អាជ្ញាធរខណ្ឌទួលគោក បញ្ឈប់ការលក់ដូរលើចិញ្ចើមផ្លូវម៉ៅសេងទុង ដោយទុករយៈ៧ថ្ងៃ
រាជធានីភ្នំពេញ ៖ អាជ្ញាធរខណ្ឌទួលគោក បានដាក់ឱសានវាទ ដោយទុករយៈពេល៧ថ្ងៃ គិតចាប់ពីថ្ងៃទី១៩ ខែកុម្ភៈ ឆ្នាំ២០២៤នេះ ទៅ ដោយមិនបន្តឱ្យមានការយកចំណី…
រាជធានីភ្នំពេញ ៖ អាជ្ញាធរខណ្ឌទួលគោក បានដាក់ឱសានវាទ ដោយទុករយៈពេល៧ថ្ងៃ គិតចាប់ពីថ្ងៃទី១៩ ខែកុម្ភៈ ឆ្នាំ២០២៤នេះ ទៅ ដោយមិនបន្តឱ្យមានការយកចំណី…
រាជធានីភ្នំពេញ ៖ អាជ្ញាធរខណ្ឌទួលគោក បានដាក់ឱសានវាទ ដោយទុករយៈពេល៧ថ្ងៃ គិតចាប់ពីថ្ងៃទី១៩ ខែកុម្ភៈ ឆ្នាំ២០២៤នេះ ទៅ ដោយមិនបន្តឱ្យមានការយកចំណី ឬចិញ្ចើមផ្លូវលេខ២៤៥ (មហាវិថីម៉ៅសេងទុង) ធ្វើជាទីតាំងសម្រាប់ធ្វើអាជីវកម្មលក់ដូរបន្តទៀតនោះឡើយ ក្នុងករណី ដែលពលរដ្ឋជាម្ចាស់ទីតាំង មិនមានការចូលរួមសហការ នោះអាជ្ញាធរ នឹងមានវិធានការរដ្ឋបាល នេះបើតាមអាជ្ញាធរខណ្ឌទួលគោក ដែលបានចុះណែនាំដល់ប្រជាពលរដ្ឋ នៅព្រឹកថ្ងៃទី១៩ ខែកុម្ភៈនេះ ។
លោក ស៊ឹប សុផង់ អភិបាលរងខណ្ឌទួលគោក ទទួលបន្ទុកកិច្ចការងារសណ្តាប់ធ្នាប់សាធារណៈ បានឱ្យដឹងថា អាជ្ញាធរបានចុះគូសគំនូស ដើម្បីជាការកំណត់ចំណាំឱ្យប្រជាពលរដ្ឋលក់ដូរ បានដឹងពីចំណុច ដែលត្រូវបានហាមឃាត់មិនឱ្យលក់ដូរហួសចូលមកចិញ្ចើមផ្លូវឡើយ ។
ក្នុងនោះដែរ អាជ្ញាធរ បានចុះតាមលំនៅឋានពលរដ្ឋទាំងអស់ នៅប្របសងខាងផ្លូវលេខ២៤៥ (មហាវិថីម៉ៅសេងទុង) ដោយបានជូនលិខិតជូនដំណឹងរបស់រដ្ឋបាលខណ្ឌជូនពួកគាត់ និងបានពន្យល់ណែនាំដោយផ្ទាល់មាត់បន្ថែមផង ឱ្យពួកគាត់បានយល់ដឹង នឹងចូលរួមគោរពឱ្យបានខ្ជាប់ខ្ជួន មុនពេល ដែលអាជ្ញាធរឈានដល់វិធានការរដ្ឋបាល ដោយប្រើវិធានការក្តៅ នៅពេលឆាប់ៗខាងមុខនេះ ។
គួរបញ្ជាក់ថា បញ្ហាសណ្តាប់ធ្នាប់របៀបរៀបរយ នៅលើមហាវិថីម៉ៅសេងទុង និងផ្លូវមួយចំនួនទៀត នៅក្បែរ និងជុំវិញផ្សារដើមគរ និងផ្សារនាគមាសជាដើម ជាកង្វល់របស់អាជ្ញាធរកន្លងមកអាជ្ញធរតែងចុះរដ្ឋបាលរៀបចំជាបន្តបន្ទាប់មករហូត ប៉ុន្តែហាក់នៅមិនទាន់ទទួលបានប្រសិទ្ធិភាពល្អប្រសើរនៅឡើយទេ។ ខណៈការលក់ដូរយ៉ាងអាណាធិបតេយ្យ ពាសពេញលើដងផ្លូវ នៅតែបន្តកើតមាន ពិសេសនៅវេលាយប់ និងវេលាទាបភ្លឺ ៕
ចែករំលែកព័តមាននេះ