ADផ្ទាំងផ្សព្វផ្សាយពាណិជ្ជកម្ម

Picture

ព្រះ​អង្គ ជួន កក្កដាថា បើ​ខ្សែអំបោះពូកែ​មែន គេ​លែង​លក់​ថ្នាំពេទ្យ​ដាច់​ហើយ

1 ខែ មុន
  • ភ្នំពេញ

រាជធានី​ភ្នំពេញ ៖ ព្រោះតែ​ជំនឿ​ប្រាសចាក​បញ្ញា បាន​ធ្វើ​ឱ្យ​មនុស្ស​មួយ​ចំនួន​ជឿ​លើ​ជំនឿ​បែប​អរូបីយ​លើ​រឿងហេតុ និង​លើ​បាតុភូត​ផ្សេង​ៗ ដែល​ប្រាសចាក​ពី​ទ្រឹស្តី​ព្រះពុទ្ធ​សាសនា​ស្រឡះ និង​ជា​ជំនឿ​គ្មាន​ការ​ពិត ដែល​ជំនឿ​ទាំងនោះ​មិន​ត្រឹមតែ​មិន​បាន​ផល​អ្វី​នោះ​ទេ តែ​ថែម​ទាំង​នាំ​ឱ្យ​ខូចប្រយោជន៍ ប៉ះពាល់​ទាំង​សុខភាព​ទៀត​ផង…

0:00
0:00

រាជធានី​ភ្នំពេញ ៖ ព្រោះតែ​ជំនឿ​ប្រាសចាក​បញ្ញា បាន​ធ្វើ​ឱ្យ​មនុស្ស​មួយ​ចំនួន​ជឿ​លើ​ជំនឿ​បែប​អរូបីយ​លើ​រឿងហេតុ និង​លើ​បាតុភូត​ផ្សេង​ៗ ដែល​ប្រាសចាក​ពី​ទ្រឹស្តី​ព្រះពុទ្ធ​សាសនា​ស្រឡះ និង​ជា​ជំនឿ​គ្មាន​ការ​ពិត ដែល​ជំនឿ​ទាំងនោះ​មិន​ត្រឹមតែ​មិន​បាន​ផល​អ្វី​នោះ​ទេ តែ​ថែម​ទាំង​នាំ​ឱ្យ​ខូចប្រយោជន៍ ប៉ះពាល់​ទាំង​សុខភាព​ទៀត​ផង ។

ដូចដែល​យើង​បានដឹង​ហើយ​ថា មនុស្ស​មួយ​ចំនួន​ហាក់ដូចជា ផ្ញើ​វាសនា ផ្ញើ​សុខទុក្ខ​របស់​ខ្លួន ទៅ​នឹង​ខ្សែ​អំបោះ ឬ​ខ្សែ​សីមា​ថា បើកាលណា​បាន​ពាក់​ខ្សែ​អំបោះ​ទាំងនោះ​នៅ​លើកដៃ កជើង ឬ​នៅ​នឹង​ក ខ្សែ​អំបោះ​ទាំងនោះ​នឹង​ជួយ​ពួក​គេ​ឱ្យ​បាន​សុខ​សប្បាយ មាន​លាភ​មានសំណាង ទៅ​ណា​មក​ណា​មាន​គេ​ស្រឡាញ់​រាប់អាន និង​ចៀស​ផុត​ពី​គ្រោះ​ផ្សេង​ៗ​។

