រាជធានីភ្នំពេញ ៖ នៅទិវានៃក្តីស្រឡាញ់ថ្ងៃទី១៤ កុម្ភះនេះ កូនៗត្រូវបង្ហាញការដឹងគុណ ចំពោះអ្នក
រាជធានីភ្នំពេញ ៖ នៅទិវានៃក្តីស្រឡាញ់ថ្ងៃទី១៤ កុម្ភះនេះ កូនៗត្រូវបង្ហាញការដឹងគុណ ចំពោះអ្នកម្តាយ ដែលចិញ្ចឹមកូនយ៉ាងល្អនិងផ្តល់ក្តីស្រឡាញ់គ្មានព្រំដែន។
នេះជាហេតុផល១០យ៉ាង ដែលអ្នកត្រូវស្រឡាញ់ម្ដាយរបស់អ្នកអោយកាន់តែខ្លាំង៖
១-សេខក្តីស្រឡាញ់គ្មានព្រំដែននិងគ្មានលក្ខណ្ឌ
ក្តីស្រលាញ់របស់ម្តាយអ្នកគ្មានដែនកំណត់ទេ។ គាត់មើលថែអ្នកយ៉ាងឥតខ្ចោះ។ សូម្បី តែស្រមោចមួយក៏មិនអោយមានលើខ្លួនអ្នកដែរ។
២-ការលះបង់
អ្នកម្តាយលះបង់ច្រើនរាប់មិនអស់ ដើម្បីធានាសុភមង្គលរបស់អ្នក។ គ្រប់ទង្វើ របស់ គាត់គឺចង់អោយអ្នកមានក្តីសុខ និងរីកចម្រើន។ ទិវានៃក្តីស្រឡាញ់ នេះ សូមទទួល ស្គាល់ និងគោរពចំពោះភាពមិនអាត្មានិយមរបស់គាត់។
៣-ភាពរឹងមាំដូចជាដែកថែនិងភាពអត់ធ្មត់
ដើម្បីកូន អ្នកម្តាយធ្វើការមិមខ្លាចនឿយហត់ដើម្បីអោយកូន មានភាពកក់ក្តៅ អាហារឆ្ងាញ់បរិភោគ និង បានរៀនសូត្រជ្រៅជ្រះភាព។ គាត់គឺជាវីរះនារីរបស់អ្នក។
សូមអ្នកឱ្យគាត់ដឹងថាអ្នកកោតសរសើរពីភាពខ្លាំងរបស់គាត់។
៤-ផ្តល់ដំបូន្មានល្អៗដល់កូន
អ្នកម្តាយតែងផ្តល់ដំបូន្មានល្អៗដើម្បីកូនក្លាយជាមនុស្សល្អនិងមានអនាគតល្អ។ គាត់គឺជាពន្លឺដ៏ចិញ្ចាចចិញ្ចែងដើម្បីបំភ្លឺវិថីជីវិតរបស់អ្នក។
៥-ការចិញ្ចឹមបីបាច់ដ៏អស្ចារ្យ
ម្តាយគ្រប់រូបចិញ្ចឹមកូនយ៉ាងល្អ។ គាត់ធ្វើការបង្ហូរញើសដើម្បីបាន លុយទិញ អាហារ ចិញ្ចឹមកូន។ ពេលខ្លះ គាត់សុខចិត្តអត់ឃ្លាន ដើម្បីទុកអាហារ អោយតែកូន បាន ហូបគ្រប់គ្រាន់។
៦-ម្តាយគាំទ្រកូនគ្រប់ពេលវេលា
ម្តាយរបស់អ្នកតែងតែជាអ្នកគាំទ្រដ៏ធំបំផុតរបស់អ្នក។ គាត់គាំទ្រអ្នក អោយជំនះ រាល់ឧបសគ្គនៃជីវិត។ សូមអ្នកបង្ហាញការដឹងគុណរបស់អ្នកចំពោះ ការគាំទ្រឥតងាករេរបស់គាត់។
៧-ទំនាក់ទំនងសាច់ឈាមដែលមិនអាចបំបែកបាន
ចំណងរវាងម្តាយ និងកូនគឺមិនអាចបំបែកបានទេ។ ដើម្បីផ្តល់កំនើតដល់អ្នក គាត់សុខចិត្តបង្ហូរឈាមដោយញញឹមដើម្បីអោយអ្នកកើតចេញមកឃើញពិភពលោក។
ដូច្នេះ សូមអ្នកបង្ហាញម្តាយរបស់អ្នកថាតើគាត់មានន័យ យ៉ាងណាចំពោះ អ្នកនៅថ្ងៃ ពិសេសនេះ។
៨-ការលើកទឹកចិត្ត
ម្តាយរបស់អ្នកតែងតែជឿជាក់លើអ្នក ទោះបីជាអ្នកសង្ស័យខ្លួនឯងក៏ដោយ។ ការលើកទឹកចិត្តរបស់គាត់ធ្វើអោយអ្នករឹងមាំ និងយកឈ្នះបញ្ហានានានៃជីវិត។
ការលើកទឹកចិត្តរបស់គាត់បានធ្វើឱ្យមានការផ្លាស់ប្តូរនៅក្នុងជីវិតរបស់អ្នក។
៩-អ្នកម្តាយជាគ្រូទីមួយរបស់អ្នក
ប្រាជ្ញានិងដំបូន្មានរបស់ម្ដាយគឺមានតម្លៃមិនអាចកាត់ថ្លៃបាន។ សូមបង្ហាញ ការដឹងគុណចំពោះចំណេះដឹងដែលគាត់បានផ្តល់ឱ្យអ្នក។
១០-ការដឹងគុណ
សំខាន់ជាងនេះទៅទៀត សូមថ្លែងអំណរគុណយ៉ាងជ្រាលជ្រៅ ចំពោះអ្វីគ្រប់ យ៉ាង ដែលម្តាយរបស់អ្នកបានធ្វើសម្រាប់អ្នក។ សូមឱ្យគាត់ដឹងថា អ្នកស្រឡាញ់គាត់។ អ្នកដឹងគុណគាត់។ អ្នកនឹងមើលថែគាត់អោយបានល្អដូចដែលគាត់មើលថែអ្នក។ ប្រាប់គាត់ថាគាត់គឺជាវីរៈនារីក្នុងបេះដូងរបស់អ្នក។
ទិវានៃក្តីស្រលាញ់នេះ សូមឆ្លៀតឱកាសដើម្បីអបអរសាទរ និងបង្ហាញពី ក្តីស្រលាញ់ របស់អ្នកចំពោះម្តាយរបស់អ្នក។ គាត់សមនឹងទទួលបានការកោតសរសើរ គ្រប់យ៉ាង នៅក្នុងពិភពលោក៕ (ដោយ ៖ងួន សេរ័ត្ន)
ចែករំលែកព័តមាននេះ