ខេត្តកណ្តាល ៖ ដោយបានប្រទះឃើញមានកងកម្លាំងទាហានវៀតណាមមកបោះតង់ចំនួន២ទីតាំង ក៏មានគណនីហ្វេសបុកមួយបានថតផ្តិតយករូបភាពនោះ មកបង្ហោះសួរថ្នាក់ដឹកនាំ ដោយការងឿងឆ្ងល់ចំពោះហេតុការណ៍នេះ ។ ក្រោយមក ដំណឹងនេះក៏បានដឹងដល់ក្រុមការងារព័ត៌មាននិងប្រតិកម្មរហ័សខេត្តកណ្តាលក៏ធ្វើការបកស្រាយនិងឆ្លើយភ្លាមជូនជាជាសាធារណៈ ពិសេសគឺគណនីហ្វេសបុកនោះតែម្តង…
ខេត្តកណ្តាល ៖ ដោយបានប្រទះឃើញមានកងកម្លាំងទាហានវៀតណាមមកបោះតង់ចំនួន២ទីតាំង ក៏មានគណនីហ្វេសបុកមួយបានថតផ្តិតយករូបភាពនោះ មកបង្ហោះសួរថ្នាក់ដឹកនាំ ដោយការងឿងឆ្ងល់ចំពោះហេតុការណ៍នេះ ។ ក្រោយមក ដំណឹងនេះក៏បានដឹងដល់ក្រុមការងារព័ត៌មាននិងប្រតិកម្មរហ័សខេត្តកណ្តាលក៏ធ្វើការបកស្រាយនិងឆ្លើយភ្លាមជូនជាជាសាធារណៈ ពិសេសគឺគណនីហ្វេសបុកនោះតែម្តង ។
ជាក់ស្តែង យោងតាមផេកអគ្គស្នងការនគរបាលជាតិបានឱ្យដឹងថា សេចក្តីបំភ្លឺព័ត៌មានក្រុមការងារព័ត៌មាននិងប្រតិកម្មរហ័សខេត្តកណ្តាល សូមឆ្លើយតបបំភ្លឺជូនសាធារណជនទៅនឹងគណនីហ្វេសប៊ុកឈ្មោះឈាង គីមសេង ដែលបានបង្ហោះផ្សព្វផ្សាយ នៅថ្ងៃទី០៣ ខែមីនា ឆ្នាំ២០២៤ ។
សេចក្តីបំភ្លឺព័ត៌មាន ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលខេត្តកណ្តាល សូមឆ្លើយតបបំភ្លឺជូនសាធារណៈជនទៅនឹងគណនីហ្វេសប៊ុកឈ្មោះឈាង គីមសេង ដែលបានបង្ហោះផ្សព្វផ្សាយនៅថ្ងៃទី០៣ ខែមីនា ឆ្នាំ២០២៤ រៀបរាប់ថា «ជាដំបូងខ្ញុំសូមអភ័យទោសដល់ថ្នាក់ដឹកនាំគ្រប់ជាន់ថ្នាក់នៅឃុំសំពៅពូន បើសិនខ្ញុំនិយាយទៅមានការលើសលួសខ្វះខាត ដោយប្រការណាមួយដោយហេតុខ្ញុំនៅឆ្ងាយ និងមិនដឹងសួរអ្នកណា ខ្ញុំមានសំនួរចង់សួរថា ទាហានវៀតណាមមកបោះតង់ក្នុងបរិវេណសាលា និងវត្តកោះទៀវ តើភូមិ-ឃុំដឹងឮទេ? ហើយមកក្នុងគោលបំណងអ្វី? ខ្ញុំមានសំនួរតែប៉ុណ្ណឹងទេ បើខុសឆ្គងសូមថ្នាក់ដឹកនាំយោគយល់ដោយក្តីអនុគ្រោះ» ។
ក្រោយទទួលបានព័ត៌មានភ្លាម អនុវត្តតាមបទបញ្ជាលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាលបានបញ្ជាឱ្យលោកអធិការនគរបាលក្រុងសំពៅពូនស្រាវជ្រាវករណីខាងលើជាលទ្ធផល ៖
យោងតាមសេចក្តីបំភ្លឺព័ត៌មាន ចុះថ្ងៃទី០៤ ខែមីនា ឆ្នាំ២០២៤ របស់រដ្ឋបាលក្រុងសំពៅពូន ។ ដោយអនុវត្តតាមកំណត់ហេតុកិច្ចសហប្រតិបត្តិការស្តីពីផែនការបន្តស្រាវជ្រាវរុករកជីកលើកអដ្ឋិធាតុកងទ័ពស្ម័គ្រចិត្តនិងជំនាញការវៀតណាមជំហានទី២៣ រដូវប្រាំងឆ្នាំ២០២៣-២០២៤ រវាងគណៈប្រតិភូគណៈកម្មាធិការថ្នាក់ជាតិនៃសាធារណៈរដ្ឋសង្គមនិយមវៀតណាម និងគណៈប្រតិភូ គណៈកម្មាធិការ នៃរាជរដ្ឋាភិបាលព្រះរាជាណាចក្រកម្ពុជា ដែលបានចុះហត្ថលេខាកាលពីថ្ងៃទី១១ ខែតុលា ឆ្នាំ២០២៣។
កងកម្លាំងតំបន់ប្រតិបត្តិការសឹករងកណ្តាល យោធាភូមិភាគពិសេស បានសហការជាមួយក្រុម K90 ភាគីវៀតណាមចុះស្រាវជ្រាវ រុករក ជីកលើកអដ្ឋិធាតុកងទ័ពស្ម័គ្រចិត្ត និងជំនាញការវៀតណាម ដែលបានបាត់បង់ជីវិតក្នុងសម័យសង្គ្រាមកន្លងមក នៅភូមិសាស្ត្រក្រុងសំពៅពូន ដោយពេលវេលាបំពេញភារកិច្ច ការជីកលើកអដ្ឋិធាតុ ចាប់ផ្តើមពីថ្ងៃទី១៩ ខែកុម្ភៈ ឆ្នាំ២០២៤ ដល់ថ្ងៃទី២០ ខែកក្កដា ឆ្នាំ២០២៤។ ក្រោយពីការបំពេញភារកិច្ចត្រូវបានបញ្ចប់ ក្រុមK90 ភាគីវៀតណាម នឹងចាកចេញត្រឡប់ចូលប្រទេសវៀតណាមវិញតាមច្រកទ្វារអន្តរជាតិជ្រៃធំ ។
អាស្រ័យហេតុនេះ សូមសាធារណជន អ្នកសារព័ត៌មាន ពិសេសអ្នកប្រើប្រាស់បណ្តាញទំនាក់ទំនងសង្គមជ្រាប សូមកុំមានការភាន់ច្រឡំ ៕
ចែករំលែកព័តមាននេះ