ADផ្ទាំងផ្សព្វផ្សាយពាណិជ្ជកម្ម

Picture

រន្ធ.ត់​ណាស់​! កីឡាករ​បាល់ទាត់​ម្នាក់​ស្លា.ប់ ក្រោយ​ត្រូវ​រន្ទះបា.ញ់ ​ពេលកំពុង​​ប្រកួត

2 ខែ មុន

ឥណ្ឌូ​ណេ​ស៊ី ៖ ជា​រឿង​ដ៏​រន្ធត់​ជាទី​បំផុត ដោយ​កីឡាករ​បាល់ទាត់​ម្នាក់ នៅ​ក្នុង​ប្រទេស​ឥណ្ឌូ​ណេ​ស៊ី​បាន​

ឥណ្ឌូ​ណេ​ស៊ី ៖ ជា​រឿង​ដ៏​រន្ធត់​ជាទី​បំផុត ដោយ​កីឡាករ​បាល់ទាត់​ម្នាក់ នៅ​ក្នុង​ប្រទេស​ឥណ្ឌូ​ណេ​ស៊ី​បាន​ស្លាប់​បាត់បង់​ជីវិត ក្រោយ​ត្រូវ​រន្ទះបាញ់​ចំ អំឡុង​ពេល​ប្រកួត​។ នេះ​បើ​យោង​តាម​ប្រភព​ពី New York Post, National World ក៏​ដូច​ជា Bleacher Report ចេញផ្សាយ​កាលពី​ថ្ងៃ​ទី​១៣ ខែកុម្ភៈ ឆ្នាំ​២០២៤ កន្លង​ទៅ​។

វី​ដេ​អូ​ដ៏​រន្ធត់​ដែល​ថត​បាន​នៅ​ពេល​ដែល​កីឡាករ Septain Raharja អាយុ​៣៥​ឆ្នាំ ត្រូវ​រន្ទះបាញ់​ចំ ហើយ​បាន​ដួល​ភ្លាម​ៗ​ទៅ​លើ​ស្មៅ នៅ​ក្នុង​កីឡដ្ឋាន Siliwangi ដែល​មាន​មូលដ្ឋាន​ក្នុង​ទីក្រុង​បាន​ដុ​ង (Bandung) ខេត្តជ្វាខាងលិច (West Java) ប្រទេស​ឥណ្ឌូ​ណេ​ស៊ី កាលពី​រសៀល​ថ្ងៃ​ទី​១០ ខែកុម្ភៈ កន្លង​ទៅ​។ កីឡាករ Septain Raharja កំពុង​លេង​ក្នុង​ការ​ប្រកួត​មិត្តភាព​រវាង​ក្រុម 2 FLO FC Bandung និង​ក្រុម FBI Subang នៅ​ពេល​រន្ទះ​បាន​បាញ់​ចំ​កីឡាករ​រូប​នេះ នៅ​ម៉ោង​ប្រហែល​៤:២០​នាទី​។

យោង​តាម​ប្រព័ន្ធ​ផ្សព្វផ្សាយ​ក្នុងស្រុក PRFM News បាន​រាយការណ៍​ថា កីឡាករ Septain Raharja នៅ​មាន​ដង្ហើម​បន្ទាប់​ត្រូវ​រន្ទះបាញ់​ចំ​ភ្លាម​ៗ ហើយ​ត្រូវ​បាន​បញ្ជូន​ទៅ​កាន់​មន្ទីរពេទ្យ​ក្នុង​តំបន់ ប៉ុន្តែ​ជា​អកុសល​គាត់​បាន​ស្លាប់​បាត់បង់​ជីវិត​ដោយសារ​តែ​ស្ថានភាព​ធ្ងន់ធ្ងរ​ពេក​។

យោង​តាម​របាយការណ៍​ទីភ្នាក់ងារ​ឧតុនិយម អាកាសធាតុ និង​ភូគព្ភសាស្ត្រ BMKG របស់​ប្រទេស​ឥណ្ឌូ​ណេ​ស៊ី​បាន​អះអាង ពពក​លាយ​លំនឹង​ផ្លេកបន្ទោរ​បាន​រំកិល​មក​ដល់​នៅ​រយៈកម្ពស់​ត្រឹមតែ​៣០០​ម៉ែត្រ​ប៉ុណ្ណោះ​ពីលើ​កីឡដ្ឋាន Siliwangi មុន​ពេល​បាញ់​ចំ​កីឡាករ Septain Raharja​។

សូម​ជម្រាប​ថា នេះ​មិនមែន​ជា​លើក​ទី​មួយ​ទេ ដែល​មាន​ហេតុការណ៍​ណ៍​ដ៏​រន្ធត់​បែប​នេះ​កើតឡើង​ក្នុង​វិស័យ​បាល់ទាត់​ប្រទេស​ឥណ្ឌូ​ណេ​ស៊ី​។ ជាក់ស្តែង កាលពី​ខែវិច្ឆិកា ឆ្នាំ​មុន កីឡាករ​បាល់ទាត់​វ័យក្មេង​ម្នាក់ ដែល​ចូលរួម​ក្នុង​ការ​ប្រកួត​ឆុត​យុវជន​អាយុ​ក្រោម​១៥​ឆ្នាំ ក៏​ត្រូវ​បាន​រន្ទះបាញ់​ផង​ដែរ ប៉ុន្តែ​មិន​ប៉ះពាល់​ដល់​អាយុជីវិត​នោះ​ទេ​៕

អត្ថបទសរសេរ ដោយ

កែសម្រួលដោយ