ADផ្ទាំងផ្សព្វផ្សាយពាណិជ្ជកម្ម

មេធាវីដែលបា.ញ់សម្លា.ប់សង្សារនៅខណ្ឌសែនសុខបានទទួល មរណភាពហើយ

1 ឆ្នាំ មុន

ភ្នំពេញ
១០ ខែ កុម្ភៈ ឆ្នាំ ២០២៤ ម៉ោង ២១:២៣

រាជធានីភ្នំពេញ ៖ មេធាវីដែលជាជនដៃដលបា.ញ់សម្លា.ប់សង្សារ លក់អនឡាញ នៅសង្កាត់ភ្នំពេញថ្មី ខណ្ឌសែនសុខ បានទទួលមរណភាពហើយ នៅមន្ទីរពេទ្យមិត្តភាពកម្ពុជា-ចិន ព្រះកុសុមៈ នៅវេលាម៉ោង០៥:៣០នាទី ថ្ងៃទី១០ ខែកុម្ភៈ ឆ្នាំ២០២៤ ។ នេះបើយោងតាមស្នងការនរគបាលរាជធានីភ្នំពេញ បានបង្ហោះមុននេះ ។

បច្ចុប្បន្នសមត្ថកិច្ចកំពុងធ្វើកោសល្យវិច័្ចយ នឹងប្រគល់ជូនក្រុមគ្រួសារធ្វើបុណ្យតាមប្រពៃណី ។

សូមរំលឹកថា ៖ ហេតុការណ៍ដ៏រន្ធត់ស្លុតចិត្ត នៅក្នុងស្រទាប់មហាជនខ្មែរ ដែលបង្កឡើងដោយបុរសម្នាក់មានតួនាទីជាមេធាវី បានបា.ញ់សម្លា.ប់នារីម្នាក់ រួចបា.ញ់សម្លា.ប់ខ្លួនឯងតាមក្រោយ កាលពីយប់ថ្ងៃទី៨ ខែកុម្ភៈ ឆ្នាំ២០២៤នោះ គឺអ្នកទាំងពីរធ្លាប់មានទំនាក់ទំនងមនោសញ្ចេតនាជាមួយគ្នា តាំងពីឆ្នាំ២០២២មក ប៉ុន្តែអ្នកទាំងពីរទើបតែផ្តិតមេដៃលើកិច្ចព្រមព្រៀងបញ្ចប់ទំនាក់ទំនងជាផ្លូវការ រស់នៅរៀងៗខ្លួន នៅថ្ងៃទី០៦ ខែកុម្ភៈ ឆ្នាំ២០២៤ ពោល គឺតែ២ថ្ងៃប៉ុណ្ណោះ មុនហេតុការណ៍បា.ញ់ប្រហារកើតឡើង ។

នារីជនរងគ្រោះស្លា.ប់មានឈ្មោះ អែម សុវីដេត ភេទស្រី អាយុ២៦ឆ្នាំ មុខរបរអ្នកលក់អនឡាញ ។ ចំណែកជនសង្ស័យមានឈ្មោះ ទូច វឌ្ឍនៈ ភេទប្រុស អាយុ៣២ឆ្នាំ មុខរបរជា មេធាវី មានស្រុកកំណើតនៅសង្កាត់លេខ៣ ខណ្ឌមិត្តភាព ក្រុងព្រះសីហនុ។ ប្រើកាំភ្លើ.ងខ្លីម៉ាក CZP07 និងបានរកឃើញសំបកគ្រា.ប់ចំនួន៥ ។

យោងតាមម្តាយរបស់ជនរងគ្រោះដែលត្រូវសារព័ត៌មានសង្គមសម្ភាស ការបា.ញ់សម្លា.ប់នេះកើតឡើងដោយសារតែកូនស្រីរបស់គាត់សុំបែកគ្នា ប៉ុន្តែមេធាវីជាខ្មា.ន់កាំភ្លើ.ងមិនព្រម ។

បើតាមប្រភពព័ត៌មានពីកន្លែងកើតហេតុបានប្រាប់ឲ្យដឹងថា មុនពេលកើតហេតុគេឃើញ នារីរងគ្រោះបានបើករថយន្តម៉ាក Ford territory ពណ៌ស ពាក់ស្លាកលេខ ភ្នំពេញ 2AR-4896 ធ្វើដំណើរតាមបណ្តោយផ្លូវ១៩៦៦ក្នុងទិសដៅពីកើតទៅលិច ខណៈពេលបើកមកដល់ចំណុចកើតហេតុខាងលើ ក៏បានបើកមកឈប់លើចិញ្ចើមផ្លូវក្បែរនឹងបុរីប៉េងហួតដឹសាឡែត៍ ស្រាប់តែគេបានឃើញមានរថយន្តមួយគ្រឿងទៀតម៉ាក MG ពណ៌ខ្មៅ ពាក់ផ្លាកលេខ ភ្នំពេញ 2BS-8007បើកបរដោយបុរសម្នាក់ ជាខ្មាន់កាំភ្លើ.ងធ្វើដំណើរមកពីក្រោយស្របទិសគ្នា រួចក៏បានបើកមកឈប់នៅពីក្រោយរថយន្តនារីរងគ្រោះ ក្រោយមកនារីរងគ្រោះក៏បានបើកទ្វារចុះពីរថយន្តហើយ ដើរមិនបានប៉ុន្មានជំហ៊ានផងក៏ត្រូវ បុរសជាសង្សារ និងជាខ្មាន់កាំភ្លើ.ងចុះពីរថយន្តហើយដកកាំភ្លើ.ងខ្លីបា.ញ់សំដៅទៅលើនារីរងគ្រោះជាច្រើនគ្រា.ប់ បណ្តាលឲ្យដេកដួលស្លា.ប់ក្នុងថ្លុ.កឈា.ម ហើយបុរសជាជនដៃដល់បានយកកាំភ្លើ.ងបា.ញ់សម្លា.ប់ខ្លួនឯងតាមក្រោយ បណ្តាលឲ្យដួលរងរបួសធ្ងន់ត្រូវបានដឹកទៅសង្គ្រោះបន្ទាន់ភ្លាមៗផងដែរ ។