ADផ្ទាំងផ្សព្វផ្សាយពាណិជ្ជកម្ម

ឡានបែនដឹកដីបុ.កកន្ទុយរ៉ឺម៉កឡានដឹកទូកុងតឺន័រ ក្រឡា.ប់ធ្លាក់ផ្លូវកៀបជាប់អ្នកបើកបរ

3 ម៉ោង មុន

ភ្នំពេញ
២១ ខែ ធ្នូ ឆ្នាំ ២០២៥ ម៉ោង ១៣:៤៩

រាជធានីភ្នំពេញ ៖ រថយន្តបែនដឹកដី១គ្រឿង បើកបរក្នុងល្បឿនលឿនគួរសម បានគេចចេញពីរថយន្ត១គ្រឿងនៅខាងមុខ ក៏ជ្រុលទៅបុកជាមួយកន្ទុយរ៉ឺម៉ករថយន្តសម្រាប់ដឹកទូកុងតឺន័រ១គ្រឿងទៀតពេញទំហឹង ។ បណ្ដាលឲ្យរថយន្តដឹកដីនោះក្រឡាប់ធ្លាក់ផ្លូវចូលទៅក្នុងប្រឡាយខ្លួនឯងជ្រមុជក្បាលទៅក្នុងភក់គាបអ្នកបើកបរជាប់រងរបួសធ្ងន់ រហូតក្រុមសង្គ្រោះអង្គភាព៧១១ទៅជួយអន្តរាគមន៍ទើបយកចេញក្រៅរួច ។…

ហេតុការណ៍នេះបានកេីតឡេីងនៅវេលាម៉ោង៩និង៤០នាទីព្រឹកថ្ងៃទី២១ ខែធ្នូ ឆ្នាំ២០២៥ នៅតាមបណ្តោយផ្លូវលេខ១០៤ ត្រង់ចំណុចភ្លើងស្តុបគងនយ សង្កាត់គងនយ ខណ្ឌដង្កោ រាជធានីភ្នំពេញ ។

សមត្ថកិច្ចបានប្រាប់ថា រថយន្តបែនដឹកដី មួយគ្រឿងខាងលើដែលក្រឡាប់នោះ ពណ៌ស ពាក់ស្លាកលេខ KDL-0242 ហើយនៅមុនពេលកើតហេតុបានបើកបរធ្វើដំណើរក្នុងទិសដៅពីលិចទៅកើត លុះពេលទៅដល់ត្រង់ចំណុចកើតហេតុបានគេចរថយន្តមួយគ្រឿងទៀតនៅខាងមុខ ។ ខណៈនោះក៏ជ្រុលទៅបុកជាមួយកន្ទុយរ៉ឺម៉ករថយន្តសម្រាប់ដឹកទូកុងតឺន័រ១គ្រឿងទៀតម៉ាក ហ៉ីយ៉ាន់ដា ពណ៌ស ពាក់ស្លាកលេខ ភ្នំពេញ 3C-2056 ដែលកំពុងធ្វេីដំណេីរក្នុងទិសដៅពីកើតមកលិចពេញទំហឹង ។

ប្រភពដដែលបានប្រាប់ទៀតថា ខណៈនោះបានបណ្ដាលឲ្យរថយន្តបែនដឹកដីក្រឡាប់ធ្លាក់ផ្លូវចូលទៅក្ន្ងប្រឡាយ ហើយក្បាលរថយន្តជ្រមុជកប់ភក់ និងខ្ទេចកាប៊ីនគាបអ្នកបើកបរជាប់រើខ្លួនអត់រួចរងរបួសធ្ងន់ធ្ងរ ។ ចំណែកអ្នកបើកបររថយន្តសណ្ដោងកន្ទុយរ៉ឺម៉កសម្រាប់ដឹកទូកុងតឺន័រមិនបានរងរបួសនោះទេ ហើយ២២២ក្រុមសង្គ្រោះអង្គភាព៧១១ បាននាំយកឧបករណ៍សង្គ្រោះទៅជួយកាត់និងគាស់កាប៊ីនរថយន្តទើបទាញយកអ្នកបើកបរបាន រួចនាំយកទៅសង្គ្រោះបន្ទាន់ ។

ក្រោយកេីតហេតុកម្លាំងនគរបាលការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំេពញ បានចុះទៅសហការណ៍ជាមួយនគរបាលខណ្ឌដង្កោ និងនគរបាលប៉ុស្តិ៍គងនយ ធ្វេីការវាស់វែងរួចនាំយករថយន្តទាំង២គ្រឿងទៅរក្សាទុក រង់ចាំការដោះស្រាយនៅពេលក្រោយ ៕