ទីបំផុត! Mbappe សម្រេចចិត្តទៅយកថ្លៃពលកម្មជិត២៥០លានដុល្លារពី Real Madrid
អន្តរជាតិ ៖ យោងតាមប្រភពពីសារព័ត៌មានធំៗ នៅជុំវិញពិភពលោក ជាពិសេស BBC កាលពីថ្ងៃទី
អន្តរជាតិ ៖ យោងតាមប្រភពពីសារព័ត៌មានធំៗ នៅជុំវិញពិភពលោក ជាពិសេស BBC កាលពីថ្ងៃទី
អន្តរជាតិ ៖ យោងតាមប្រភពពីសារព័ត៌មានធំៗ នៅជុំវិញពិភពលោក ជាពិសេស BBC កាលពីថ្ងៃទី២០ ខែកុម្ភៈ កន្លងទៅ បានរាយការណ៍ថា កំពូលខ្សែប្រយុទ្ធបារាំង Kylian Mbappe របស់ក្លិប Paris St-Germain បានយល់ព្រមចូលរួមជាមួយក្លិប Real Madrid នៅរដូវក្ដៅនេះ ដោយគ្មានតម្លៃផ្ទេរ (Free Agent) ។
ប្រធានក្រុមជម្រើសជាតិបារាំងវ័យ២៥ឆ្នាំ បានប្រាប់ក្លិប PSG ថា រូបគេនឹងចាកចេញនៅចប់រដូវកាលនេះ ស្របពេលដែលកុងត្រាជាមួយក្លិបជើងឯកលីគកំពូលបារាំង នឹងអស់សុពលភាពនៅចុងខែមិថុនា ខាងមុខនេះ។
ប្រភពពីសារណ៏ត៌មាន BBC បានរាយការណ៍ថា Mbappe មិនទាន់បានចុះកុងត្រាជាផ្លូវការណាមួយជាមួយនឹង Real Madrid នៅឡើយទេ ប៉ុន្តែកិច្ចព្រមព្រៀងអាចនឹងត្រូវបានប្រកាសនៅពេលខាងមុខ។ ប្រភពដដែលបន្ថែមថា Mbappe គ្រោងនឹងចុះហត្ថលេខាលើកុងត្រារយៈពេល៥ឆ្នាំជាមួយ Real Madrid ដោយកីឡាករម្ចាស់ជើងឯកពានរង្វាន់ FIFA World Cup ឆ្នាំ ២០១៨ រូបនេះ នឹងទទួលបានថ្លៃនឿយហត់ចំនួន ១៦លានដុល្លារក្នុងមួយរដូវកាល បូកនឹងប្រាក់បន្ថែមសម្រាប់ការចុះហត្ថលេខាលើទឹកប្រាក់ចំនួន ១៦២លានដុល្លារ ដែលត្រូវ Real Madrid បង់នៅក្នុងរយៈពេល៥ឆ្នាំលើសិទ្ធិផ្សព្វផ្សាយផ្សេងៗ របស់ខ្សែប្រយុទ្ធកំពូលល្បឿនរូបនេះ។
លោក Carlo Ancelotti គ្រូបង្វឹកក្រុម Real Madrid បានគិតរួចហើយអំពីរបៀបដែលនឹងប្រើប្រាស់ Mbappe នៅក្នុងក្រុមលោក ដោយក្នុងនោះ ខ្សែបម្រើអង់គ្លេស Jude Bellingham នឹងដើរតួកាន់តែខ្លាំងបន្ថែមទៀត ខណៈដែលកីឡាករប្រេស៊ីល Vinicius Jr នឹងលេងប្រយុទ្ធខាងឆ្វេង ហើយ Mbappe នឹងលេងប្រយុទ្ធទាំងខាងឆ្វេង និងកណ្ដាល។ ជាមួយគ្នានោះ ប្រសិនបើខ្សែបម្រើក្រូអាត Luka Modric ចាកចេញពី Real Madrid នៅរដូវក្ដៅនេះ នោះ Mbappe នឹងទទួលបានអាវលេខ ១០ ដែលរូបគេពាក់ជាមួយក្រុមមាន់គកបារាំង។
គួររំលឹកថា ខ្សែប្រយុទ្ធ Kylian Mbappe បានផ្លាស់ពីក្លិប AS Monaco មកចូលរួមជាមួយក្លិប PSG កាលពីថ្ងៃទី៣១ ខែសីហា ឆ្នាំ២០១៨ នៅក្នុងតម្លៃ ១៨០លានអឺរ៉ូ។ ខ្សែប្រយុទ្ធរូបនេះបង្ហាញខ្លួនសរុប២៩០ប្រកួត និងស៊ុតបញ្ចូលទីបាន ២៤៣គ្រាប់ ដោយជួយក្រុមឈ្នះជើងឯកលីគកំពូលបារាំង៥ដង Coupe de France ៣ដង Coupe de la Ligue ២ដង និង French Super Cup ៣ដងផងដែរ៕ (ប្រភព ៖ BBC)
ចែករំលែកព័តមាននេះ