រាជធានីភ្នំពេញ ៖ កុមារគួរត្រូវបានអនុញ្ញាតឱ្យធ្វើការសម្រេចចិត្តដោយខ្លួនឯង ។ ឪពុកម្តាយគួរតែយល់ និងទទួលយកការសម្រេចចិត្តរបស់ពួកគេ បើទោះបីជាអ្នកមិនបានស្របតាមអ្វីដែលពួកគេចង់បានក៏ដោយ ។ វាមានសារៈសំខាន់ណាស់ក្នុងការផ្តល់ឱ្យកុមារនូវសេរីភាព ពីព្រោះនឹងបង្កើនទំនុកចិត្ត និងការគោរពខ្លួនឯងរបស់ក្មេងៗ ។ យ៉ាងណាមិញ ឪពុកម្តាយត្រូវមានតុល្យភាពថា តើពេលណាគួរជួយពួកគេ និងពេលណាត្រូវបញ្ឈប់ពួកគេ ។ កុំ​ជេរ​កូន ​ពេលកូនសម្រេចចិត្តមិនបានល្អ ជំនួសមកវិញចូរជឿទុកចិត្ត និងគាំទ្រពួកគេក្នុងអ្វីដែលពួកគេកំពុងធ្វើ ហើយផ្តល់ដំបូន្មានដល់ពួកគេ ប្រសិនបើពួកគេមានបញ្ហា ។

ផ្តល់សេរីភាពដល់កូនរបស់អ្នក ៖ អ្នកគួរតែគាំទ្រដល់ភាពខ្លាំង និងគុណលក្ខណៈធម្មជាតិរបស់កូនអ្នក ដើម្បីជួយពួកគេឱ្យជោគជ័យនៅកន្លែងដែលពួកគេបានចូលរួម និងស្រឡាញ់ ។ ចូរលើកទឹកចិត្តពួកគេឱ្យសាកល្បងអ្វីថ្មី ហើយឈានជើងចេញពីតំបន់សុខស្រួលរបស់ពួកគេ ប៉ុន្តែកុំព្យាយាមបង្ខំកូន ។ ឪពុកម្តាយត្រូវមានភាពឆ្លាតវៃ និងច្នៃប្រឌិត យល់ដឹងពីបុគ្គលិកលក្ខណៈរបស់ពួកគេ ហើយត្រូវមានវិន័យ ។ ប្រសិនបើអ្នកបង្ខំកូនរបស់អ្នកឱ្យធ្វើអ្វីមួយ វានឹងមិនល្អនៅពេលក្រោយឡើយ ព្រោះពួកគេតែងតែគិតថា វាជារឿងដែលឪពុកម្តាយរបស់ខ្ញុំបង្ខំខ្ញុំឱ្យធ្វើ ។ ឪពុកម្តាយគួរតែដឹងថា ការស្រែក ជេរ ឬសូម្បីតែប្រាប់កូនរបស់អ្នកម្តងហើយម្តងទៀត ឱ្យធ្វើសកម្មភាពជាក់លាក់មួយ នឹងមិនធ្វើឱ្យកូនអ្នកធ្វើវាបានទេ ។ វាត្រូវតែចេញមកពីសភាវគតិ មេត្តាធម៌ និងសប្បុរសរបស់ពួកគេ ។

អាជីពកុមារ ៖ កុំបង្ខំកូនឱ្យធ្វើជាមនុស្សដែលមិនមែនជាគេ ។ ប្រសិនបើកូនរបស់អ្នកខ្មាសអៀន ចូរឱបក្រសោបភាពអៀនខ្មាសរបស់គេ កុំ​បង្ខំ​ពួក​គេ​ឱ្យ​ក្លាយ​ជាមនុស្សនិយាយច្រើន កុំបង្ខំកូនឱ្យចូលក្នុង​សង្គមខាង​ក្រៅ​ ។ ឪពុកម្តាយក៏មិនគួរបង្ខំកូនឱ្យធ្វើអ្វីដែលពួកគេមិនពូកែនោះដែរ ។ ប្រសិនបើកូនរបស់អ្នកស្អប់វាហើយ ទោះប្រឹងរៀនសូត្រ ឬធ្វើជាច្រើនខែក៏ដោយ កូនអ្នកនឹងមិនយល់ទេ កូនអ្នកមិនចូលចិត្តទេ ដូច្នេះកុំបង្ខំកូនរបស់អ្នកឱ្យបន្តសកម្មភាពនោះទៀត ។ នេះ​នឹង​ធ្វើ​ឲ្យ​កុមារ​ខូច​ចិត្ត និង​ធ្វើ​ឱ្យ​ជំនឿ​ចិត្ត​របស់​ខ្លួន​ធ្លាក់​ចុះ ។

ក្មេងជំទង់គួរតែត្រូវបានអនុញ្ញាតឱ្យធ្វើការសម្រេចចិត្តដោយខ្លួនឯង ហើយរស់នៅតាមផលវិបាករបស់វា បើទោះបីជាវាបរាជ័យក៏ដោយ ។ វាជារឿងសំខាន់សម្រាប់ឪពុកម្តាយក្នុងការអនុញ្ញាតឱ្យកូនរបស់ពួកគេសម្រេចចិត្តថាតើពួកគេចង់ក្លាយជាអ្វីនាពេលអនាគត និងរបៀបដែលពួកគេនឹងចំណាយពេលជីវិតរបស់ពួកគេ ។

