រាជធានីភ្នំពេញ ៖ នៅក្នុងយុទ្ធនាការក្តៅ នៃការចុះអនុវត្តរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុល រយៈពេល ៨ថ្ងៃ នៅក្នុងរាជធានីភ្នំពេញ កម្លាំងនគរបាលនៅតាមបណ្តាអធិការដ្ឋានខណ្ឌនានា ក្នុងភូមិសាស្ត្ររាជធានីភ្នំពេញ…
រាជធានីភ្នំពេញ ៖ នៅក្នុងយុទ្ធនាការក្តៅ នៃការចុះអនុវត្តរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុល រយៈពេល ៨ថ្ងៃ នៅក្នុងរាជធានីភ្នំពេញ កម្លាំងនគរបាលនៅតាមបណ្តាអធិការដ្ឋានខណ្ឌនានា ក្នុងភូមិសាស្ត្ររាជធានីភ្នំពេញ បានឃាត់យានយន្តល្មើសច្បាប់ចរាចរណ៍ បានចំនួន១,២៣២គ្រឿង នេះបើតាមការបូកសរុបពីលទ្ធផលការអនុវត្តរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុល របស់ស្នងការដ្ឋាន នគរបាលរាជធានីភ្នំពេញ ។
ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានអោយដឹងថា នៅក្នុងយុទ្ធនាការនេះដែរ បានធ្វើអោយគ្រោះថ្នាក់ចរាចរណ៍ មានការកាត់បន្ថយបានច្រើន ក្នុងរយៈពេល១សប្តាហ៍នេះ ។
ដោយអនុវត្តតាមបទបញ្ជាផ្ទាល់ពីនាយឧត្តមសេនីយ៍ ស ថេត អគ្គស្នងការនគរបាលជាតិ និងមានការដឹកនាំត្រួតពិនិត្យអនុវត្តផ្ទាល់ពីឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ សមត្ថកិច្ចនៅតាមបណ្តាលអធិការដ្ឋាន នគរបាលខណ្ឌ ទាំង១៤ បានបើកយុទ្ធនាកាចុះអនុវត្តរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុល ចាប់តាំងពី យប់ថ្ងៃទី២៥ ខែមករា ឆ្នាំ២០២៤ រហូតមកដល់ថ្ងៃទី០២ ខែមករា ឆ្នាំ ២០២៤នេះ មានរយៈពេល៨ថ្ងៃមកហើយ។ ការបើកយុទ្ធនាការរឹតបន្តឹងច្បាប់ចរាចរណ៍នេះ ត្រូវបានគេដឹងថា បន្ទាប់ពីកើតមានគ្រោះថ្នាក់ចរាចរណ៍ បុកស្លា.ប់ជាបន្តបន្ទាប់ បង្កឡើយដោយអ្នកបើកបរក្នុងស្ថានភាពស្រវឹង ។
ជាលទ្ធផល នៃការអនុវត្តរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុល ដូចខាងក្រោម ៖
១. នៅយប់ ថ្ងៃទី២៥ ខែមករា ឆ្នាំ២០២៤ ឃាត់យានយន្តល្មើស សរុបចំនួន ២៣៤គ្រឿង (រថយន្ត ០៥គ្រឿង, ម៉ូតូ ចំនួន២២៩គ្រឿង)។
២. នៅយប់ ថ្ងៃទី២៦ ខែមករា ឆ្នាំ២០២៤ ឃាត់យានយន្តល្មើសចំនួន១៦៨គ្រឿង (រថយន្ត ចំនួន៤៨គ្រឿង, ម៉ូតូ ចំនួន១២០គ្រឿង)។
៣. នៅយប់ ថ្ងៃទី២៧ ខែមករា ឆ្នាំ២០២៤ ឃាត់យានយន្តល្មើស ចំនួន២៥៨គ្រឿង (រថយន្ត ចំនួន៣៦គ្រឿង, ម៉ូតូ ចំនួន២២២គ្រឿង)។៤. នៅយប់ ថ្ងៃទី២៨ ខែមករា ឆ្នាំ២០២៤ ឃាត់យានយន្តល្មើស ចំនួន១៥៨គ្រឿង (រថយន្ត ចំនួន៣៤គ្រឿង, ម៉ូតូ ចំនួន១២៤គ្រឿង)។
