រាជធានីភ្នំពេញ ៖ បុរសអ្នកបោកអ៊ុតម្នាក់ត្រូវបានជន១ក្រុមនាំគ្នាកា.ប់នឹងដាវសាមូរ៉ៃ បណ្តាលឱ្យស្លា.ប់បាត់បង់ជីវិតនៅនឹងកន្លែង បន្ទាប់ពីមានគេទាស់ទែងគ្នា ហើយលូកមាត់ ចូលទៅក្នុងជម្លោះនោះ កាលពីវេលាម៉ោង២និង៣០នាទីរំលងអធ្រាត្រឈានចូលថ្ងៃទី៣១ ឧសភា ២០១១ នៅចំណុចក្រុមទី១៣ ភូមិទួលសង្កែ សង្កាត់ទួលសង្កែ
រាជធានីភ្នំពេញ ៖ បុរសអ្នកបោកអ៊ុតម្នាក់ត្រូវបានជន១ក្រុមនាំគ្នាកាប់នឹងដាវសាមូរ៉ៃ បណ្តាលឱ្យស្លាប់បាត់បង់ជីវិតនៅនឹងកន្លែង បន្ទាប់ពីមានគេទាស់ទែងគ្នា ហើយលូកមាត់ ចូលទៅក្នុងជម្លោះនោះ កាលពីវេលាម៉ោង២និង៣០នាទីរំលងអធ្រាត្រឈានចូលថ្ងៃទី៣១ ឧសភា ២០១១ នៅចំណុចក្រុមទី១៣ ភូមិទួលសង្កែ សង្កាត់ទួលសង្កែ ខណ្ឌឫស្សីកែវ ខាងលិចវត្តទួលសង្កែ។ ជនរងគ្រោះដែលបានស្លាប់ត្រូវសមត្ថកិច្ចឱ្យដឹងថា ឈ្មោះហួត វីរៈ ភេទប្រុស អាយុ២៦ឆ្នាំ មុខរបរបោកអ៊ុត មានទីលំនៅផ្ទះលេខ៣០៧ ផ្លូវបេតុង ភូមិទួលសង្កែ សង្កាត់ទួលសង្កែ ខណ្ឌឫស្សីកែវ បានស្លាប់នៅកន្លែងកើតហេតុ ដោយគេកាប់ត្រូវជាច្រើនដាវសាមូរ៉ៃ ។
តាមសមត្ថកិច្ចឱ្យដឹងថា ក្រុមជនដៃដល់មានបក្សពួកចំនួន៦នាក់ ជិះម៉ូតូចំនួន២គ្រឿង ប្រដាប់ដោយដាវសាមូរ៉ៃ បានកាប់ទៅលើជនរងគ្រោះនៅពេលដែលជនរងគ្រោះលូកមាត់ទៅក្នុងជម្លោះរបស់ពួកគេដែលមានទំនាស់គ្នាជាមួយជនមួយក្រុមផ្សេងទៀត ។ នៅមុនពេលកើតហេតុ ជនរងគ្រោះបានទៅអង្គុយលេងមុខឱសថស្ថានបុប្ផាមាស ៣ទៅ៤នាក់ ខណៈនោះស្រាប់តែមានមនុស្ស២ក្រុម គឺ១ក្រុមមានគ្នា៥ទៅ៦នាក់ ជិះម៉ូតូ២គ្រឿង បានធ្វើដំណើរតាមផ្លូវប្រុងបុកគ្នា និងមានទំនាស់ពាក្យសម្តីដាក់
គ្នា ។ បន្ទាប់ពីទាស់ពាក្យសម្តីជន១ក្រុមមានគ្នា៥នាក់ បានជិះម៉ូតូគេចទៅបាត់នៅសល់តែ១ក្រុមមានគ្នា៦នាក់ កំពុងតែប្រកែកគ្នាឯង។
ដោយសារមានការទាស់គ្នាឯង ជនរងគ្រោះបានដើរទៅស្រែកសួរឈ្លោះគ្នាធ្វើអី…? នៅកន្លែងហ្នឹងស្ងប់ស្ងាត់យូរហើយ ភ្លាមៗនោះស្រាប់តែក្រុមជនដៃដល់បានចុះពីលើម៉ូតូទាញដាវសាមូរ៉ៃកាប់មកលើជនរងគ្រោះបណ្តាលឱ្យដួលស្លាប់នៅកន្លែងកើតហេតុតែម្តង។ សពត្រូវក្រុមគ្រួសារបញ្ជូនទៅកាន់លំនៅឋានដែលស្ថិតនៅចម្ងាយប្រមាណ៤០០ម៉ែត្រ ពីកន្លែងកើតហេតុ ដើម្បីធ្វើបុណ្យតាមប្រពៃណី ៕
ចែករំលែកព័តមាននេះ