នៅ​ក្នុង​ហ្វេ​ស​ប៊ុ​ក​ផេ​ក​របស់​ព្រ​អះ​ង្គ​នោះ ព្រះ​តេជគុណ ព្រះ​ធម្ម​វិជ្ជា ជួន កក្កដា ព្រឹទ្ធបុរស​រង​នៃ​សាកលវិទ្យាល័យ​ព្រះ​សីហ​នុ​រាជ ព្រះ​តេជគុណ បាន​ចែករំលែក​នូវ​សារ​ដាស់តឿន​ដល់​បង ប្អូន​ពុទ្ធបរិស័ទ​ទាំងឡាយ​ថា ៖ ចង​អំបោះ​ក្រហម​ដើម្បី​អី? គេ​ថា ដើម្បី​ឲ្យ​សុខ​សប្បាយ កុំ​ឲ្យ​មាន​ជំងឺ​ដ​ង្កា​ត់​មក​បៀតបៀន កុំ​ឲ្យ​ទុក្ខ​ទោ​ម្នាស់ អី​កើតឡើង ។

ជាមួយ​គ្នា​នោះ​ដែរ ព្រះ​តេជគុណ ព្រះ​ធម្ម​វិជ្ជា ជួន កក្កដា ក៏​បាន​មាន​សង្ឃដីកា ថា តែ​អាត្មា​ថា បើ​អំបោះ​ហ្នឹង​វា​ពូកែ ពេទ្យ​គេ​លក់​លែង​ដាច់​ហើយ​ថ្នាំពេទ្យ​នោះ ។ ព្រោះ​កុំ​ឲ្យ​មាន​ជំងឺ ដ​ង្កា​ត់​មក​បៀតបៀន អំបោះ​ហ្នឹង​វា​ខ្លាំង​ទៅ​ហើយ ។ ព្រោះ​អំបោះ​នេះ ជួយ​ទឹកនោម ផ្អែម​អត់​បាន​ទេ ហើយ​អំបោះ​នេះ ជួយ​រលាក​ក្រពះ​អត់​បាន​ទេ មែន​ទេ​ញោម?

បន្ថែម​ពី​នេះ​ទៀត ព្រះ​តេជគុណ ព្រះ​ធម្ម​វិជ្ជា ជួន កក្កដា មាន​សង្ឃដីកា​បន្ត​ថា អ៊ីចឹង​ហើយ ព្រះពុទ្ធ​ព្រះ​អង្គ​ត្រាស់​ថា បើ​ស្រលាញ់​ខ្លួន​រក្សាខ្លួន​ហ្នឹង​ឲ្យ​ល្អ​ទៅ​។ ប្រហុក​ត្រី​ស្អុយ​គង់​មាន​គេ​ស្លរ ធ្វើ​នំ​ឥត​មាន​ស្ករ គង់​មាន​រសជាតិ នៅ​ក្រុង​ឬ​ស្រែ គង់តែ​មាន​ញាតិ រស់​ខ្ពស់​មារយាទ ញាតិ​ពោល​បង្អាប់ ។ កូន​ស្លូត ឬ​កាច គង់​មាន​ម្តាយ​ស្តី ក្មេង​តូច​ស្រដី គង់​គេ​ប្រាប់ ខ្ពស់​ហួស​លំដាប់​គ្មាន​ញាតិ​រាប់អាន ។ មែន​ៗ​ញោម ?

សូម​បញ្ជាក់​ថា រឿង​ជឿ​លើ​ជំនឿ​ផ្សេង​ៗ វា​ជា​សិទ្ធិ​សេរីភាព​របស់​អ្នក​ជឿ​មែនហើយ តែ​ការ​ជឿ​ត្រូវ​មាន​ហេតុផល ហើយ​ត្រូវ​ប្រកបដោយ​បញ្ញា​ពិចារណា​ផង ព្រោះ​ជំនឿ​ខ្លះ​មិនមែន​ត្រឹមតែ​មិន​ផ្តល់​ផលប្រយោជន៍​ដល់​អ្នក​ជឿ​នោះ​ទេ តែ​ថែម​ទាំង​ធ្វើ​ឱ្យ​ខូចប្រយោជន៍ ខាត​ពេលវេលា ខូច​ទាំង​សុខភាព បាត់បង់​ទាំង​ទ្រព្យសម្បត្តិ​ទៀត​ផង ៕

អត្ថបទសរសេរ ដោយ

កែសម្រួលដោយ