ADផ្ទាំងផ្សព្វផ្សាយពាណិជ្ជកម្ម

Picture

ជំនាញស្ទើរភ្លើង​តែគាត់ហ៊ាន ចុង​ក្រោយ​កើត​​គ្រោះ​​អកុសលដល់ជីវិតគេ​

2 ខែ មុន
  • បាត់ដំបង

ខេត្តបាត់ដំបង ៖ ត្រាក់ទ័រ​មួយ​គ្រឿង​ដែល​បើកបរ​ដោយ​តៃកុង​ស្ទើរភ្លើង មាន​វ័យ​១៥​ឆ្នាំ​ម្នាក់ បាន​រេ​ចង្កូត​ធ្លាក់​ចូល​ប្រឡាយ​ក្បែរផ្លូវ បណ្ដាល​ឲ្យ​ក្រឡាប់​សង្កត់​អ្នក​អង្គុយ​ក្បែរ​ស្លាប់ រីឯ​អ្នកបើកបរ​ស្ទើរភ្លើង​រូប​នេះ​​រង​របួសធ្ងន់ ដែល​កើតឡើង​កាលពី​ល្ងាច​ថ្ងៃ​ទី​១៨ កុម្ភៈ នៅ​ក្នុងភូមិ​ពេជ្រ​ចិន្តា…

ខេត្តបាត់ដំបង ៖ ត្រាក់ទ័រ​មួយ​គ្រឿង​ដែល​បើកបរ​ដោយ​តៃកុង​ស្ទើរភ្លើង មាន​វ័យ​១៥​ឆ្នាំ​ម្នាក់ បាន​រេ​ចង្កូត​ធ្លាក់​ចូល​ប្រឡាយ​ក្បែរផ្លូវ បណ្ដាល​ឲ្យ​ក្រឡាប់​សង្កត់​អ្នក​អង្គុយ​ក្បែរ​ស្លាប់ រីឯ​អ្នកបើកបរ​ស្ទើរភ្លើង​រូប​នេះ​​រង​របួសធ្ងន់ ដែល​កើតឡើង​កាលពី​ល្ងាច​ថ្ងៃ​ទី​១៨ កុម្ភៈ នៅ​ក្នុងភូមិ​ពេជ្រ​ចិន្តា ឃុំ​ពេជ្រ​ចិន្តា ស្រុក​ភ្នំព្រឹក ។

សេចក្ដីរាយការណ៍​បាន​ឲ្យ​ដឹង​ថា ជន​រង​គ្រោះ​ម្នាក់​ឈ្មោះ រឹម បូ​រ៉ា ភេទ​ប្រុស អាយុ​១៥​ឆ្នាំ (​អ្នកបើកបរ​) នៅ​ភូមិ​អូរ ឃុំ​ពេជ្រ​ចិន្តា រង​របួសធ្ងន់ និង​ម្នាក់​ទៀត​ឈ្មោះ យ៉ា​ត វិសាល ប្រុស​អាយុ​១៣​ឆ្នាំ អ្នក​អង្គុយ​ក្បែរ នៅ​ភូមិ ឃុំ​កើតហេតុ ស្លាប់​ក្រោម​កង់​ត្រាក់ទ័រ ។

សេចក្ដីរាយការណ៍​បាន​ឲ្យ​ដឹង​ទៀត​ថា អ្នកបើកបរ​វ័យក្មេង​រូប​នេះ បាន​បើក​ត្រាក់ទ័រ​មក​ពី​ចម្ការ ដោយ​មាន​សណ្ដោង​រឺ​ម៉ក​ដឹក​ធុង​ទឹក​ដែល​ទំនង​បើក​ព្រហើន​បន្តិច​ផង ស្រាប់តែ​រ៉េ​ចង្កូត​ធ្លាក់​ចូល​ប្រឡាយ​ក្រឡាប់​តែ​ម្ដង ។

បើ​តាម​សមត្ថកិច្ច​បាន​ប្រាប់​ថា ត្រាក់ទ័រ​ក្រឡាប់​ចូល​ប្រឡាយ ហើយ​ជន​រង​គ្រោះ​ដែល​ស្លាប់ ក្រោម​កង់​ត្រាក់ទ័រ រីឯ​អ្នកបើកបរ​រង​បួស​ធ្ងន់ ។ សមត្ថកិច្ច​និយាយ​ថា អ្នក​បើក​ក៏​ក្មេង អ្នក​ជិះ​ក្បែរ​ក៏​កាន់តែ​ក្មេង​។ ដូច្នេះ​ការ​បើកបរ​របស់​ពួក​គេ​អាច​ខ្វះ​ការ​ប្រុង​ប្រយ័ត្ន និង​បើកបរ​បែប​លេងសើច​ផង ទើប​ជ្រុល​ចង្កូត​ធ្លាក់​ប្រឡាយ​ក្រឡាប់​បណ្ដាល​ឲ្យ​រង​គ្រោះ​ដល់​ស្លាប់​និង​របួស​បែប​នេះ​។

សមត្ថកិច្ច​បាន​ជួយ​ទាញ​ត្រាក់ទ័រ​ឡើង​ពី​ប្រឡាយ ដើម្បី​យក​ទៅ​រក្សា​ទុក​នៅ​អធិការ​ស្រុក​បណ្ដោះ​អាសន្ន រង់ចាំ​ដោះស្រាយ​តាម​នីតិវិធី ខណៈ​សព​ជន​រង​គ្រោះ​បាន​ប្រគល់​ជូន​ក្រុម​គ្រួសារ​យក​ទៅ​ធ្វើបុណ្យ​តា​ប្រពៃណី ៕

អត្ថបទសរសេរ ដោយ