ឡាន១គ្រឿងជួបគ្រោះថ្នាក់ក្រឡា.ប់ ស្លា.ប់២នាក់ និងរបួស១០នាក់ នៅស្រុកកំចាយមារ
- ព្រៃវែង
ខេត្តព្រៃវែង ៖ គ្រោះថ្នាក់ចរាចរណ៍ដ៏គួរឱ្យរន្ធ.ត់មួយបានកើតឡើង បណ្ដាលឱ្យមនុស្ស២នាក់ស្លា.ប់
ខេត្តព្រៃវែង ៖ គ្រោះថ្នាក់ចរាចរណ៍ដ៏គួរឱ្យរន្ធ.ត់មួយបានកើតឡើង បណ្ដាលឱ្យមនុស្ស២នាក់ស្លា.ប់ និង១០នាក់ទៀតរងរបួស បន្ទាប់ពីរថយន្តមួយគ្រឿងបើកបរក្នុងល្បឿនលឿន ហើយបែកកង់ក្រោយផ្នែកខាងឆ្វេង ក្រឡា.ប់ផ្ងារពោះ។
ឧបទ្ទវហេតុខាងលើនេះ បានកើតឡើងកាលពីវេលាម៉ោង៣និង៤៥នាទីរសៀលថ្ងៃទី៩ ខែមីនា ឆ្នាំ២០២៤ នៅចំណុចភូមិថ្នល់កែង ឃុំស្មោងខាងជើង ស្រុកកំចាយមារ ខេត្តព្រៃវែង។
សមត្ថកិច្ចបានឱ្យដឹងថា រថយន្តមួយគ្រឿងជួបគ្រោះថ្នាក់ខាងលើ ម៉ាកនីស្សាន់ ពណ៌ស ពាក់ស្លាកលេខ ភ្នំពេញ ២AS-០៥៥១ បើកបរដោយឈ្មោះ រស់ រ៉ាឌី ភេទប្រុស អាយុ៣៨ឆ្នាំ រស់នៅភូមិស្ទឹងជ្រៅ សង្កាត់តាខ្មៅ ក្រុងតាខ្មៅ ខេត្តកណ្តាល។
គ្រោះថ្នាក់ចរាចរណ៍នេះបានបណ្ដាលឱ្យមនុស្សស្លា.ប់ចំនួន២នាក់ ក្នុងនោះម្នាក់ជាប្រធានមណ្ឌលសុខភាពក្របៅ និងរងរបួសស្រាល១០នាក់។
ជនរងគ្រោះដែលស្លា.ប់បាត់បង់ជីវិតទាំង២នាក់ខាងលើ ក្នុងនោះម្នាក់ឈ្មោះគង់ ឃាង ភេទប្រុស អាយុ៥៤ឆ្នាំជាប្រធានមណ្ឌលសុខភាពក្របៅ រស់នៅភូមិទានភ្លើង ឃីស្មោងខាងជើង ស្រុកកំចាយមារ ខេត្តព្រៃវែង និងម្នាក់ទៀតឈ្មោះឌិន សិរិរតនៈ អាយុ៧ឆ្នាំ រស់នៅភូមិស្ទឹងជ្រៅ សង្កាត់តាខ្មៅ ក្រុងតាខ្មៅ ខេត្តកណ្តាល។
ចំណែកជនរងគ្រោះ១០នាក់ផ្សេងទៀតដែលរងរបួសធ្ងន់ស្រាល រួមមាន ១-ឈ្មោះឈួន សោភា ភេទស្រី អាយុ៤២ឆ្នាំ រស់នៅភូមិ ឃុំជាមួយគ្នា របួសស្រាល ២-ឈ្មោះឌី កនិកា ភេទស្រី អាយុ០៧ឆ្នាំរស់នៅភូមិ ឃុំ ជាមួយគ្នា របួសស្រាល ៣-ឈ្មោះសុត វិសាល ភេទស្រី អាយុ០៤ឆ្នាំ រស់នៅភូមិ ឃុំជាមួយគ្នាំ របួសស្រាល ៤-ឈ្មោះចាន់ សាវុធ ភេទប្រុស អាយុ៤៧ឆ្នាំ រស់នៅភូមិ ឃុំជាមួយគ្នា របួសស្រាល
៥-ឈ្មោះស្រី ម៉ៅ ភេទស្រី អាយុ៤៣ឆ្នាំ រស់នៅភូមិ ឃុំជាមួយគ្នា របួសស្រាល ។
៦-ឈ្មោះហុក សុខា ភេទស្រី អាយុ៥០ឆ្នាំ រស់នៅភូមិ ឃុំជាមួយគ្នា របួសស្រាល ៧-ឈ្មោះយូ ធីតា ភេទស្រី អាយុ៣៨ឆ្នាំ រស់នៅភូមិ ឃុំ ជាមួយគ្នា របួសស្រាល ៨-ឈ្នោះសា វុធ កនិកា ភេទស្រី អាយុ០៥ឆ្នាំ រស់នៅភូមិ ឃុំជាមួយគ្នា របួសស្រាល ៩-ឈ្មោះឌិន សិរីរតនា ភេទស្រី អាយុ០៧ឆ្នាំ រស់នៅភូមិ ឃុំជាមួយគ្នា រងរបួសធ្ងន់ និង១០-ឈ្មោះ រស់ រ៉ាឌី ភេទប្រុស អាយុ៣៨ឆ្នាំ ជាអ្នកបើកបរ។
យ៉ាងណាមិញ មូលហេតុដែលបណ្ដាលឱ្យមានគ្រោះថ្នាក់ចរាចរណ៍នេះ សមត្ថកិច្ចបានបញ្ជាក់ថា មកពីរថយន្តបើកលឿនពេក ហើយផ្ទុះបែកកង់ ទើបអ្នកបើកបរមិនអាចគ្រប់គ្រងរថយន្តបាន។
ក្រោយកើតហេតុ ជនរងគ្រោះដែលរងរបួសត្រូវបានបញ្ជូនទៅព្យាបាលនៅមន្ទីរពេទ្យ រីឯអ្នកស្លា.ប់បាត់បង់ជីវិត ត្រូវបានប្រគល់ជូនសាច់ញាតិយកទទួលបុណ្យតាមប្រពៃណី ៕
ចែករំលែកព័តមាននេះ