ខេត្តស្វាយរៀង ៖ មានករណីគ្រោះថ្នាក់ចរាចរណ៍មួយ រវាងរថយន្តឡិចស៊ីស៥៧០ បានបុកគ្នាជាមួយរថយន្តសាំយ៉ុង ដឹកកម្មករ-កម្មការិនី បណ្តាលឲ្យកម្មករ-កម្មការិនី ចំនួន០៨នាក់ រងរបួសធ្ងន់ស្រាល ដេករណូករណែលនៅលើចិញ្ចើមផ្លូវ។ ចំណែកឯអ្នកបើកបររថយន្តឡិចស៊ិស បានបន្ថែមល្បឿន បើកគេចខ្លួនពីកន្លែងកើតហេតុ ។
ករណីគ្រោះថ្នាក់ចរាចរណ៍នេះ កើតឡើងនៅវេលាម៉ោង០៦និង០៥នាទីល្ងាចថ្ងៃព្រហស្បតិ៍ ទី១៤ ខែមីនា ឆ្នាំ២០២៤ នៅលើកំណាត់ផ្លូវជាតិលេខ១៣ ស្ថិតនៅភូមិក្រូច ឃុំជ្រុងពពេល ស្រុករំដួល ខេត្តស្វាយរៀង បណ្តាលឲ្យកម្មករ-កម្មការិនី រងរបួសធ្ងន់ស្រាលចំនួន០៨នាក់ ។
បន្ទាប់មក សមត្ថកិច្ចបានហៅរថយន្តសាម៉ុយ ដឹកអ្នករងរបួសទៅមន្ទីរពេទ្យស្រុករដួល ដើម្បីសង្គ្រោះ។
សមត្ថកិច្ចបានសន្និដ្ឋានជាបឋម ដោយដាក់ការសង្ស័យទៅលើអ្នកបើកបររថយន្តឡិចស៊ិស៥៧០ ពាក់ស្លាកលេខ ភ្នំពេញ 2L-5257 ជាអ្នកបង្កឲ្យមានគ្រោះថ្នាក់បែបនេះ សមត្ថកិច្ចកំពុងដាក់កម្លាំង តាមស្ទាក់ និងស្រាវជ្រាវចាប់យកមកឲ្យទទួលខុសត្រូវ ឲ្យខាងតែបាន ៕
ចែករំលែកព័តមាននេះ