ខេត្តបន្ទាយមានជ័យ ៖ ប្រជាកសិករធ្វើស្រូវប្រាំងបឹងម៉េងម៉ោញ ស្រុកព្រះនេត្រព្រះ បានចោទ
ខេត្តបន្ទាយមានជ័យ ៖ ប្រជាកសិករធ្វើស្រូវប្រាំងបឹងម៉េងម៉ោញ ស្រុកព្រះនេត្រព្រះ បានចោទប្រកាន់អាជ្ញាធរស្រុកឯកភ្នំថាបានដឹកនាំកម្លាំងបាញ់ថ្នាំសម្លាប់ស្រូវកំពុងធ្វើខ្លួនខូចអស់៦ហិកតាបានធ្វើការតវ៉ាសុំអន្តរាគមន៍កាលពីថ្ងៃទី១៥ ខែកុម្ភៈ ឆ្នាំ២០២៤ នៅចំណុចវាលស្រែ ភូមិសាស្គ្រខេត្តបន្ទាយមានជ័យ និងខេត្តបាត់ដំបង។
ប្រជាពលរដ្ឋប្រមាណជាង៥០នាក់បានកាន់បដារូបសម្តេចតេជោ ហ៊ុន សែន និងសម្តេចកិត្តិព្រិទ្ធបណ្ឌិត ប៊ុន រ៉ានី ហ៊ុន សែន និងសម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា សុំជួយរកយុត្តិធម៌ ដែលអាជ្ញាធរស្រុកឯកភ្នំដឹកនាំកម្លាំងយកថ្នាំបាញ់សំលាប់ស្រូវ បណ្តាលឱ្យខូចអស់៦ហិកតាដែលជាស្រូវធ្វើខ្លួនជិតចេញនិងទទួលផល។
ប្រជាកសិករបានបញ្ជាក់ថា ស្រូវដែលអាជ្ញាធរស្រុកឯកភ្នំ ខេត្តបាត់ដំបង ដឹកនាំកម្លាំងយកធុងបាញ់ថ្នាំសំលាប់ស្រូវ បណ្តាលឱ្យខូច បានចោទប្រជាកសិករខេត្តបន្ទាយមានជ័យធ្វើស្រូវរំលោភលើដីខេត្តបាត់ដំបង ។ ប្រជាកសិករថា តាមតំបន់បឹងម៉េងម៉ោញនេះ ប្រជាពលរដ្ឋភូមិកំពង់ក្រសាំង ភូមិក្របៅ ឃុំភ្នំលាប ស្រុកព្រៈនេត្រព្រៈ ខេត្តបន្ទាយមានជ័យ បានបង្កបង្កើនផលស្រូវរយៈពេល១៩ឆ្នាំមកហើយ ចាប់ពីឆ្នាំ២០០៥រហូតដល់ឆ្នាំ២០២១ រាជរដ្ឋាភិបាលប្រកាសដកយកដីបឹងទន្លេសាបតំបន់៣ ហើយប្រជាពលរដ្ឋបានប្រគល់ជូនរដ្ឋវិញ។
ប្រជាកសិករបញ្ជាក់ថា ក្រោយមករាជរដ្ឋាភិបាលកម្ពុជាជូនសារថា បឹងប្រជាកសិករណាដែលអាស្រ័យផល១០ឆ្នាំឡើងអោយបង្កបង្កើនផលឡើងវិញ ទើបប្រជាកសិករនៅពេលទឹកស្រុកបាននាំគ្នាយកស្រូវពូជន៍ទុកបម្រុងបង្កបង្កើនផល ត្រូវបានអាជ្ញាធរស្រុកឯកភ្នំនាំកម្លាំងមកប្រមូលយកស្រូវពូជអស់ដល់ថ្ងៃទី១៤ ខែកុម្ភៈ ឆ្នាំ២០២៤នេះ ស្រាប់តែអាជ្ញាធរស្រុកឯកភ្នំ បានដឹកនាំកម្លាំងបាញ់ថ្នាំសំលាប់ស្រូវខូចអស់៦ហិកតា ទោះជាប្រជាកសិករម្ចាស់ស្រែសុំអង្វរក៍មិនស្តាប់ផង សុំអោយប្រមុខរាជរដ្ឋាភិបាលកម្ពុជា និងរដ្ឋមន្ត្រីជំនាញជួយរកយុត្តិធម៌ជូនប្រជាពលរដ្ឋខេត្តបន្ទាយមានជ័យផង។
លោក ឃូរ ពៅ អភិបាលស្រុកព្រះនេត្រព្រះបានប្រាប់ថ្ងៃទី១៧ ខែកុម្ភៈ ឆ្នាំ២០២៤ថា ពិតជាទទួលបានព័ត៌មាន និងអោយកម្លាំងចុះទៅពិនិត្យមើលហើយ ព្រោះដីដែលប្រជាកសិករអាស្រ័យផលនេះជាដីតំបន់៣ដែលជាដីហាមឃាត់ការពារទុកសម្រាប់ដែនជម្រកត្រី ដែលមានប្រជាពលរដ្ឋ៨០គ្រួសារដែលបង្កបង្កើនផលស្រូវ២៧១ហិកតា ហើយរយៈពេលកន្លងមកប្រជាកសិករ២ភូមិឃុំភ្នំលាប ស្រុកព្រៈនេត្រព្រះ បានបង្កបង្កើនផលរហូតមក ស្រាប់តែចេញប្លង់ដីខេត្តបាត់ដំបង ហើយត្រូវបានអាជ្ញាធរស្រុកឯកភ្នំ ខេត្តបាត់ដំបង ដឹកនាំកម្លាំងយកថ្នាំបាញ់សំលាប់ស្រូវខូចអស់៦ហិកតា ដីតំបន់៣ជាតំបន់ហាមឃាត់ការពារទុកមូលហេតុអីប្រជាកសិករអាស្រ័យផលបានហើយបាញ់ថ្នាំសំលាប់ស្រូវបណ្តាលខូចអស់ ។
ព័ត៌មានបន្ថែមមានផ្សាយនៅលើកាសែតកោះសន្តិភាព ៕
ចែករំលែកព័តមាននេះ