ក្នុង​នាម​ជា​ឪពុក​ម្តាយ អ្នក​អាច​ត្រឹម​តែ​ផ្តល់​ដំបូន្មាន ប៉ុន្តែ​មិន​មែនជាអ្នក​សម្រេច​ចិត្តជំនួសកូន​នោះ​ទេ ។ កុំដាក់សេចក្តីប្រាថ្នារបស់អ្នកមកលើកូន ។ ឧទាហរណ៍ ឪពុកម្តាយខ្លះគិតថា ដោយសារតែគាត់មិនអាចក្លាយជាគ្រូពេទ្យ ទើបចង់ឱ្យកូនក្លាយជាគ្រូពេទ្យ ការគិតបែបនេះ គឺអាក្រក់ខ្លាំងណាស់ នៅពេលដែលកុមារគួរត្រូវបានផ្តល់សេរីភាពពេញលេញក្នុងការសម្រេចចិត្តលើអាជីពរបស់ខ្លួន ។ ប្រសិនបើឪពុកម្តាយមិនអនុញ្ញាតឱ្យកូនក្លាយជាអ្វីដែលពួកគេប្រាថ្នា នោះអ្នកកំពុងដាក់សម្ពាធកុមារឱ្យបំពេញចិត្តរបស់ឪពុកម្តាយប៉ុណ្ណោះ ហើយចុងបញ្ចប់ កូនអ្នកនឹងធ្វើការងារដែលពួកគេស្អប់ ។ ពួកគេនឹងមិនសប្បាយចិត្ត ប្រហែលជាពេញមួយជីវិតនៅក្នុងអាជីពដែលពួកគេមិនបានជ្រើសរើស ។

បញ្ហាឪពុកម្តាយបង្ខំកូន ឬជ្រៀតជ្រែកក្នុងជីវិតរបស់កូន ភាគច្រើនកើតឡើងចំពោះក្មេងជំទង់ ។ សព្វថ្ងៃនេះ ជា​សម័យ​ដែល​ឪពុក​ម្តាយ ​និង​កូន​គួរពិភាគ្សា និង​យល់​ចិត្ត​គ្នា​ទៅ​វិញ​ទៅ​មក ។ ឪពុកម្តាយគួរតែផ្តល់ឱ្យពួកគេនូវសេរីភាព ធ្វើអ្វីដែលពួកគេចង់បាន រស់នៅដោយសេរី ប៉ុន្តែទន្ទឹមនឹងនោះ ឪពុកម្តាយគួរតែរក្សាពិនិត្យផងដែរថា វាមិនមែនជារឿងអាក្រក់ ហើយមិនដើរក្នុងទិសដៅខុស ។ ម្យ៉ាងវិញទៀត កុមារគួរគោរពការសម្រេចចិត្តរបស់ឪពុកម្តាយពួកគេ ហើយទទួលយកពួកគេ ។ ជាមួយនឹងការយល់ចិត្តយល់ថ្លើមគ្នា និងការយល់ព្រមរវាងឪពុកម្តាយ និងកូនរបស់ពួកគេ ជីវិតរបស់ពួកគេនឹងកាន់តែសប្បាយរីករាយ ៕ ប្រភព ៖ premier

អត្ថបទ​នេះ​ផលិត​ឡើង​ក្រោម​កិច្ច​សហប្រតិបត្តិការ​ជាមួយ​សាលារៀន​វ៉េ​ស្ទ​ឡាញ​ន៍ និង​សាលារៀន​ណ​ត្ស​ឡាញ​ន៍ ។ សាលារៀន​ផ្តល់​ជូន​កម្មវិធី​ម​ត្តេ​យ្យ​ភាសា​ខ្មែរ និង​អង់គ្លេស កម្មវិធី​ភាសា​អង់គ្លេស​សម្រាប់​កុមារ កម្មវិធី​ភាសា​អង់គ្លេស​សិស្ស​ធំ កម្មវិធី​ចំណេះ​ទូទៅ​ខ្មែរ ពី​ថ្នាក់​ទី ១ ដល់ទី ១២ និង​កម្មវិធី​ភាសា​ចិន ។ វគ្គ​សិក្សា​ថ្មី​ចូល​រៀន​ថ្ងៃ​ទី ២៩ ខែមករា ឆ្នាំ ២០២៤ ខាង​មុខ​នេះ ។ សាលារៀន​ផ្តល់​ជូន​អាហារូបករណ៍​រហូត​ដល់ ៤០% និង​ធានា​រ៉ាប់រង​គ្រោះថ្នាក់ បុត្រ​ធីតា និង​ការ​ការពារ​សិក្សា​រហូត​ដល់ ៥ ឆ្នាំ ។

លើស​ពី​នេះ សាលារៀន​ក៏​បន្ថែម​នូវ​វេទិកា និង​មធ្យោបាយ​សិក្សា​យ៉ាង​សម្បូរ​បែប​ជាមួយនឹង​ប្រព័ន្ធ​គ្រប់គ្រង​សាលារៀន ប្រព័ន្ធ​គ្រប់​គ្រង់​ការ​សិក្សា និង​អេប​សាលារៀន​ជូន​ដល់​មាតាបិតា​សិស្ស និង​សិស្សានុសិស្ស​ក្នុង​ការ​គ្រប់គ្រង​ការ​សិក្សា និង​តាមដាន​ព័ត៌មាន​សិក្សា​របស់​បុត្រ​ធីតា​ផង​ដែរ ។ សម្រាប់​ព័ត៌មាន​បន្ថែម សូម​ទំនាក់ទំនង​ទូរស័ព្ទ​លេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