ខេត្តស្វាយរៀង ៖ គ្រោះថ្នាក់ចរាចរណ៍មួយ រវាងរថយន្តព្រូស និងរថយន្តឡិចស៊ីស Rx300 បុកគ្នាពេញទំហ៊ឹង បង្កឲ្យខូចខាតទាំងសងខាងយ៉ាងដំណំ ប៉ុន្តែសំណាងល្អ មនុស្សនៅក្នុងរថយន្តទាំងពីរ…
ខេត្តស្វាយរៀង ៖ គ្រោះថ្នាក់ចរាចរណ៍មួយ រវាងរថយន្តព្រូស និងរថយន្តឡិចស៊ីស Rx300 បុកគ្នាពេញទំហ៊ឹង បង្កឲ្យខូចខាតទាំងសងខាងយ៉ាងដំណំ ប៉ុន្តែសំណាងល្អ មនុស្សនៅក្នុងរថយន្តទាំងពីរ គ្រាន់តែរបួសស្រាល ។
ករណីគ្រោះថ្នាក់ចរាចរណ៍នេះ កើតឡើងនៅវេលាម៉ោង០២និង១០នាទីរសៀលថ្ងៃទី១២ ខែមីនា ឆ្នាំ២០២៤ នៅលើផ្លូវជាតិលេខ១ ស្ថិតនៅភូមិស្វាយតឿ សង្កាត់ស្វាយតឿ ក្រុងស្វាយរៀង ខេត្តស្វាយរៀង ។
បើតាមសមត្ថកិច្ច បានឲ្យដឹងថា មុនពេលកើតហេតុ គេឃើញរថយន្តម៉ាកព្រូស ពាក់ស្លាកលេខ ភ្នំពេញ 2BQ-1349 បើកបរពីទិសខាងកើតទៅលិច យ៉ាងលឿន លុះមកដល់កន្លែងកើតហេតុខាងលើ ស្រាប់តែរថយន្ត១គ្រឿង ម៉ាកឡិចស៊ីស ពាក់ស្លាកលេខ ភ្នំពេញ 2S-5962 បើកបរពីទិសខាងលិច ទៅកើត យ៉ាងលឿន វ៉ាជែងរថយន្តធុនធំ ១គ្រឿង ទំនងខ្វះការប្រុងប្រយ័ត្នទាំងពីរគ្រឿង ទើបបុកគ្នាពេញទំហ៊ឹងតែម្តង បណ្តាលឲ្យរថយន្តព្រូស ខ្ទាតបួនដប់ត្រឡប់ អូសជាង១០០ម៉ែត្រ ខ្ទេចកាប៊ីនខាងមុខទាំងស្រុង ហើយរថយន្តឡិចស៊ីស ខូចមួយចំហៀងខ្លួនខាងឆ្វេង និងរងរបួសធ្ងន់ស្រាលទាំងសងខាង ។
ប្រភពបន្តថា មូលហេតុ អ្នកបើកបរល្បឿនលឿន ខ្វះការប្រុងប្រយត្ន័ និងបើកបរវ៉ាជែង ចំណុចគ្រោះថ្នាក់។ ក្រោយពីកើតហេតុ សមត្ថកិច្ចហៅរថយន្តសាម៉ុយ ដឹកអ្នករបួសទៅមន្ទីរពេទ្យខេត្តស្វាយរៀង ដើម្បីសង្គ្រោះ។ រហូតដល់ម៉ោង៣រសៀលថ្ងៃដដែល សមត្ថកិច្ចបានធ្វើការវាស់វែង រួចហៅរថយន្តស្ទូច មកស្ទូចរថយន្តទាំង២គ្រឿង យកទៅរក្សាទុក នៅការិល័យនគរបាលចរាចរណ៍ជើងគោក នៃស្នងការដ្ឋាននគរបាលខេត្តស្វាយរៀង ដើម្បីដោះស្រាយតាមនីតិវិធី ៕
ចែករំលែកព័តមាននេះ