ពលរដ្ឋគ្រប់រូបចង់បានចំណូល ឬការងារបន្ទាប់មកចង់បានលំនៅដ្ឋានសមរម្យមានអាហារ ទទួលទានបីពេលក្នុងមួយថ្ងៃ ។ ក្រៅពីអាហារ និងលំនៅដ្ឋានពលរដ្ឋត្រូវការសេវាសុខាភិបាលល្អសម្រាប់ព្យាបាលជំងឺ និងសេវាអប់រំល្អសម្រាប់កូនចៅរបស់ពួកគេមានល្អអនាគត ។ ដើម្បីបានរបស់ទាំងអស់នេះ មនុស្សបានខិតខំប្រឹងប្រែងតស៊ូនៅក្នុងជីវិត។…
ពលរដ្ឋគ្រប់រូបចង់បានចំណូល ឬការងារបន្ទាប់មកចង់បានលំនៅដ្ឋានសមរម្យមានអាហារ ទទួលទានបីពេលក្នុងមួយថ្ងៃ ។ ក្រៅពីអាហារ និងលំនៅដ្ឋានពលរដ្ឋត្រូវការសេវាសុខាភិបាលល្អសម្រាប់ព្យាបាលជំងឺ និងសេវាអប់រំល្អសម្រាប់កូនចៅរបស់ពួកគេមានល្អអនាគត ។
ដើម្បីបានរបស់ទាំងអស់នេះ មនុស្សបានខិតខំប្រឹងប្រែងតស៊ូនៅក្នុងជីវិត។ ពីដំបូងគេខិតខំរៀនសូត្រ និងធ្វើការ ។ ដើម្បីសម្រេចក្តីប្រាថ្នាខាងលើវាជាប់ជាប់ទាក់ទងនឹងគោលនយោបាយដឹកនាំរបស់ប្រទេសផងដែរ។ ប្រទេសនីមួយៗមានស្ថានភាព និងការដឹកនាំខុសៗគ្នា ។ ប្រទេសអភិវឌ្ឍមានសេវាសង្គមល្អ ។ ចំណែកប្រទេសក្រីក្រសេវាសង្គមមិនល្អនិងមិនគ្រប់គ្រាន់នោះឡើយ ។
កម្ពុជាដែលបានដើរចេញពីសង្គ្រាមផ្ទៃក្នុងទាំងស្រុង កាលពីឆ្នាំ១៩៩៨បានកំពុងដើរឆ្ពោះទៅ រកប្រទេសមានចំណូលមធ្យមកម្រិតខ្ពស់នៅឆ្នាំ២០៣៥ និងប្រទេសមានចំណូលខ្ពស់នៅឆ្នាំ២០៥០ ។ គោលនយោបាយរបស់រាជរដ្ឋាភិបាលអាណត្តិទី៧ នៃរដ្ឋសភាបានផ្តល់អាទិភាពលើការកសាងមូលធនមនុស្ស និងពង្រឹងសេវាសុខាភិបាល ដើម្បីការអភិវឌ្ឍប្រកបដោយចីរភាព។ទិដ្ឋភាពសង្គម ទីផ្សារអចលទ្រព្យមានតម្លៃខ្ពស់លើសពីចំណូលរបស់ពលរដ្ឋ ។
ទោះជាវិស័យដីធ្លីបានជាប់គាំងដោយសារវិបត្តិកូវីដ១៩ តាំងពីឆ្នាំ២០១៩មកប៉ុន្តែផ្ទះ និងដីធ្លីមិនធ្លាក់ថ្លៃឡើយ ។ផ្ទះមួយល្វែងដែលមានតម្លៃជាមធ្យម៦ម៉ឺនដុល្លារ នៅភ្នំពេញ ពលរដ្ឋជាច្រើនពិបាករកលុយទៅទិញផ្ទះទាំងនោះ ។ ជាទូទៅពលរដ្ឋទិញផ្ទះបង់រំលាស់ជាមួយអត្រាការប្រាក់ខ្ពស់និងមានហានិភ័យពីការបោកប្រាស់ផងដែរ ។ រដ្ឋាភិបាលបានគាំទ្រដល់ការវិនិយោគលើការសាងសង់លំនៅដ្ឋានតម្លៃសមរម្យសម្រាប់ ពលរដ្ឋក្រីក្រ ប៉ុន្តែយន្តការនេះដើរយឺត និងមានឧបសគ្គច្រើន ។ លំនៅដ្ឋានដែលមានតម្លៃថោកច្រើននៅឆ្ងាយពីទីក្រុងពេកដែលពលរដ្ឋពិបាកធ្វើដំណើរ ដូច្នេះគម្រោងនេះហាក់ មិនសូវបានជោគជ័យឡើយ ។
