(ចិន)៖ អ្នកពន្លត់អគ្គីភ័យជាង ១០០០ នាក់ និងឧទ្ធម្ភាគចក្រពន្លត់អគ្គីភ័យចំនួន ៧គ្រឿងត្រូវបានដាក់ពង្រាយដើម្បីពន្លត់ភ្លើងឆេះព្រៃដែលកំពុងឆេះយ៉ាងសន្ធោសន្ធៅនៅក្នុងខេត្ត Sichuan ភាគនិរតីប្រទេសចិន។

យោងតាមក្រសួងគ្រប់គ្រងគ្រាអាសន្នរបស់ប្រទេសចិន ភ្លើងឆេះព្រៃបានចាប់ផ្តើមឆាបឆេះនៅវេលាម៉ោងប្រហែល ៥ល្ងាច ថ្ងៃទី១៥ ខែមីនា ជាមួយខ្យល់​កន្ត្រាក់​នៅ​រសៀល​ថ្ងៃ​ទី​១៦ មីនា ភ្លើងក៏បាន​ឆាបឆេះ​យ៉ាង​សន្ធោសន្ធៅ ហើយ​ភ្លើង​បាន​រាលដាល​ដល់​ជួរ​ភ្នំ​ជា​ច្រើន​កន្លែង ។

ក្រសួងចិនក៏បានចេញបទបញ្ជាឆ្លើយតបគ្រាអាសន្នកម្រិតទី៤ ដែលជាកម្រិតព្រមានទាបបំផុតសម្រាប់ការគ្រប់គ្រងភ្លើងឆេះព្រៃ និងវាលស្មៅ ហើយបានចល័តអ្នកពន្លត់អគ្គីភ័យចំនួន ១,២៦០នាក់មកពីក្រុមពន្លត់អគ្គីភ័យថ្នាក់ជាតិ និងក្នុងតំបន់។

យោងតាមទូរទស្សន៍កណ្តាលចិន (CCTV) ប្រជាជនរស់នៅក្បែរកន្លែងកើតហេតុសរុបចំនួន ៣,៣៩៦ នាក់ ក៏ត្រូវបានជម្លៀសចេញ៕ ប្រភព៖ globaltime