រឿងលេងបា.ញ់ទឹក! ផ្ទុះជម្លោះរវាងនារីម្នាក់ និងអ្នករត់កង់បី ផ្អើលមុខផ្សារកាណាស៊ីធី ផ្លូវវេងស្រេង
- ភ្នំពេញ
រាជធានីភ្នំពេញ ៖ នារីបម្រើការក្នុងហាងខារ៉ាអូខេមួយកន្លែង ត្រូវបានបុរសជាអ្នករត់ម៉ូតូកង់បីទះ
រាជធានីភ្នំពេញ ៖ នារីបម្រើការក្នុងហាងខារ៉ាអូខេមួយកន្លែង ត្រូវបានបុរសជាអ្នករត់ម៉ូតូកង់បីទះមួយកំផ្លៀង ធ្វើឱ្យនាងកើតទុក្ខមិនសុខចិត្ត ក៏ទៅប្ដឹងសមត្ថកិច្ចចុះមកអន្តរាគមន៍ ឃាត់ខ្លួនភ្លាមៗយកទៅសួរនាំនៅប៉ុស្តិ៍ ។ ហើយករណីនេះផ្តើមចេញពីរឿងបុរសជាអ្នករត់កង់បីខាងលើបានបន្លែងលេងជាមួយនឹងក្មេងម្នាក់ ដោយយកកាំភ្លើ.ងបា.ញ់ទឹកមកលេងបាញ់ទឹកចុះឡើងៗត្រូវចំនារីរូបនោះ ធ្វើឱ្យនាងខឹងក៏ជេរប្រមាថ ទើបកើតមានរឿងហេតុបែបនេះតែម្តង ។
ហេតុការណ៍ខាងលើនេះបង្កឱ្យមានការភ្ញាក់ផ្អើលកើតឡើងកាលពីវេលាម៉ោង១២អាធ្រាត្រថ្ងៃទី១ ខែមីនា ឆ្នាំ២០២៤ នៅតាមបណ្ដោយផ្លូវវេងស្រេងទល់មុខនឹងផ្សារកាណាស៊ីធី ភូមិចោមចៅ៣ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។
បុរសជាអ្នករត់កង់បីមិនត្រូវបានស្គាល់ឈ្មោះនោះទេ ជាម្ចាស់កង់បីមួយគ្រឿង ពណ៌ស ពាក់ស្លាកលេខ ភ្នំពេញ 1HQ-0435 ។ ចំណែកនារីរងគ្រោះក៏មិនត្រូវបានស្គាល់ឈ្មោះដែរ តែនាងធ្វើការនៅហាងខារ៉ាអូខេយីហោ សំរឹទ្ធ មាស ស្ថិតនៅតាមបណ្ដោយផ្លូវវេងស្រេង សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ ។
តាមប្រភពព័ត៌មានពីនារីបម្រើការងារក្នុងហាងខារ៉ាអូខេមួយរូបខាងលើ បានឱ្យដឹងថា នៅមុនពេលកើតហេតុ បុរសជាអ្នករត់កង់បីខាងលើបានបន្លែងលេងជាមួយនឹងក្មេងម្នាក់ ដោយយកកាំភ្លើ.ងបា.ញ់ទឹកមកលេងបា.ញ់ទឹកចុះឡើងៗ ក៏ត្រូវចំនាង ។ បន្ទាប់មកនាងបានខឹងក៏ជេរប្រមាថបុរសនោះថា «កញ្ចាស់ក្បាលហើយលេងមិនដឹងអី» ។ ធ្វើឱ្យបុរសអ្នករត់កង់បីទប់អារម្មណ៍មិនបានក៏ស្ទុះទៅទះមួយកំផ្លៀង ធ្វើឱ្យនាងឈឺចាប់ កើតទុក្ខមិនសុខចិត្ត ស្រែកឡាំប៉ាផ្អើលទាំងយប់ ទៅប្ដឹងសមត្ថកិច្ចមូលដ្ឋានចុះមកអន្តរាគមន៍សួរនាំភ្លាមៗ និងឃាត់ខ្លួនបុរសជាអ្នករត់កង់បីយកទៅបុស្តិ៍ ព្រមទាំងឱ្យនារីរូបនោះទៅដាក់ពាក្យបណ្ដឹងផងដែរ ។
ក្រោយពេលកើតហេតុ បន្ទាប់ពីនារីរូបនោះមិនប្តឹងប្តល់ ទើបខាងសមត្ថកិច្ចបានធ្វើលិខិតព្រមព្រៀងបដិសេធពាក្យបណ្ដឹង រួចឱ្យទាំងអ្នកទាំង២ត្រឡប់ទៅវិញផ្ទះវិញរៀងៗខ្លួន ៕
ចែករំលែកព័តមាននេះ