វិស័យអប់រំរដ្ឋាភិបាលបានកំពុងធ្វើកំណែទម្រង់ជាពិសេសការប្រឡងសញ្ញាបត្រ មធ្យមសិក្សាទុតិយភូមិ ក្រោមគោលការណ៍ «ចេះគឺជាប់»។ ចេះ គឺជាប់ ត្រូវគេមើលឃើញថា ធ្វើឱ្យយុវជនខិតខំរៀនសូត្រហើយការប្រឡងបានធានានូវភាពត្រឹមត្រូវ គ្មានការបើក ចម្លងគ្មានការធ្លាយវិញ្ញាសាមុនពេលប្រឡង គ្មានកិច្ចអន្តរាគមន៍ជាដើម ។ សាលាជំនាន់ថ្មីរបស់រដ្ឋដែលកំពុងស្ថិតនៅក្នុងដំណាក់កាលសាកល្បងទទួលបានការគាំទ្រពីគុណភាព។
ទោះយ៉ាងណា ពលរដ្ឋមួយចំនួននៅតែត្អូញត្អែរពីគុណភាពសិក្សានៅតាមសាលារដ្ឋ។សាលាឯកជន បានរីកដូចផ្សិតពីថ្នាក់មតេយ្យដល់ថ្នាក់ឧត្តមសិក្សា ។សាលាឯកជនដែល ជាជម្រើសសម្រាប់អ្នកមានប្រាក់មានតម្លៃខ្ពស់ដែរបើធៀបចំណូលពលរដ្ឋ ពិសេសចំណូលរបស់មន្ត្រីរាជការ ។ ទំនងបើសាលារដ្ឋមានគុណភាពល្អពលរដ្ឋជាច្រើននឹងមិនយកកូនទៅដាក់សាលាឯកជននោះឡើយ ។វិស័យសុខាភិបាល កម្ពុជាបានផ្តល់បណ្ណក្រីក្រដើម្បីពលរដ្ឋក្រីក្រទទួលសេវាព្យាបាលដោយមិនគិតថ្លៃ ។
មន្ត្រីរាជការ កម្មករនិយោជិត មានបណ្ណប.ស.ស ប្រើប្រាស់ ដើម្បីទទួលបានសេវាព្យាបាលដោយមិនគិតថ្លៃ។ ប៉ុន្តែជាញឹកញាប់ ពលរដ្ឋបានរិះគន់ពីក្រមសីលធម៌គ្រូពេទ្យ និងភាពខ្វះចន្លោះនៅក្នុងដំណើរព្យាបាលពលរដ្ឋពីក្រុមគ្រូពេទ្យមួយចំនួន ។ពលរដ្ឋអ្នកមានប្រាក់បានចេញទៅព្យាបាលជំងឺនៅក្រៅប្រទេស ។ការផ្ដល់សេវាសង្គមកាន់តែល្អរបស់រដ្ឋជាក្ដីប្រាថ្នារបស់ពលរដ្ឋ ។ ពលរដ្ឋចង់មានការងារធ្វើមានប្រាក់ចំណូលសមរម្យជាមួយសេវាសង្គមគ្រប់គ្រាន់ ហើយបានធានាថា នៅពេលមានការងារធ្វើពលរដ្ឋប្រាកដជាមានលំនៅដ្ឋានសមរម្យ មានថវិកាចាយវាយប្រចាំថ្ងៃ ។
ក្រៅពីនេះនៅពេលឈឺមានពេទ្យល្អព្យាបាលជំងឺមានសាលារៀនប្រកបដោយ គុណភាព សម្រាប់កូនរៀន។ មានការងារធ្វើមានប្រាក់បង់ពន្ធជូនរដ្ឋ ហើយរដ្ឋផ្តល់សេវាសាធារណគឺជាការរស់នៅបែបស៊ីវីល័យដែលពលរដ្ឋចង់បាន ។ នៅពេលសេវាទាំងអស់ខាងលើល្អគឺ រដ្ឋាភិបាលភិបាលនឹងដណ្តើមបានបេះដូងពីពលរដ្ឋ និងជាសុខដុមរមនារបស់សង្គមកម្ពុជា៕ដោយ សារ៉ាន់
ចែករំលែកព័តមាននេះ