ពោតលក្ខណ៍ ជាសមិទ្ធផលថ្មីមួយនៅស្រុកសេសាន កំពុងមានសក្តានុពលទាក់ទាញទីផ្សារ
- ស្ទឹងត្រែង
ខេត្តស្ទឹងត្រែង៖ ស្រុកសេសានជាស្រុកមួយក្នុងចំណោមក្រុងស្រុកទាំង៦នៃខេត្តស្ទឹងត្រែង ដែលមាន
ខេត្តស្ទឹងត្រែង៖ ស្រុកសេសានជាស្រុកមួយក្នុងចំណោមក្រុងស្រុកទាំង៦នៃខេត្តស្ទឹងត្រែង ដែលមាន
ខេត្តស្ទឹងត្រែង៖ ស្រុកសេសានជាស្រុកមួយក្នុងចំណោមក្រុងស្រុកទាំង៦នៃខេត្តស្ទឹងត្រែង ដែលមានប្រជាពលរដ្ឋភាគច្រើនជាខ្មែរប្រើប្រាស់ភាសាឡាវនិងជនជាតិដើមភាគតិច។ ស្រុកសេសានគឺជាស្រុកមួយដែលស្ថិតនៅនិងជាប់ទន្លេសេសាន ស្រុកមួយនេះមានសក្តានុពលផ្នែកកសិកម្មដំណាំដាំដុះ បន្លែ ផ្លែឈើច្រើនប្រភេទ ហើយនាពេលថ្មីៗនេះប្រជាពលរដ្ឋក្នុងស្រុកបានដាំដុះនូវដំណាំពោតមួយប្រភេទទៀត គឺពោតលក្ខណ៍ ដែលជាសមិទ្ធផលកសិកម្មថ្មីមួយទៀតសម្រាប់ដែនដីស្រុកសេសាន។
ដោយសារវត្តមានពោតល័ក្ខនេះជាសមិទ្ធផលដាំដុះសម្រេចបានដ៏ល្អនិងគុណភាពនោះត្រូវបានគណៈកម្មការថ្នាក់ស្រុក ដាក់បញ្ចូលទៅក្នុងផែនការបង្កើតធ្វើជាភូមិមួយមានផលិតផលមួយប្រចាំភូមិផងដែរ ។
ជួបជាមួយកសិករគំរូដាំពោត ស្ថិតនៅភូមិឃុំសាមឃួយ ស្រុកសេសាន ខេត្តស្ទឹងត្រែង លោកសុវណ្ណ ពិសេដ្ឋ អភិបាលស្រុកសេសានបានបញ្ជាក់ថា ដំណាំកសិកម្មមួយប្រភេទនេះ ពិតជាមានសក្តានុពលទាក់ទាញទីផ្សារនិងមានកេរ្តិ៍ឈ្មោះល្អ ដែលកើតចេញពីការឧស្សាហ៍ព្យាយាមនិងភាពច្នៃប្រឌិត ហើយបានធ្វើជាគំរូមួយ សម្រាប់បង្ហាញទៅដល់កសិករផ្សេងៗទៀត ឱ្យនាំគ្នាប្រឹងប្រែងរួមគ្នាដាំដុះយកផលពីវិស័យកសិកម្ម ។
លោកបញ្ជាក់ថា គុណប្រយោជន៍នេះសូមឱ្យប្រជាកសិករយើង ដែលមានដីនៅជិតប្រភពទឹកសូមកែប្រែស្ថានភាពដីទំនេរមកដាំបន្លែ ឬពោតព្រោះវាផ្តល់ប្រាក់ចំណូលសម្រាប់ជួយលើកស្ទួយជីវភាពរស់នៅ មួយផ្នែកទៀត ។ លោកក៏សំណូមពរអោយកសិករផ្សេងទៀតមករៀនសូត្រ ពីកន្លែងប្អូនស្រីនិងអ្នកមីងដែលគាត់ដាំពោតនេះ ដើម្បីចែករំលែក បទពិសោធន៍គ្នា និងដាំបណ្ដាក់គ្នា ដើម្បីឱ្យប្រជាពលរដ្ឋឬ ភ្ញៀវទេសចរណ៍គាត់ឆ្លងគាត់ទិញបានគ្រប់រដូរកាល ទី២ទៀតសូមប្រយ័ត្នប្រយ៉ែងក្នុងការប្រើប្រាស់ជី សូមឱ្យប្រើជីកំប៉ុស ជីធម្មជាតិឬ ជីលាមកសត្វ ដើម្បីកែច្នៃរបស់របរទាំងអស់នោះ យើងដាំដុះបានជាពោតមានរសជាតិឆ្ងាញ់ មិនប៉ះពាល់សុខភាព។
កញ្ញា វាសនា វីឡា កំពុងប្រមូលផលពោត នៅភូមិ ឃុំសាមឃួយ បានទទួលស្គាល់ថា ពោតលក្ខណ៍ពិតជាមានភាពទាក់ទាញអតិថិជនឱ្យចង់ទិញ ព្រោះវាមានពណ៌សម្បុរល្អ រសជាតិក៏ឆ្ងាញ់មិនចាញ់ពោតផ្សេងៗទៀតនោះទេ។
កញ្ញាបន្តថា បច្ចុប្បន្នពោតមួយប្រភេទនេះប្រជាពលរដ្ឋក៍ដូចភ្ញៀវទេចរណ៍ចូលចិត្តបរិភោគ ព្រោះមានការបញ្ជាទិញច្រើន ក្នុងមួយថ្ងៃលក់បានចាប់ពី២រយទៅ៣០០ផ្លែ ។ កញ្ញាបន្តទៀតថា ការដាំពោតនេះប្រើប្រាស់ការថែទាំរហូតបានផលមានរយៈពេល២ខែ១០ថ្ងៃ ក្នុងផ្ទៃដីជាមធ្យម អាចបេះបានមួយថ្ងៃ ២០០ ទៅ ៣០០ផ្លែ ហើយក្នុងមួយផ្លែតម្លៃ១.០០០រៀល។
លោកទំ នីរ៉ូ ប្រធានមន្ទីរកសិកម្មរុក្ខាប្រមាញ់និងនេសាទខេត្តស្ទឹងត្រែងបានគាំទ្រដល់ការអនុវត្ត ជាក់ស្តែងនេះ ព្រោះកសិករយើងមានចំណេះដឹងល្អ ហើយអាចចែករំលែកបទពិសោធន៍ទៅគ្រួសារផ្សេងទៀតបាន ដើម្បីរួមគ្នាដាំដុះដំណាំគ្រប់ប្រភេទ សម្រាប់លក់ដូរនៅតាមមូលដ្ឋាន បង្កើនជីវភាពរស់នៅ ប្រចាំថ្ងៃ ។
សូមបញ្ជាក់ថា ដំណាំពោតបច្ចុប្បន្នកសិករនៅចំណុចខេក្នុងភូមិខាំផាន់ សង្កាត់សាមគ្គី ប្រមាណជាង៣០គ្រួសារកំពុងដាំពោតស វិលជុំទទួលបានលទ្ធផលល្អជាងគេ ហើយកសិករនៅឃុំសាមឃួយបានដាំពោតព៌ណស្វាយ ហៅពោតល័ក្ខមានរយៈពេល២ឆ្នាំមកហើយ ដើម្បីប្រកួតប្រជែងទីផ្សារ និងធ្វើឱ្យសម្រេចផែនការ របស់គណៈកម្មាធិការថ្នាក់ខេត្ត ឈានទៅបង្កើតផលិតផលមួយភូមិមួយ៕
ចែករំលែកព័តមាននេះ