដុល្លារអាមេរិក ឱ្យជំនួស និងសន្យាប្រគល់ប្រាក់សុទ្ធខាងក្រៅឱ្យគ្រប់ចំនួនបន្ថែមទៀត ។ ប៉ុន្តែដល់ថ្ងៃកំណត់ ត្រូវបើកប្រាក់នោះ ស្រាប់តែខាងធនាគារឆ្លើយ តបថា មូលប្បទានប័ត្រនេះ ពុំមានសាច់ប្រាក់ទេ ហើយមេតុងទីនបានប្លុកមូលប្បទានប័ត្រនេះ ដោយគ្មានហេតុផលអ្វីទាំងអស់ទៀតផង ។
តាមប្រភពព័ត៌មានឱ្យដឹងទៀតថា នៅមានកូនតុងទីនជាច្រើននាក់ទៀត ដែលរងគ្រោះដោយសារមេតុងទីនពីរនាក់ប្ដីប្រពន្ធរូបនេះ វេចលុយរត់ សរុបជាទឹកប្រាក់ប្រមាណជិត២លានដុល្លារអាមេរិកឯណោះ ហើយកូនតុងទីនដែលរងគ្រោះទាំងអស់នោះ បាននិងកំពុងរៀបចំឯកសារពាក់ព័ន្ធ ដើម្បី ពឹងពាក់មេធាវីការពារផ្លូវច្បាប់ប្តឹងឈ្មោះឡុង រ៉ានី និងប្ដីបន្តបន្ទាប់ ។
ពាក្យបណ្តឹងជាជនរងគ្រោះក៏បានស្នើសុំឱ្យស្ថាប័នអយ្យការអមសាលាដំបូងរាជធានីភ្នំពេញ មេត្តា ចាត់ការលើមេតុងទីនពីរនាក់ប្ដីប្រពន្ធទៅតាមផ្លូវច្បាប់ ។ ដូច្នេះពេលនេះច្បាប់បានសម្រេចហើយ តាមរយៈសាលក្រមគឺផ្តន្ទាទោសមេតុង ទីនហាយសូលក់ផលិតផលតាមអនឡាញម្នាក់នេះ ដាក់ពន្ធនាគារកំណត់រយៈ១ឆ្នាំកន្លះ និងតម្រូវឱ្យសងប្រាក់ទៅដើមបណ្តឹងរដ្ឋប្បវេណី តាមសំណុំរឿងនិមួយៗ ដែលជនជាប់ចោទប្រព្រឹត្ត ៕
ចែករំលែកព័តមាននេះ