ឆេះបន្ទប់ជួលរបស់និស្សិតនៅជាន់ទី២ ផ្អើលខណ្ឌសែនសុខ
- ភ្នំពេញ
រាជធានីភ្នំពេញ៖ បន្ទប់ជួលរបស់និស្សិតស្នាក់នៅជាន់ទី២ ត្រូវបានអគ្គីភ័យឆាបឆេះផ្សែងហុយខ្មួល
រាជធានីភ្នំពេញ៖ បន្ទប់ជួលរបស់និស្សិតស្នាក់នៅជាន់ទី២ ត្រូវបានអគ្គីភ័យឆាបឆេះផ្សែងហុយខ្មួល
រាជធានីភ្នំពេញ៖ បន្ទប់ជួលរបស់និស្សិតស្នាក់នៅជាន់ទី២ ត្រូវបានអគ្គីភ័យឆាបឆេះផ្សែងហុយខ្មួលខ្មាញ់ បណ្ដាលឱ្យសម្ភារៈមួយចំនួនរងការខូចខាតស្ទើរតែទាំងស្រុង ។
ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោងប្រមាណ១២និង៥០នាទីថ្ងៃត្រង់ថ្ងៃទី២០ ខែកុម្ភៈ ឆ្នាំ២០២៤ នៅចំណុចផ្ទះល្វែងលេខ៣៣ ផ្លូវលេខ១០០៧ ស្ថិតក្នុងភូមិឧកញ៉ា វាំង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
តាមនគរបាលមូលដ្ឋានបានឱ្យដឹងថា នៅមុនពេលកើតហេតុ គេឃើញភ្លើងបានឆាបឆេះផ្សែងហុយយ៉ាងខ្មួលខ្មាញ់ចេញពីជាន់ទី២ ហើយបង្កឱ្យមានការភ្ញាក់ផ្អើលដល់អាជ្ញាធរ និងសមត្ថកិច្ច ហៅរថយន្តពន្លត់អគ្គីភ័យទៅអន្តរាគមន៍ ។ នៅក្នុងហេតុការណ៍នេះរថយន្តពន្លត់អគ្គីភ័យចំនួន៥គ្រឿងបានទៅអន្តរាគមន៍បាញ់ពន្លត់ ។
តាមឈ្មោះ សន ឧត្តម អាយុ៣៣ឆ្នាំ ជានិស្សិតដែលបានជួលស្នាក់នៅ បានឱ្យដឹងថា ផ្ទះដែលត្រូបានក្រុមនិស្សិតជួលស្នាក់នៅជាក្រុម ។ នៅមុនពេលកើតហេតុ នៅជាន់ទី២និស្សិតបានទៅរៀនអស់នៅសល់តែក្មេងស្រីម្នាក់ ខណៈនោះស្រាប់តែមានភ្លើងឆេះ ហើយក្មេងបានរត់ចុះមកប្រាប់ក្រុមនិស្សតដែលស្នាក់នៅខាងក្រោម ។
តាមនិស្សិតរូបនោះមានការសង្ស័យថា អគ្គីភ័យនេះសង្ស័យបណ្ដាលមកពីឆ្លងចរន្តអគ្គិសនី ឆេះចេញពីបន្ទប់សម្រាប់ថតរូប។
តាមនគរបាលឱ្យដឹងថា អគ្គីភ័យនេះបានបំផ្លាញសម្ភារៈស្ទើរតែទាំងនៅជាន់ទី២រួមមានគ្រែ ពូក ទូរដាក់ខោអាវ កង្ហា និងសម្ភារៈ សិក្សា មួយចំនួនទៀត ។ ទោះបីជាយ៉ាងណា ភ្លើងពុំបានឆេះរាលដាលឡើយ ។ ចំពោះមូលហេតុនគរបាលការិយាល័យបង្ការ ពន្លត់អគ្គីភ័យនិងសង្គ្រោះកំពុងតែធ្វើការស្រាវជ្រាវ ៕
ចែករំលែកព័តមាននេះ