៥. នៅយប់ ថ្ងៃទី២៩ ខែមករា ឆ្នាំ២០២៤ ឃាត់យានយន្តល្មើស ចំនួន១១០គ្រឿង (រថយន្ត ចំនួន២១គ្រឿង, ម៉ូតូ ចំនួន៨៩គ្រឿង)។
៦. នៅយប់ ថ្ងៃទី៣០ ខែមករា ឆ្នាំ២០២៤ ឃាត់យានយន្តល្មើស ចំនួន១១២គ្រឿង (រថយន្ត ចំនួន២៨គ្រឿង, ម៉ូតូ ចំនួន៨៤គ្រឿង)។
៧. នៅយប់ ថ្ងៃទី៣១ ខែមករា ឆ្នាំ២០២៤ ឃាត់យានយន្តល្មើស ចំនួន១០០គ្រឿង ( រថយន្ត ចំនួន៣៥គ្រឿង, ម៉ូតូ ចំនួន៦៥គ្រឿង)
និង៨. នៅយប់ ថ្ងៃទី០១ ខែធ្នូ ឆ្នាំ២០២៤ ឃាត់យានយន្តល្មើស ចំនួន៩២គ្រឿង (រថយន្ត ចំនួន៤២គ្រឿង, ម៉ូតូ ចំនួន៥០គ្រឿង)។
សរុបទាំង៨ថ្ងៃ ឃាត់បានយានយន្តល្មើសច្បាប់ចរាចរណ៍ បានចំនួន ១,២៣២គ្រឿង ។
លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានអោយដឹងថា នៅក្នុងការរឹតបន្តឹងច្បាប់ចរាចរណ៍នេះ បូកសរុបយើងឃើញថា ការគ្រោះថ្នាកចរារណ៍មានការថយចុះ ដូចជា ៖
១. ការគ្រោះថ្នាកចរារណ៍រន្ធត់នឹងធ្ងន់ធ្ងន់ មានការកាត់បន្ថយច្រើន បើប្រៀបធៀបនឹងសប្តាហ៍មុននេះ។
២. កត្តា ដែលបង្កគ្រោះថ្នាក់ដោយភាពស្រវឹង មិនគ្រប់គ្រងស្ថានភាពខ្លួនឯង បានបង្កអោយអ្នកដទែរបួសម្នាក់ និងបាត់បង់ជីវីតក៍បានកាត់បន្ថយបានច្រើនដែរ។
និងទី៣. នៅពេលយប់ ដែលបងប្អូន ប្រជាពលរដ្ឋ និងមហាជនទាំងអស់ ដែលមានការធ្វេសប្រហែសធ្វើដំណើរមិនពាក់មួយសុវត្តិភាព ក៍បានពាក់មួកសុវត្តិភាព បានច្រើនឡើងវិញ ។
លោកស្នងការ ក៍បានបញ្ជាក់ថា នេះជាការងារមួយ និងសារដល់បងប្អូនប្រជាពលរដ្ឋ និងមហាជនទាំងអស់ អោយចូលរួមគោរពច្បាប់ចរាចរណ៍ គោរពខ្លួនឯង ថែរក្សាអាយុជីវីតខ្លួនឯង ថែរក្សាសម្ភារៈ មធ្យោបាយដោយខ្លួនឯង គីកម្លាំងនគរបាលទាំងអស់គ្នានេះ គ្មានចេតនា ឬបំណងអ្វី ចំណាយពេលវេលា កម្លាំងកាយកម្លាំងចិត្ត ចុះរំខាងពួកគាត់នោះទេ តែដោយសារ បងប្អូនអត់ទាន់យល់ពីហានិភ័យ ដែលកើតឡើង គឺសមត្ថកិច្ចចាប់ផ្តើមពង្រឹងគោលការណ៍នេះ នឹងទទួលបានលទ្ធផលបានល្អ ។ ក្នុង១សប្តាហ៍នេះ សមត្ថកិច្ច នឹងរិះរកមធ្យោបាយណាមួយ ដើម្បីយកចំណុច ដែលយើងអនុវត្តនេះ មកដាក់លើតុ ពិភាក្សាគ្នា រកចំណុចណា ធ្វើទៅបានល្អ កាត់បន្ថយគ្រោះថ្នាក់ ហើយមានការចូលរួមច្រើនពីមហាជន។ អ៊ីចឹងហើយ ទើបបានទទួលសារមកវិញថា ប្រជាពលរដ្ឋច្រើនលើសលប់គាត់អបអរសាទរ នៅក្នុងយុទ្ធនាការនេះ ៕
ចែករំលែកព័តមាននេះ