អតីតតារាសម្តែង និងជាអ្នកដឹកនាំរឿងលោក មុត ថារី ត្រូវបានក្រុមគ្រួសារបញ្ជូនទៅសង្គ្រោះបន្ទាន់នៅមន្ទីរពេទ្យភ្លាមៗ បន្ទាប់ពីលោកមានអាការៈមិនស្រួលខ្លួន ក្នុងពេលដែលលោកកំពុងបំពេញការងារនាខេត្តបាត់ដំបង ។ បើយោងតាមការបង្ហោះនៅលើបណ្តាញសង្គមពីតារាសម្តែងលោក សាវីន…
អតីតតារាសម្តែង និងជាអ្នកដឹកនាំរឿងលោក មុត ថារី ត្រូវបានក្រុមគ្រួសារបញ្ជូនទៅសង្គ្រោះបន្ទាន់នៅមន្ទីរពេទ្យភ្លាមៗ បន្ទាប់ពីលោកមានអាការៈមិនស្រួលខ្លួន ក្នុងពេលដែលលោកកំពុងបំពេញការងារនាខេត្តបាត់ដំបង ។
បើយោងតាមការបង្ហោះនៅលើបណ្តាញសង្គមពីតារាសម្តែងលោក សាវីន ហ្វីលីព បានអោយដឹងថា ជួយគាត់ផង! ព្រឹកនេះខ្ញុំ និងឧកញ៉ា ឃ្លោក មកសួរសុខទុក្ខ និងបរិច្ចាគថវិកាផ្ទាល់ខ្លួនជូន លោក មុត ថារី អ្នកដឹកនាំរឿងជើងចាស់ និងជាកូនប្រសារកវី ស្ទឹងសង្កែ គង់ ប៊ុនឈឿន ។
លោកបញ្ជាក់ថា បង ថារី កំពុងសង្គ្រោះបន្ទាន់នៅអគាប្រព័ន្ធប្រសាទសម្ដេចតេជោ (កាល់ម៉ែត)បន្ទប់លេខ៨ ដោយសារជំងឺស្ទះសរសៃឈាមខ្មៅក្នុងក្បាល ខណៈកំពុងដឹកនាំរឿងស្ដីពីជីវិតពិតរបស់អ្នកឧកញ៉ា សៀង ណាំ ក្នុងខេត្តបាត់ដំបង បង្កទ្បើងដោយជំងឺលើសឈាម..ជីវិតគាត់ពេលនេះ កំពុងប្រឈមនឹងគ្រោះថ្នាក់ខ្លាំងណាស់ ។
ដោយឡែកបន្ថែមលើអ្វីដែលបានបង្ហោះខាងលើលោក សាវីន ហ្វីលីព បានអះអាងប្រាប់កោះសន្តិភាពតាមសារអេឡិចត្រូនិចថា លោក មុត ថារី ត្រូវបានបញ្ជូនគាត់ពីខេត្តបាត់ដំបង មកសង្គ្រោះបន្ទាន់នៅមន្ទីរពេទ្យ កាលពីម្សិលមិញ ក្នុងពេលដែលលោកកំពុងដឹកនាំសម្តែងរឿង។
លោកបញ្ជាក់ថា ដោយសារមានវ័យកាន់តែចាស់ ហើយគាត់ប្រឹងធ្វើការប្រើខួរក្បាលច្រើន និងអត់ងងុយ ជាមួយនឹងការលេបថ្នាំលើសឈាមជាប្រចាំផងដែរ ។ លោកថា ទំនងជាការងាររវល់ពេក លោកអាចភ្លេចលេបថ្នាំលើសឈាម ទើបធ្វើអោយជំងឺធ្វើទុក្ខបង្កអោយមានហានិភ័យនាពេលនេះ ។
យ៉ាងណាបើតាមលោក សាវីន ហ្វីលីព រហូតមកទល់នាពេលនេះលោក មុត ថារី បានដឹងខ្លួនហើយ ប៉ុន្តែលោកនៅមានអាការៈឈឺក្បាលខ្លាំង បន្ទាប់ពីអស់ជាតិថ្នាំ ខណៈពេលក្រុមគ្រូពេទ្យបានទាមទារអោយលោកសម្រាកអោយបានច្រើន ហើយត្រូវតាមដានបន្តទៀត ព្រោះស្ថានភាពជំងឺរបស់លោកស្ថិតនៅក្នុងដំណាក់កាលមានការហានិភ័យនៅឡើយ ៕
ចែករំលែកព័តមាននេះ